رومنسيات

[ScissorX]

هما وحشين ولا ايه؟

[محسن الكاشف]

المشاركة الأصلية كتبت بواسطة kabotchino عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ههههههههههههههههههههههههههههههههههههه

يخرب عقلك ايه الحاجات دى

ههههههههههههههههههههههههههههههههههه

مش عارف اقولك ايه؟؟

صاحب الموضوع مش صغير اكيد ده معلومه جديده بالنسبه ليك الاستاذ احمد كبير
فى المقام وكبير فى السن (مش اوى ) بس هوا اكبر منك اقل شى ب 20 سنه

عارف انك متقصدش وانه رد عليك بتواضع بس انا حبيت انبهك

[HAYTHAM_333]

موضوع اكثر من رائع وربنا يجازيك خير الجزاء

[®» SilVa «®]

شكراا علي ردك وجزاك الله كل خير

[®» SilVa «®]

شوفتوا خلوا اللاب توب بقي من غير كيبورد خش وشوف :D

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[ميسون]

والله انا كنت فكراك جد في جد لكن ماكنت اعرف انك فكاهي بالدرجة دي هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههماشاء الله عليك استاذ احمد

وصباحك سكر

[_DIDO_]

شكرا لييك و ربنا يهدى الجميع

[ScissorX]

هههههههههههههههههههههههههههه


ميه ميه يا استاذ احمد ^_^

[_DIDO_]

شكراااااااااااا

[_DIDO_]

ايه البلد دى ربنا يبهدلها أكتلر و أكتر

[_DIDO_]

لا انت قاسى ازاى قلبك طاوعك ^^

[محسن الكاشف]

مقدمة الموضوع مهداة من الروائي الكبير عزيز الملط

و الحاصل علي جائزة نادي الباكابورت للقصة القصيرة
وعضو اتحاد البلابيص بالسيدة
ورئيس جمعية عنكب شد واركب لأدب الاطفال
و الحائز علي نيشان هز يا وز من جمعية ام بطة للشعر العشوائي

وصدرت لة مجموعة قصصية للكبار بعنوان:...
ام رحاب وعالم ما وراء السحاب.
مصرع صرصار في وضح النهار.
شد السيفون يا محروس احسن المية بتخر.

وبعض المؤلفات العلمية بعنوان:
تعلم قانون الجاذبية وانت قاعد عالطبلية.
نظرية النسبية مع طنط بهية.
هل الارض كروية وشك في الحيط و قفاك ليا

وهذه كانت نبذة قصيرة لحياة طويلة مليئة بالعطاء لكاتب اثري حياة الكثيرين فلتدعو له عزيز القاريء بالرفاء و البنين
و ان ربنا يفك سجنه.......وهنيالك يا فاعل الخير

وقائع هذة المهزلة حقيقية تحدث كل عام علي ارض مصر المخروبة...
واذا وجد تشابة في الاشخاص او الوقائع فهو ليس من قبيل الصدفة
ربما توجد بعض الشطحات العنترية والاضافات لكنها من قبيل ترطيب الجو الخانق للحقيقة....

بعض الملاحظات:الهايكستب هو مكان تجمع اكثر من مليون شاب سنويا من جميع انحاة مصر المعمورة(المعمورة دي مصيف زي العجمي كدة) لتقديم انفسهم للتجنيد
الاجباري
بدات في مساعي قاتلة لتخليص ورقي بدءا من شهادة الي الميلاد
الي صحيفة الحالة الجنائية مرورا بشهادات التخرج من حضانة و اعدادي و ثانوي واذا امكن شهادة نحو الامية...

صحيفة الحالة الجنائية شهادة من الحكومة تثبت انك راجل مسايس ولسانك حلو و مش بتاع لبط

وفي رحلتي هذة قابلت اصناف من البشر الواحد كان يشوفهم في التلفزيون في مسلسل الساعة 8
مثلا و انا بجيب صحيفة الحالة الجنائية وبما اني من ساكني مدينة نصر فكان اغلب رواد القسم من ساكنيها
و المناطق المحيطة من مصر الجديدة و نادي هليوبليس و الشمس و الزهور وقلة من رواد النادي الاهلي

و كما جرت العادة لازم الموظف المسؤول يقوم بوضع الزفت و الشحم علشان ياخد بصمة ايديك
و بعد كدة تمسح ايديك في اي حيطة دة لو لقيت حيطة نضيفة...
المهم واد جنبي يوشك علي البكاء و يقول للموظف...
هو يا عمو لازم احط ايدي في الوساخة دي؟؟؟
يرد الموظف في سعار متماسك ويجز علي اسنانة
ايوة ياخويا لازم تحط ايدك في الوساخة علشان الحكومة عايزة كدةوباذن واحد احد لما تدخل الجيش عيشتك هتبقي وساخة في وساخة
يمسك الموظف يد الشاب و يضعها في الشحم و يأخذ بصماتة علي الصحيفة... ويسقط الشاب ارضا عند رؤية منظر اصابعة....
وينظر الي باقي الطابور في هيستريا قائلا....
اللي بعدددددة...
ويضع كل الشباب يدهم في الوساخة لوحدهم...
المهم مرت الايام سريعة كالعادة عند انتظار وقوع البلاء
وجاء اليوم المشهود للذهاب الي صحراء الهايكستب
ولحسن الحظ ان ربنا اكرمني و عندي عربية ولا كان زماني محشور مع امثالي من المجرورين من قفاهم الي الجيش في الميكروباظات
ولكني كنت متفائلا فما ان وصلت و لقيت احد المجندين يقترب مني قائلا...
الفسحة ورا يا استاذ حط العربية هناك.....
حطيت العربية و انحشرت بين قوافل مجندين المستقبل....
واتجهنا الي مصيرنا المجهول ..

واكتشفنا ان موقع التقديم يبعد 3 كيلومتر في عمق الصحرا
و من رفق الحكومة بنا خصصت لنا اتوبيس ليقلنا
واذا بي اجد نفسي امام اتوبيس يبدو انة كان يخص واحد من كفار قريش أخخخ
المهم اتشاهدت و نطيت وسط المطحنة
مش هقدر احكي الاحداث داخل الاتوبيس حتي لا نخدش حياء البعض
لكني اكاد اقسم اني رائيت البعض ينزل من الاتوبيس و تكاد الدموع تسقط من عينية
اة بالمناسبة حتي لا يظن البعض الظنون...
انا طولي حوالي ال 188 واتمتع ببواقي جسد رياضي بسبب ممارستي للرياضات العنيفة من اول رفع كوزين الاسمنت
وضرب ولاد الجيران و في بعض الاحيان ضرب الجيران نفسهم
فكان الكثير منهم يفكر 1000 مرة قبل الاحتكاك بي ومحاولة سرقتي هوب1
المهم لقيت كمسري اي والله كمسري و بيقول تذاكر يا اساتذة ..... تذاكر .... تذاكر
فقولتلو ...
دي تذاكر اية؟؟؟
اجابني في قرف شديد...
امال انت عايز تركب ببلاش؟؟؟
هممت بدق نافوخة لكني تراجعت و اخدت التذكرة
بقي اقطع تذكرة علشان ادخل الجيش..؟؟؟؟؟؟
المهم المشهد كالاتي و الله علي ما اقول شهيد...
نزلت الافواج من الاتوبيس و تجد البعض معاة كيس زبالة كبير مليان سنتدوتشات جبنة و فول
يقوم ببيعها.... و ينادي و يقول...
فول و جبنة ......الحق يا مجند اخر وجبة يا مجند.....
المهم تجاوزت بتوع الفول و بياعين السجاير الفرط و الكيلوباترا البوكس
ووصلنا الي قدس الاقداس و علي الجانبين علي الحيطان تلاقي كلمات مائثورة و حكم علي سبيل المثال لا الحصر....
الموت او الشهادة.......مت شهيدا و لا تعش جبانا
النصر او الشهادة .....الشجاع يموت مرة واحدة و الجبان يموت 1000 مرة... الجندية شرف و رجولة يا ولاد ال...... تويت
طبعا بعض من الذين شافوا العبارات دي في اللي وقع من طولة و في اللي عملها علي روحةاما البعض و يعتقد انهم من صعيد مصر المبارك قلعو الجلابية و البلغة وصرخوا باعلي صوتهم :...
لبيك اللهم لبيك....حي عالجهاد... واشتد الحماس بالبعض و اخذ الناقة وشرخ محاولا العبور الي العراق
المهم بعد ان هدأ الجميع ...
ظهر لنا ظابط شاب يبدو علية الاحترام و الادب وقال لنا في مودة...
صباح الخير طبعا انتو كلكو ولاد ناس و جامعيين فياريت تساعدونا علشان تخلصو بسرعة وتروحو بالسلامة...يا صول فتحي لم الورق منهم
انا سمعت الكلمتين دول و قلبي انفتح و قلت ما ضاقت الا لما فرجت وقلت يا رب يسر...
اقف طابور يا متعلم انت وهو احنا مش فاضينلوكو خلص يالاااااااااااااااااااااااااااااااااا منك لة...
كان دة صوت الصول فتحي و اغلب الظن ان احد جدودة كان من قوم عاد او ثمود
ووقفنا طابور اجدع من طابور العيش...وتم لم الورق منا وجرجرونا الي مكان يطلق علية الاستراحة
علشان ما طولش عليكو انا وصلت منطقة التجنيد الساعة 7 الصبح
دخلنا الاستراحة الساعة 11 و جلسنا في انتظار الكشف الطبي و النفسي
ويشتمل علي

[.النظر
2.الوزن
3.الطول
4.العظم واي تشوهات جسدية
5.اختبار قدرات ذهنية و نفسية

المهم يقوم احد المجندين القدامي بمناداة الاسماء حسب ترتيب سنة الميلاد و يدخلو عالكشف الطبي
وتتكون المجموعة من حوالي 100 شاب في شرخ الشباب
يتم ادخالهم في حجرة مساحتها 6 في 5 متر او اكثر قليلا
كل اللي فات كوم واللي حصل في الاودة دي كوم....
نظر العسكري المسئول عنا الينا وقال في هدؤ شديد....
يلا يا استاذ انت وهو كل واحد يقلع هدومة ويحطها في الكيس اللي استلمة فيتقدم واحد من الشباب الفرافير شوية و يسئال في استحياء الانثي.؟
ينفع اقعد بالبنطلون لو سمحت؟؟؟
ينظر لة العسكري في برود و يرد في هدوء غريب..
لا يا استاذ مينفعش لازم تقلع و تفضل بالاندروير...
المهم طبعا احنا لا استلمنا كياس و لا نيلة بقي منظرنا شر البلية مايضحك
شباب زي الورد قالعين ملط الا ما يستر عوراتهم وشايلين الجزم في ايد و الهدوم في ايد
ودخلنا حجرة اوسع ووجدنا زملاءنا في الكفاح العاري
المهم عملنا الكشف الطبي و النظر و السمع و العظم
طبعا الحاجات دي بتكون عبارة عن تمرجي برتبة لواء في الجيش يمر مرور الكرام علينا
يعني بيكشف بالنظر كدة ....
و طبعا بيتم اختيار ضخام الجثة لترشيحهم سواء صاعقة او مظلات او ضفادع بشرية
و انتهي الكشف الطبي و تلاة النفسي و هو عبارة عن
ورقة فيها 3 اسئلة

1.اذكر اسمك بالكامل
2.اذكر تاريخ ميلادك
3.ما هي هواياتك

و بعد الاجابة الصحيحة تكون صحيح نفسيا بشهادة الدولة
بالرغم ان كان في واحد جنبي كان حاطط صباعة في مناخيرة و بيلعب فيها محاولا تذكر اسم امة

الحاجات التي لا تزال عالقة بنافوخي...
في كشف النظر كان في واحد جنبي نظرة ناقص 5 او والله ناقص 5 و العين التانية ناقص 4
يا دوب شايف بطنة وكان حاطط أمل ياخد اعفا وعلي حظ امة الاسود الجيش بياخد لغاية ناقص 9
في كشف العظام كان معانا واحد تخين اوي لا يقل عن 140 كيلو باي حال
و واضخ زي الشمس ان مصاب بالتصاق الفخذين .
المهم الدكتور عدي علينا و بص للواد شوية و بعد كدة مشي و كمل كشف
المهم الواد جري عالدكتور و يكاد يبوس ايدة و يقولة..
يا دكتور انا عندي التصاق في الفخذين يا فندم... ينظر لة في اشمئزاز و يكاد يهشة من امامة...
لا انا شايف انك سليم..
و الله يا فندم انا ملتصق حتي شوف سيادتك
و يقترب منة علشان يفرجة الالتصاق
ويبتعد الدكتور في قرف صارخا في بعض العساكر ..
شيلو الواد العبيط دة من قدامي
يصرخ الملتصق في شبة جنون مختلط بالضحك هستيري انا ملتصق يا عالم انا ملتصق يا ناس حتي شوفو اهوة الالتصاق انا حتي مش عارف امشي
و يقوم العساكر بسحبة و يلصقوة باقرب شجرة.... :-"
ينتهي الكشف و نلبس هدومنا و كل واحد فينا يتحاشي النظر في وجة زميلة....
ونخرج الي الخلاء في انتظار معرفة مصيرنا
وهل سندخل الجيش ام سنعفي او سيؤجل
وييسود الصمت المكان اذ يخرج العسكري المسؤل عن التبليغ بوضعك من التجنيد...في صوت جهوري

جندي مجند زكي زكي زكي ظابط احتياط
جندي مجند خلف الله خلف خلاف مجند
جندي مجند محمد محمد محمد محمدين سلاح المدفعية
جندي مجند جعان احمد جعان سلاح الصاعقة ضفدع بشري
يأخذني الذهول بضع لحظات و...
لااااااااااااااااااااااا ضفدع لاااااااااااااااااااااااااااا ضفدع لاااااااااااا لاااااااااااااااااا

ومازال نهر النيل يجرى

[محسن الكاشف]

منذ فترة ظهرت مشكلة كبيرة في العملة الصعبة خصوصا بعد انهيار الجنيه امام الدولار بالضربة القاضية, فاجتمعت هيئة المتشردين الحكومية لمناقشة القضية
********
- ايه اللي حصل للجنيه ده؟.. دي عمرها ماحصلت
- فعلا الجنيه دلوقتي بقي يساوي خمسة وتلاتين قرش بالكتير
- يا جماعة الجنيه محسود ومعمول له عمل على رجل نملة.. شيللاه يا اسيادنا
- طب والحل يا جماعة؟
- لازم نبخّر وزارة المالية

********

قام عضو متشدد دينيا وقال:
- يا جماعة دي ناس مؤمنة, كاتبين على ضهر الدولار "بالله نؤمن" أما احنا حاطين صور أصنام والعياذ بالله , البلد دي مش هاتشوف خير أبدا البلد دى مش هتشووووف خير ابدااااااا

- يا عم ابو لهب انت اهدا, دي مش أصنام وبعدين ماحنا حاطين من قدام على كل العملات صور جوامع ومآذن وكلها تقوى وايمان.. شفت الجامع اللي على العشرة جنيه , حاجة تفرح والله
- لازم اولا نعمل كونصلتو للجنيه, الجنيه كَش وصغر وبقى شبه الربع جنيه والدولار كبير وورقته أكبر من رجلينا
- يبقى نكبر حجم الجنيه عشان يبقى قد الدولار بالضبط, وساعتها يبقي ماحدش أحسن من حد
- كمان الجنيه لونه أصفر وهزيل زي ما يكون عنده السل والكساح, أما الدولار لونه أخضر مزهزه والخير باين عليه

- خلاص, يبقى نغيّر لون الجنيه ونخلّيه أخضر عشان الخير يعم علينا كلنا وعندنا المطابع والحبر والورق كتير يبقى مافيش مشكلة.

********

قام رئيس المتشرديــــــــــن وقال:

- حيث كده بقي ماتيجي نختصر و نطبع دولارات بدل الجنيهات, واهي أكسب .

- فكرة ممتازة يافندم , ساعتها الدولار يكتر وما يلاقيش حد يشتريه وسعره ينزل الأرض .
- والجنيه يغلا ويبقى بسبعة دولار ونص
- وتيجي تصرف جنيهات من البنك الموظف مايرضاش, ويقول لك الجنيه دا عملة صعبة .. ممكن تصرف بالدولار اسهل .

- طيب والتضخم ؟؟
- التضخم دا هايبقي هناك في أمريكا (ربنا يهدها) تفضل تتضخم تتضخم تتضخم لحد ما تفرقع ان شاء الله
- وممكن ساعتها نعمل صفقة مع بوش على طريقة الأفلام العربي
- إزاي؟

- هو ييجي بشنطة البضاعة وواحد مننا يروح بشنطة الدولارات اياها, وفي مترو الانفاق عند محطة أنور السادات جنب شباك التذاكر يتم تبادل الشنط ويروح على بلده بالدولارات المضروبة .
- ونقوم فاقعينه دبوس و نبلّغ عنه يقوم يتقفش في المطار ويتحبس ونخلص بقي منه ومن أذاه .

- حتة فكرة ايوة كده ومن غير اسلحة دمار شامل هنخلص منه

********

وتم الاتفاق علي أن تطبع الحكومة شوية دولارات تفك بيهم زنقتها.. وبعد أن طبعت كمية تجريبية جئنا بخبير عالمي في التزييف والتزوير ليبدي ملاحظاته على الدولار المصري

وهنا قال الخبير:

إن ما تحقق على أرض مصر هو إنجاز غير مسبوق تاريخيا , والدولار المصنوع محليا متقن للغاية وممكن يغش أي هاو
ولكن هناك عدة ملاحظات بسيطة يجب مراعاتها في الطبعة الثانية وذلك للوصول بالانتاج المصري من الدولار إلى الكمال

أولاً: لا يوجد عملة قيمتها تسعة دولار

ثانياً: الدولار الأمريكي لا يحمل صورة روبي بالزي الفرعوني

ثالثاً: لا يوجد دولار مكتوب عليه: البنك المركزي المصري

غير هذا لايوجد فرق بين الدولار الأمريكي والدولار المصري وربنا يوفق بلدنا للخير دائما وهيبقى الجنيه اكبر من الدولار واحسن كمان

********
وبالفعل أخذت الحكومة برأي الخبير ويتم الآن تلافي الأخطاء الصغيرة السابق ذكرها

وحين يتم طبع الدولارات الجديدة (وهذا بيني وبينكم) يمكننا الإبلاغ عن الحكومة بتهمة إصدار عملات مزيفة,والاتجار فى غسييل الاموال وبكده نرتاح من الحكومة لمدة عشرين سنة ده بالكتير اوى ..

[EgyHero]

انا اول واحد هبلغ

[pandafu]

ايه الحلاوه دي و ياريت تجيب لنا كل مؤلفاته عشان نتعلم منه يمكن ناخد جايزه و لا حاجه