أحذروا من نصاب الأكونتات هذا !!!!!!!

[Mark_Feehily]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والله انا مش عارف اقول ايه ولا ابتدي ازاى .... من ساعة ما عملت الموضوع الخاص ببيع الأكونت بتاعى من حوالي 10 ايام وانا كل يوم ربنا يبتليني بواحد او اتنين يكلموني وبعد ما يتوجع قلبي معاهم في الكلام اكتشف انهم عايزين يسرقونى من ناحية انهم عايزين يشوفوا الأكونت الأول ... اقولهم ماهو كده كده هنتقابل وتشوف الأكونت على الطبيعه واخد الفلوس الاقى واحد يقولى اصل انا من اسكندريه ولازم اجي وانا مطمن ... وواحد تانى يعملى انه كويتي وبرده لازم يطمن قبل ما يبعت الفلوس .... اما التالت فده كان من كفر البطيخ وبرده عايز يطمن

دلوقتي بقي مش عارف المفروض الواحد يفرح انه ماضحكش عليه من الناس دي ولا يزعل ان فيه ناس كتير موجوده هنا للأسف حراميه كل هدفهم انهم ياخدوا الأكونتات من الناس بالفهلوه والنصاحه

المهم زي مانا قولت في الأول ان فيه ناس كتير كلمتنى على الميل بخصوص الأكونت وفي اخر المحادثه اكتشف عدم الصدق رغم انى ببين حسن نيتي اننا هنتقابل وقبل ماخد الفلوس هوريله الأكونت ...فانا مش هكتب الأيميلات دي عشان ما ارميش الناس بالباطل عشان معنديش اى دليل على كلامي فالشاهد هو ربنا

الا واحد بس هو اللي اقدر اكتب ايميله وبحذركوا منه عشان متقعوش ضحيه للنصاب ده

الأيميل بتاعه اهو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بصراحه هو انسان غبي جدا وشاطر جدا ... غبي لأنه ميقدرش يضحك علي كل الناس وبيقع فى غلطات تافهه وشاطر لأنه بيضحك علي الناس اللي مش بتاخد بالها كويس

البدايه كانت يوم 28/5/2009 لما الحلو ده كلمني على الميل وبعد ماتكلمنا شويه عن الأكونت بتاعي عرض عليا انى ابدل بالأكونت بتاعه رغم انى كاتب فى الموضوع ان الأكونت بتاعي للبيع فقط وليس البدل ... المهم انا رفضت ومكنش في نيتي حاجه وحشه من ناحيته الحقيقه

بعدها بكام ساعه لاقيت الموضوع ده عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

فحمدت ربنا انه مقدرش يضحك عليا

لكن أتفاجأت تانى النهارده 31/5/2009 لسه من حوالي ساعه بالظبط ان اخينا ده بيكلمي تانى وعامل نفسه كويتي وبيتكلم بخصوص الأكونت ... غبائه وطمعه نساه انه كلمني قبل كده على اساس انه مصري ومن نفس الأيميل بس لأنه اكيد بيكلم معظم الناس اللى عامله المواضيع عن بيع الأكونتات بتاعتهم فنسي انه كلمنى قبل كده وافتكرني صيد جديد

هتلاقوا فى اللينك التالي المحادثتين كاملين ياريت تشوفوهم كويس عشان تعرفوا النصاب ده ازاى بيتكلم وازاى بيقدر يخدع الناس ولو هو عنده الشجاعه والصدق يخش ويكدب الكلام بتاعى ده وبتاع العضو احمد بيبو

لينك التحميل من هنا عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ملاحظه هامه : انا عامل الموضوع ده للصالح العام وهدفي حماية الأعضاء من النصابين ... فأرجو تثبيت الموضوع لفتره

( اللهم بلغت .... اللهم فاشهد )

[zoroegypt]

شكرا للنصيحة :)

[Mark_Feehily]

المشاركة الأصلية كتبت بواسطة zoroegypt عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا للنصيحة :)

الشكر لله

[احمد بيبو]

فعلا يا جماعة نصاب وابن تيييييييييييييييييييييييييييييييييييت والله نصاب نصاب نصاب والف شكر للعضو mark_feehily على الاهتمام وباااااااااااااااااااااااااااااااااى

[Mark_Feehily]

الشكر لله وربنا يسترها علينا جميعا