وداعا لسرعة النت 256 للابد واهلا بالـ 512 ^.^

[Flight_Angel]

السلام عليكم ورحمة الله وبركاتة

تحية طيبة وبعد ,,,


من حوالي 3 اسابيع قرأت خبر في موقع مصراوي ان بداية من شهر 6 الحالي سيتم الغاء سرعة النت 256 بشكل اجباري من كل الشركات على ان تكون اقل سرعة متاحة للعملاء هي 1 ميجا بسعر 95 جنية شهريا ودا كان بيان بأمر من وزير الاتصالات

بعدها بكام يوم الخبر اتشال من الموقع نهائي فقلت اكيد دي كانت كذبة ولان موقع مصراوي هو تابع لشركة لينك دوت نت فا محبش يعمل اعلانات على حاجه مش هتحصل

من اسبوع بس نزل خبر جديد بيأكد ان فعلا سرعة 256 اتلغت نهائي من مصر لانها مش بقت بتكفي احتياجات الشعب المصري ولكن هيكون البديل ليها 512 بنفس السعر الـ 95 ج

طبعا الخبر الاولاني اللي اتشال كان افضل لكن اضعف الايمان هنقول الحمدلله انهم فكرو فينا وضاعفو السرعات مجانا مدى الحياة وبالفعل شركة لينك عملت اعلانات بكده في موقع مصراوي واتصلت عشان اتاكد منهم وهم قالولي ان السرعات اتضاعفت بشكل اتوماتيك بداية من اول شهر 6

يمكن يكون الخبر قديم للبعض لكن حبيت احطه عشان الكل يعرف

تحياتي لكم :)

اختكم / flight_angel