العيب فى الناس مش فى الرئيس مبارك

[The_Marco]

بسم الله الرحمن الرحيم

انا عايش بره مصر من حوالى 7 سنين رجعت لمصر لقيتها زى ما هى

و فضلت افكر و اقول :-

ياريت الشباب يفوقوا من السجاير و المخدرات اللى الغرب غرقونا فيه

يا ريت الكل يفهم ان ان مصر هى عقبة اسرائيل الوحيدة فى الشرق الاوسط كله

لازم الشباب المصرى يفكوا من حلم السفر لاروبا و امريكا

لازم الناس تفهم ان مساحة مصر الفاضية لو اتعمرت او اتزرعت حيبقى فيه اقتصاد حيعلى و معدل المرتبات حتعلى احنا بقينا 82 مليون خلينا ندخل الصحرا و نعمرها بلاش السلبية اللى فى الناس الدنيا حولينا بتتقدم واحنا وافقين فى الغرب بيدرسوا حضارتنا و احنا مش مهتمين كفااية مش العيب فى الرئيس العيب فينا احنا اللى بنلوث الشارع مش الرئيس و اتباعه احنا لو اهتمنا بنفسنا حنبقى احسن ناس العرب بيشتمونا علشان احنا الاذكى بس المصريين كسالى

يا ريت نبص حولينا و نبص قدمنا مش ورانا

مساحة مصر مليون كم

احنا مقيمين فى الدلتا و خط البحر المتوسط

و الصحرا الشرقية و الغربية فاضيين نتوسع فيهم حتلاقى مساحات

نزرع اجزاء فى الصحرا و حنستغنى عن الاستيراد و مرتب الموظف الحكومى حيعلى


بجد لو على الاقل الشباب الحالى فكر فى كده على الاقل 5 سنين حتلاقى الكلام ده بيتحقق بجد انا من الاسكندرية بس مخطط ان انا حسيب اسكندرية و حبتدى بنفسى
و صدقنى الحكومة حتساعدك اطلع من الجزء الصغير اللى عايش فيه بلدك فيها مساحة وممكن تعمل فلوس بدون السفر للخارج وحلم الهجرة هيتححق بس فى بلدك ممكن مصر تبقى زى فرنسا بس اللى يفكر لو مصر وحشة ليه اسرائيل ممكن تبيع اللى حيلتها فى العالم بس يدخلوا مصر

بجد يا ريت الناس تفكر بشكل عقلانى شوية لو حصلت حرب بين مصر و اسرائيل حنصمد كام ساعة لازم الاباء يرجعوا يربوا ابنائهم على حب الوطن مش الفلوس


انا خلصت كلامى

و ياريت ترودوا و تقولوا وجهة نظركوا و هل كلامى ده صح او غلط