شرح الـــ event

[bond00k]

أنا دخلت الـ event ولعبت فيه و حقول اللى فهمته ... واللى فاهم حاجة أحسن منى أو شايفنى غلط فى حاجة يعلق ويقول ...
أول حاجة اللعبة بتقول ان الـ event حيبدأ كمان 10 دقايق ... وساعتها بس تقدر الناس انها تعمل register للـ event عشان تقدر تشترك فيه والاشتراك دا اللى هوه تانى اختيار عند البنت بتاعت الـ event اللى فى كل مدينة واسمها event So_ok ولازم تحاول تعمل الاشتراك دا بسرعة عشان اللعبة بتوفق عدد معين لما بيقفل خلاص .. لو اشتراكك قبل حيقولك registration accepted ولو ملحقتش حيقولك you may not register this time وممكن برضه ترجع فى كلامك وتدوس على تانى اختيار تانى من عند event so_ok حيقولك register canceled عشان كدة لو اشتركت وقبلت .. دوس مرة واحدة بس .. لو دوست تانى حتطلع ... ولازم برضه عشان اشتراكك يتقبل تكون محقق كذا شرط
انك متكونش فى jop يعنى ولا trader ولا hunter ولا thief
انك ميكونش معاك quest فيها انك توصل حاجة من حتة ل حتة
انك تكون جوه المدينة

المهم بعد كده ايه اللى حيحصل ؟؟؟؟؟؟

حتلاقى نفسك اتعملك teleport لحتة كدة شبه الـ cave بالظبط وحتلاقى نفسك مع ناس وكلكم لابسين أحمر أو أزرق عشان اللعبة بتقسم الناس اللى دخلت مجموعات كل مجموعة فريقين واحد أحمر وواحد أزرق والمجموعات دى بتتقسم حسب الـ level كالاتى:
1- من 20 لــ 35
2-من 36 لــ 50
3-من 51 لــ 65
4-من 66 لــ 80
كل مجموعة فى دول فيها فريقين انت حتلاقى نفسك مع فريقك لابسين لبس واحد وحواليكم خير اللهم اجعلو خير monsters الــ health بتاعتها كبيرة أوى ..المفروض تخلصو عليها بسرعة عشان يتفتح الباب بينكم وبين الفريق التانى ... لما الباب دا يتفتح ... فى علم فى السكة أى player ياخدو عشان الفريق اللى بيوصلو الاول بيكسب tickets تقريبا ... ولما توصلو للفريق التانى تموتوهم زى الـ pvp وكل واحد بيكسب tickets أكتر كل لما يموت ناس ... الموضوع دا كلو المفروض يحصل خلال 20 دقيقة بعد تنازلى وبعد كدة بترجع المدينة ومعاك الــ tickets اللى كسبتها وكل 10 tickets بتبدلها من event so_ok بحاجة وانت وحظك يا حاجة حلوة زى weapon elixir أو item يا حاجة عبيطة .زى mp potion !!!! واللى فاهم موضوع العلم أكتر يا ريت يقول ... و شكرا أتمنى أكون أفدتكم بحاجة

[bond00k]

وأعتقد ان العلم اللى بيبقى فى السكة دا المفروض تحطو فى قاعدة العلم اللى عند الفريق التانى ... مش عارف أنا صح ولا غلط بس دا اللى انا فاهمو و با ريت ردودكم عليا

[ahmedhero57566]

hi

[hamadamax]

thxxxxxxxxxxx ea basha

[abdomdht]

thx ya man

[bond00k]

الله يخليكم واللى عندو اضافة يقول ... وشكرا للردود

[ziadhatem]

tayeb ma momken el fari2 yeb2 men lvl 20 le 35 we el fari2 el tanny yeb2 lvl 80 maslne

[Moonman]

برنس والله برنس
ولازم اه طحط العلم

[hermione]

coooooooooooooool

[Mr_boBBo]

مية مية شرحك يا معلم وشكرا للافادة

[bond00k]

المشاركة الأصلية كتبت بواسطة ziadhatem عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

tayeb ma momken el fari2 yeb2 men lvl 20 le 35 we el fari2 el tanny yeb2 lvl 80 maslne

شكرا للردود الجميلة دى ... بالنسبة لموضوع الفريق التانى لأ أنا قولت ان كل مجموعة بيقسموها فرقتين يعنى لازم الفرقتين دول يكونو فى نفس المستوى لان لو حصل غير كدة الفريق التانى حيفرمك فى ثوانى

[bigboss_215]

طيب احنا ما لقناش مفتاح و الباب ماتفتحش؟؟؟؟؟؟؟؟

[bond00k]

المشاركة الأصلية كتبت بواسطة bigboss_215 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

طيب احنا ما لقناش مفتاح و الباب ماتفتحش؟؟؟؟؟؟؟؟

يبقى أكيد مقتلتوش كل الـ monsters اللى موجودة مثلا عشان الباب يتفتح أو الـ game بيهيس :D

[karem20055002]

طيب انا جيت اسجل قالولي تعال في وقت تاني استني قد اية علشان اسجل تاني ؟؟

[karem20055002]

مردتش عليا يا باشا