JAVA Programming Language لغه برمجه الجافا(2)

[egysaad]

بسم الله الرحمن الرحيم

زي مابدانا من الموضوع الى فات الكلام عن برمجه الجافا هنكمل كلامنا
(لازم الى يقرا الموضوع وعاوز يستفاد يقرا ده الاول )
http://www.silkroad4arab.com/vb/showthread.php?t=180205


تعالوا نفتكر احنا عملنا ايه المره الى فاتت

اخنا عملنا برنامج بيكتب Welcome To Java Programming!!
طيب المرادي عاوزين نعمل حاجه جديده
تعالوا الاول نعرف الفرق مابين الامرين دول

System.out.print("Hello");
System.out.println("Hello");

الفرق بقي ان الاول بيكتب الجمله ولو جينا نكتب كلام تاني هيتحط جنبه
طيب تعالوا نجرب عشان نفهم تعالو نكتب مثلا

System.out.print("Hello ");
System.out.print("hey");

هنلاقي البرنامج كاتب
Hello hey
فى الكود التاني الى هو println بيكتب الجمله ولو جه كلام بعدها يتكتب فى سطر جديد

System.out.println("Hello");
System.out.print("hey");

هنلاقيه يكتبلنا
Hello
hey

طيب تعالو نعمل برنامج يجمع رقمين بقي

هنعرف الاول ان فى البرمجه فى حاجه اسمها متغيرات احنا الاول هنتكلم عن الاعداد الصحيحه
واختصار الكود بتاعها int

// عشان نعرف اول متغير هنسميه x
int x=8;
//احنا كده حطينا لاكس قيمه 8
//نعرف باقي تاني متغير ونسميه y
int y=7;
//عشان نجيب قيمه الجمع بقي نعمل ايه هنعمل جمله طباعه عاديه ونكتب جواها x+y
System.out.print(x+y);

واحنا كده عملنا برنامج بيجمع الرقمين 7 و 8 يلا بقي جربوه