يوميات اسره مصريه جدااااااااااااااااا .....

[OoOEGYPTOoO]

السلام عليكم ورحمة الله وبركاته

يوميات اسره مصريه جدااااااااااااااااا .....

الموضوع ان شاء الله سيكون ملف كامل

ومجموعه قصص متكامله لاسره مصريه

وسيكون متجدد دائما

بسم الله الرحمن الرحيم

نبدأ
الحلقة الاولى
استيقظت الأم سعاد في إرهاق واضح قبل الشروق بربع ساعة :eek: ....جاهدت لتحاول إيقاظ جسدها المجهد واللحاق بصلاة الفجر قبل الشروق ........مشيت على أطراف أصابعها كي لا توقظ زوجها الذي صلى قبلها ......توضأت وصلت الفجر وجلست لحظات ثم قامت الى المطبخ كى تحضر طعام الغداء كي يكون جاهزا عند عودتها من عملها ........


(حد فى الدنيا يصبح يقشر بصل ؟ ) تمتمت فى سرها ووجهها الوردى المشرب بحمرة يزدادا احمرارا من تقشير البصل .....سارعت لوضع اللحم ليسلق وهى تدعو الله الا يكون الجزار كالعادة ضحك على زوجها وأعطاه لحم عجوز لا ينضج الا بعد 6سنوات !!! سارعت بضرب الطماطم فى الخلاط ومدت يدها لاخراج كيس من البسلة المخلوطة بالجزر الى أعدتها بالأمس وهى تشاهد المسلسل العربى وتغالب النوم ........


.نظرت الى الساعة وجدتها السادسة والربع حالا ستبدأ غارة ايقاظ الأولاد للذهاب الى المدرسة مرت على غرفة ابنها خالد وجدته مستلقى على فراشه بالعرض والغطاء مكوم على الأرض والغرفة فى حالة فوضى كأن قنبلة نووية مرت بها وتركت ابنها حى يرزق !!!


(اصحى يا خالد يالا ح تتأخر عن المدرسة مش كل يوم تعذبنى على ما تصحى )


وأخذت تلتقط الاكواب الملقاة حول جهاز الكومبيوتر والأطباق الملقاء فوق الكتب فى سيريالية عجيبة وحاولت بصعوبة استخراج كتبه من بين الانقاض بلا جدوى !!


(اصحى يابنى بلاش غلب على الصبح !!)


فرد عليها بصوت نائم متذمر (ياماما حرام عليكى انا نايم الساعة 3 سيبينى انام شوية)


ردت بصوت غاضب اهتز له جسدها البدين ( انت غبت امبارح من المدرسة يلا علشان تروح ولا عاوز ابوك يعملها لنا حكاية ؟ :eek: انت ناسى انك فى تانية ثانوى ؟ ثانوية عامة يابنى !!! 5 دقايق والاقيك لبست هدومك !!!! )


وخرجت من غرفته حاملة كارثة متحركة من الاكواب والاطباق والاوراق وذهبت الى المطبخ .....


وخرجت لغرفة ابنتها الصغرى ملك ذات الثمانى سنوات وكالعادة صراخ وبكاء وادعاء انها مصابة بمغص رهيييييب وان فيل هندى مر على قدمها بالليل ولهذا لا تستطيع الذهاب الى المدرسة !!


خرجت الام من غرفة ملك وهى تجرى على المطبخ بعد ما شمت رائحة شياط البسلة ....وأخذت تهذى بكلمات ساخطة ( على الخلفة واللى بيخلفوها !!) وانقذت البسلة بأعجوبة ووجدت اللحم – كالعادة - مازال أمامه ساعتين كى ينضج بعد ما امتص كل المرق ومازال كجلمود صخر !!


وهنا فاض كيلها وصرخت فى كل النائمين ( حرام عليكم انا ح ألاقيها من الطبيخ ولا من الشغل ولا من تنضيف البيت ولا من المدارس .....يالا كلكم تصحوا فى دقيقة واحدة :( !!!!)


وكأن هذه الصرخة هى علامة الخطر بالنسبة لخالد وملك فقاموا على الفور من غرفهم وكالعادة المعركة اليومية على د*** الحمام التى انتهت بتسرب ملك كالزئبق من فتحة الحمام وتركته يتوعد لها عندما تخرج !!!!!!!


أعدت الأم الافطار ودخلت غرفتها كى ترتدى ملابسها على عجل كى تلحق بعملها فى موعدها فالأمر لا يحتمل شخطة من المدير ولا مقلب جديد من احدى الزميلات المخلصات !!!!! استيقظ زوجها محمود على حركتها وهى ترتدى ملابسها ودون أن يفتح عينيه كى لا يطير النوم منهم قال لها بصوت متذمر ( هو مفيش يوم الواحد يصحى من غير سارينة الانذار دى ؟ )


كادت ترد عليه بعصبية ولكن لم تشأ ان تبدأ يومها بخناقة وجزت على أسنانها وهى تنظر للساعة فى استغاثة ( صباح الخير يا محمود الولاد ما بيصحوش الا بالطبل البلدى .......يالا أحسن ح تتأخر على شغلك انت كمان !!)


دفن رأسه تحت المخدة وهو يقول( لسه ح انام شوية كمان !!)


تمتمت فى سرها ( هم العيال جايبينه من برة ؟) وضبطت له المنبه ليوقظه بعد ربع ساعة كى لا تقوم غارة عند عودتها انها هى من تركته نائم وانها السبب فى تأخيره !!!!


اتمت ارتداء ملابسها وخرجت وجدت خالد وملك ارتدوا ملابس المدرسة ويتناولون الافطار ....... وامسكت شعر ملك لتمشيطه وهى تأكل فاعترضت وقالت ( ياماما كده الأكل ح ينزل فى شعرى !!!)


فقالت لها فى تعجب ( ياستى اللماضة دى مش بأشوفها الا فى البيت وفى المدرسة بتسيبى البنات يضربوكى ليه ؟)


فدافعت عن نفسها وقالت (لا ياماما محدش بيضربنى ده انا اللى بأموتهم من الضرب حتى اسألى خالد....... مش كده ياخالد ؟ )


فأجاب على طريقة فؤاد المهندس (اه طبعا على يدىىىىىى !!)


فأنهت الأم الصراع المتوقع وقالت لخالد بطريقة آمرة ( خالد توصل أختك لحد باب المدرسة وما تسيبش ايديها مفهوم ؟ )


وهمت بالخروج ثم عادت لتتأكد انها أغلقت البوتاجاز ولم تترك الحنفية مفتوحة ثم مرت على غرفة ابنتها الكبرى سلمى وفتحتها بهدوء ووجدتها نائمة فى هدوء تحتضن الوسادة وكأنها تحتضن صورة فارس الاحلام وبجوارها عدة كتب يبدو انها أمضت الليل فى قراءتهم وأيقظتها بهدوء فاستيقظت وهى تبتسم لأمها وتقول ( لها صباح الخير ياقمر )


فأشرق وجه الأم لأول مرة منذ استيقاظها وقالت لابنتها فى حنان ( صباح النور ياحبيبتى .....بصى كملى سوا اللحمة واعملى الرز قبل ما اخواتك ييجوا وما تنسيش تنضفى البيت كويس .....يالا كملى نومك ياحبيبتى !!!)


فردت بصوت نصف نائم ( حاضر ياماما !!) ثم احتضنت وسادتها وأكملت أحلامها .....


نظرت اليها الأم بحنان وهمست (ربنا يعدلهالك ياسلمى يابنتى يارب !!!!!!!)

طبعا القصة منقولة

[OoOEGYPTOoO]

فين الردود !!!!!!........

[LION_EGYPT]

ياباشا أنت لحقة عملت الموضوع علشان تسئال على الردود :)
على العموم شكراً ياباشا شكراً ياباشا على الحلقة الأولة من القصة وربنا يديك الصحة وتكتب باقى الحلاقات :)

[OoOEGYPTOoO]

مشكور علي المرور يا غالي بس انا عملت كدة عشان الناس تاخوض بالها ;) انتظر باقي الحلقات حظبتها وجبهلكوم

[WOLF 757]

المشاركة الأصلية كتبت بواسطة OoOEGYPTOoO عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

مشكور علي المرور يا غالي بس انا عملت كدة عشان الناس تاخوض بالها ;) انتظر باقي الحلقات حظبتها وجبهلكوم

ههه سياسة حلوة زكية والله :D

__________

والف شكر ليك ياباشا علي القصة الحلوة دي ومنتظرين باقي الحلقات , وكمان بارك الله فيك علي امانتك .

[ArabiaN]

مشكور ياغالي علي القصه الجميله
..
..
انا مستني بقيت القصه
..
..
والقصص التانيه
..
..
..
اوعه تنسي

[mido diaa cool]

عاوزينك بقى تجيب الحلقه التانيه يلا بسررررررررررررررررررررررررررعه

[Ahmed shafiq]

متشكرين يا غالي علي الحلقه الأولي
بس أنا بهنيك علي صراحتك وكمان ده إحقاق كمان للمؤلف
ومتشكر جدا مره تانيه
****************
بس الميزه هنا مش تحس إنك ماشي في البيت ورا الأم وكأنك في ظهرها ماشي وراها
ودي علشان هذا الأمر في كل بيت
وكمان أنا عندي الموضوع ده في البيت ( مع إن زوجتي ما تشتغل )
ههههههههههههههههههههههه
بارك الله فيك

[Ahmed shafiq]

ميدوووووو
انا بهنيك علي صوره القطه بتاعتك
هههههههههههههههههههههه
حلوه يامان

[mido diaa cool]

المشاركة الأصلية كتبت بواسطة Ahmed shafiq عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ميدوووووو
انا بهنيك علي صوره القطه بتاعتك
هههههههههههههههههههههه
حلوه يامان

هههههههههههه الله يخليك يااباشا بس أنا حططها هنا من زمان

[OoOEGYPTOoO]

wooow كل دي ردود مشكور علي المرور يا رجالة

[OoOEGYPTOoO]

الحلقة الثانية



دق المنبه بجوار سلمى معلنا العاشرة صب*** ومعلنا أيضا انتهاء الحلم الجميل الذى كانت تحلمه والذى تحلمه منذ سنوات :p !!!


مدت يدها لتسكت صوت المنبه المزعج وهى لا تزال مغمضة العينين وكأنها لا تريد ان تترك الحلم ابدا .....ثم قامت الى الحمام لتزيل آثار النوم عنها كى تبدأ رحلة الشقاء اليومى فى تنظيف الدمار الشامل الذى يتركه اخوتها خلفهم .....


دخلت المطبخ لتجد بقية طعام الغداء لم يعد ومدفعية من الاطباق والحلل فى انتظارها [

] اعدت كوبا من الشاى وقطع من البسكويت لافطارها وأعادت فتح النار على اللحم كى تحدث المعجزة وينضج قبل وصول ثورة الجياع :eek: !!


ياساتر يارب هى حركة طالبان كانت بايتة مع خالد فى اودته ؟! .... بجد حرام كل يوم انظفها وأخليها تبرق وهم ساعتين زمن ويخليها كأن قطر امبابة عدى من جواها!!!



انا ايه اللى خلانى أسيب الشغل بس ؟ مش كان احسن من وجع القلب ده ؟ بس احسن ازاى ؟ ده انا كنت باخد بالعافية 200 جنية وبأصرف اكتر منهم مواصلات ولبس وخلافه .....ده غير عدد ساعات الشغل اللى ممكن توصل من 9 صب*** لحد 6 مساءا وساعات اكتر لما يكون فيه جرد ولا حاجة :o ........


لما بقيت زى لاجئى الصومال من الطاحونة اللى دايرة فيها ليل ونهار ده غير المضايقات اللى لازم تتعرض لها اى بنت وخصوصا لو كانت مش مرتبطة ........ياستى خلى البساط احمدى هو فيه حد سامعنا ما تقولى عانس :( !!!


خلاص ما بقتش أخاف من الكلمة دى من كتر ما حسيتها فى عيون الناس يعنى انا داخلة على 29 سنة دلوقتى ........ :o أصحاب كتير لى اتجوازوا وولادهم دخلوا المدرسة كمان وبيقولوا لى يا طنط سلمى !! يعنى خلاص فاضل لك زلطة وتاخدى استمارة ستة يا جميل :p !!!



نظرت الى المرآة انظر الى ملامحى قد لا أكون جميلة بالمعنى المفهوم ولكن ملامحى متناسقة وشعرى طويل يعنى متوسطة الجمال زى الاف البنات وكمان اهلى حالتهم متوسطة ....


يبقى العريس ح ييجى على ايه ياسمسمة ؟ دلوقتى كل واحد بيحسبها بالورقة والقلم هى بنت مين وعندها كام وجميلة قد ايه ؟ الا من رحم ربى يييييه انا تعبت من التفكير فى الحدوتة دى .....يعنى اللى اتجوزوا خدوا ايه ؟

يالا بلا جواز لا وجع قلب :eek: ........


وأخذت تنظف حجرة ملك الصغيرة وهى تضحك على تعليقاتها المكتوبة بين طيات كراسات المدرسة ( يارب المدرسة تتهد يوم الاتنين اللى جاى !!) (مش فاهمة حاجة خالص فى الحساب ولا العربى !! ) ( الميس دى غلسة اوى !!)



وأنهت تنظيف الحجرة وجلست تستريح قليلا وهى تلملم الوان ملك وأوراقها ووجدت نفسها تلعب بالالوان وترسم وكأنها تنفس عن بخار مكتوم بصدرها لم يجد له طريقا الا على الورق ..... :)


رسمت بيت كبير على جدرانه قلوب وأشجار بلا حواجز او جدران وبه رجل طويل القامة قوى البنيان حاد النظرات ولكن على شفتيه ابتسامة حنونة .....يمسك بيده ورود ونجوم ومفاتيح لغرف سرية مجهولة .......وخلفه باب صغير نصف مغلق يطل منه رأس طفل جميل وكأنه يختبأ من العالم ويحمل فى عيونه جمال الضوء ورقة النسيم .......


وأفاقت من أحلامها على صوت جرس الباب وهو يعلن وصول أول القادمين وكان خالد...........


( ايه اللى رجعك بدرى كده !!)


(عادى يا بنتى هو لازم استنى الحصة الاخيرة والحوارات دى ؟ هو نص جنيه للبواب والدنيا تبقى فل !!)


فصرخت سلمى : ( زوغت يا فالح:( ؟ والله لو بابا عرف ليقطم رقبتك:eek: )


فرد بملل ) خلاص بقى خليكى حلوة وبلاش تقولى له وانا ح آكل وانام على طول علشان أسهر أذاكر للصبح يا جميل;) )



( أمرى لله بس استنى شوية على ما أجهز لك الأكل .....ربنا يرحمنى من الغلب ده يارب : !!)


فرد بتلقائية ( ياستى ما احنا بقى لنا مية سنة بندعى ... كبرى بقى يا سمسمة ;) )




فتكهربت سلمى من رده الجارح وان كانت سمعت مثله كثيرا فى مجتمع لا يرحم الأنثى الا لو كان فى احدى يديها صك اعتمادها كمخلوق من الدرجة الاولى .....ولكنها لم تبدى ألمها وردت بساطة ( خلهم مية وواحد ياسيدى !!!!!!! )



يااااااااااااااااااارب تعجبكم

وانتظروا باقى الحلقات

[ArabiaN]

انا قرات الحلقه التانيه
..
..
يلا هات بقيه الاجزاء
..
..
بسرعه
بسرعه
بسرعه
..
..
..
..
..
..
..
..
هههههههههههههههههه

[mido diaa cool]

حلو الجزء التانى بس الأول كان مضحك حبه أكتر من ده

[mido diaa cool]

يلا بقى أنا قعدلكو هنا لحد ماتجيب باقى الحلقااااااااااااااااااااااااات