تامر اتحبس و تهرب من الخدمة العسكرية و بيمثل علينا بوطنيته .. عندكم حق

[ecsroman]

:bsm:


تامر اتهرب من الخدمة العسكرية و اتحبس
و كان مسجون و الناس كانت بتقوله يا حبسجى



و فى ناس تانية وقفت معاه لما حست انه مظلوم
و انه اتخدع فى حكاية التزوير فى اوراق الجيش



انا بس عايز اقول للناس اللى عمالة تشتم تامر
و تقول عليه كان محبوس و حبسجى و ...... إلخ
عايز اقول لهم

محدش ضامن نفسه و اللى حصل لتامر ده كان ممكن يحصلى او يحصل ليك
و كان ساعتها برضه هتلاقى اللى يقول عليك نفس الكلام اللى بيقوله على تامر
و محدش عارف ربنا كاتبله ايه و لا مخبى له ايه و الدنيا هتعمل فيه ايه
يعنى بدل ما تقعد تشمت فى تامر لاء حط نفسك مكانه و شوف شعورك هيبقى عامل ازاى
و فكر زى ما انت بتقول ان تامر كان مسجون و زور فى اوراق الجيش
فكر كده انت ممكن تتخدع زيه و يكون تامر بأذمته دى نورت لك بصيرتك
مش ممكن انت و انت بتقول ان تامر حبسجى و .. و .. و ..
مش ممكن حد ييجى يحط فى جيبك حتة حشيش و انت ماشى فى الشارع
ظابط يفتشك و يلاقيها معاك و يقوم حبسك يبقى انت كمان اتحبست ظلم فى ظلم
و ساعتها الناس هتقول عليك الحبسجى اهوه
و هما ملهمش دعوة اذا كنت انت مظلوم او مش مظلوم هما بيهم انك كنت مسجون

ياريت محدش يستهون بحد او يشمت فى حد
علشان محدش عارف ربنا كاتب له ايه
و ياريت كلنا نتذكر مثل كده بيقول

" الــمخــايــلــة نــص الــبــلاء "
" و مــن عــمــل يــعــمــل و لــو بعــد حــيــن "


ليه يا جماعة طيب اللى بيقول ان تامر اتسجن و زور
ليه ما يبصش للنجاح اللى تامر حققه و هو فى السجن لما نزل البوم ( عينية بتحبك )
ليه ما يبصش للنجاح اللى تامر حققه بعد ما خرج من السجن
تامر رجع اقوى اكتر ما كان قبل السجن
تامر كسب حب و عطف جمهور و هو فى السجن
و انا من الناس اللى حبت و سمعت تامر بعد ما دخل السجن

ليه مفكرناش ان ربنا عوض تامر خير و كفاءة خير



اه تامر اتحبس و غلط بس اعترف بغلطته منكرهاش
مش زى ناس تانية تغلط و متعترفش بغلطها و تحلف كذب
تامر معملش كده تامر اعترف انه مذنب و صلح غلطته
و بعدين ربنا سبحانه و تعالى بيغفر
يبقى انت يا عبد مش هتغفر لعبد زيك ؟

تامر كل ما يعمل اغنية وطنية او دينيه
ناس تطلع تقول " يا تامر بطل كدب بقى احنا مش مصدقينك
ازاى واحد اتهرب من الجيش و الخدمة العسكرية و بيغنى اغانى و طنية "

محسسنى ان تامر اول واحد اتسجن
طب ما فى ناس تانية مشاهير اتسجنت و محدش اتكلم عليهم
اشمعنا تامر بالذات ؟؟ عارفين ليه

علشان تامر ربنا اداله هدية و شافه هيبقى أدها ولا لاء
و تامر قبل الهدية و معترضش على حكم ربنا
فربنا كفاءه بجد و اداله هدية مكنش يحلم بيها و هى ( حب الجمهور )


هى دى الحكاية يا كارهى و اعداء تامر



فى ملحوظة كده عايز اقولها

تامر مدخلش السجن و مقضاش عقوبته داخل السجن
تامر قضى 6 شهور فى الخدمة العسكرية مش فى السجن
يعنى راح الجيش و قدم واجبه الوطنى زيه زى اى مواطن عادى

و أدى صور تامر و هو فى الخدمة العسكرية مش السجن





صح و كمان الفنان هيثم شاكر كان زميل تامر فى السجن برضه
ليه محدش هاجمه زى ما هاجم تامر ؟؟ ممكن اعرف الأجابة بجد

اشمعنا تامر اللى عمالين تتكلموه عليه :D



برضه انا معايا حاجة كده جايب فيها معظم المشاهير اللى دخلوا السجن
يعنى تامر مش اول ولا اخر واحد اتحبس
بس هو الوحيد اللى الكل علق عليه حبل المشنقة




دخل عدد من الفنانين السجن لأسباب مختلفة أغلبها شخصي وبعضها مرتبط بمواقف سياسية.


وكانت آخر حالات سجن الفنانين للمطربين المصريين " تامر حسني وهيثم شاكر "
اللذين أدينا بتهمة التهرب من أداء الخدمة العسكرية
وتزوير شهادتي التجنيد واستخراج جوازي سفر باستخدام شهادة مزورة،
وحكم عليهما بالسجن لمدة عام كامل، ثم خففت المحكمة العسكرية الحكم الصادر في حقهما
، وخرج المطربان بعد أن أمضيا ستة أشهر وسط المساجين.



قضية أخرى حظيت باهتمام إعلامي كبير هي قضية الممثلة " وفاء مكي "
التي اتهمت بتعذيب خادمتيها وحكم عليها بالسجن ثلاث سنوات نافذة.


أما تهمة الممثلة " حبيبة " فكانت قاسية لاسيما بعد أن تأكدت براءتها مما نسب إليها،
ونالت البراءة بعد اتهامها بقتل زوجها رجل الأعمال القطري
بعد أن قضت خمس سنوات في السجن من أصل عشر سنوات
هي مدة عقوبة جريمة لم ترتكبها.
وألقي القبض على الجناة الحقيقيين بعد اعتراف أحدهم
وهو في طريقه لبيع بعض مسروقات المجني عليه.


ومن الممثلين الذين تأثروا كثيرا بتجربة السجن الممثل "سعيد صالح "
الذي قضى عاماً كاملاً بسجن الحضرة بالإسكندرية لاتهامه في قضية مخدرات،
ويؤكد سعيد صالح في حواراته أنه كان أكثر حرية من الآخرين وسط السجن
واستمتع بالقيام بعدة أنشطة اجتماعية، كما تحسنت صحته كثيرا في السجن،
وكانت "شهور الزنزانة" كما يسميها سعيد صالح
"فرصة للتأمل والتقرب من الله عشت خلالها مئات الحالات الإنسانية
مع أبطالها الحقيقيين فكنت أتنقل في قصص حياتهم المثيرة والمدهشة".


أما المغنية " بوسي سمير " التي اشتهرت بأغنية "حط النقط على الحروف"
فقضت عدة شهور سجينة قبل أن تقرر المحكمة إلغاء الحكم السابق ضدها
بحبسها سنة مع الشغل بتهمة الإهمال في حق خادمتها وتسبب في مصرعها.


وعلى مدى عدة شهور استطاعت الراقصة والممثلة " هياتم "
أن تهرب من قبضة الشرطة وابتكرت عدة وسائل للاختفاء عن أعين رجال الشرطة
وارتدت النقاب في كل تحركاتها للتهرب من أحكام قضائية،
بينها أحكام نهائية صادرة ضدها بالحبس، كحكم بالسجن 6 شهور
بعد إدلائها ببيانات غير صحيحة في أثناء قيامها
باستخراج بطاقة الرقم القومي الخاصة بها،
حيث ادعت أن سنها أصغر من عمرها الحقيقي بنحو 10 سنوات
، وحكم آخر بالسجن 3 سنوات في قضية شيك بدون رصيد. وبعد
عدة ملاحقات سجنت هياتم لمدة شهر وأطلق سراحها
بعد أن استأنفت الأحكام الصادرة ضدها.


ومن أشهر حالات سجن الفنانين قضية الممثلتين " حنان ترك ووفاء عامر "
اللتين اتهمتا في قضية آداب بعد أن ضبطتا في شقة مشبوهة،
وبعد أن قضتا عدة ليال في السجن أفرج عنهما بعد أن حصلتا على البراءة
حيث تأكد أن سبب تواجدهما بالشقة هو رغبتهما في ابتياع ملابس
من سيدة متخصصة في استيراد أزياء الاستعراضات من فرنسا.


وشكلت قضايا الآداب أكثر الاتهامات التي وجهت للفنانات
حيث اتهمت المطربة المغربية " أسماء المنور " مع خمسة آخرين
من بينهم الملحن المصري " أحمد سعد " بممارسة الأعمال المنافية للآداب
وتسهيلها داخل شقة الملحن. وبعد أن احتجزت لمدة أسبوع على ذمة القضية
حصلت أسماء المنور على البراءة من تهمة ممارسة أعمال منافية للآداب.


وبنفس التهمة قضت المطربة الجزائرية 18 شهرا في سجن القناطر بمصر،
ولم تتردد " فلة " التي تتميز بصراحتها وجرأتها الشديدة ف
ي البوح بتجربتها داخل السجن، حيث تؤكد باستمرار في حواراتها
أنها قضت تجربة مريرة مدتها سنة ونصف بسجن القناطر،
وأن القاهرة تحمل لها أسوأ لحظات حياتها.


ومن الفنانين الذين ذاقوا مرارة السجن المطرب الجزائري " الشاب مامي "
الذي قضى بالسجن ثلاثة أشهر واستفاد مؤخرا من الإفراج المؤقت
بعد أن دفع الكفالة المالية المستحقة. وكان مامي قد أتهم
بالاعتداء على عشيقته المصورة الفرنسية إيزابيل سيمون
ومحاولة إجبارها على الإجهاض بعد حملها منه.


وهناك بعض الفنانين الذين دخلوا السجن لفترات قصيرة مثل المطرب " مدحت صالح "
الذي القي عليه القبض تنفيذا لحكم صادر بحقه بالحبس عامين
في قضية شيك بدون رصيد (نصف مليون جنيه)
حرره لزوجته السابقة الراقصة فيفي عبده،
بعد اتفاقهما على إنشاء شركة تسجيلات صوتية،
وبعد أن استولى مدحت على الشركة طالبته فيفي عبده بنصيبها
ورفعت عليه ثلاث دعاوى قضائية، حصلت على 3 أحكام ضده،
الأول يقضي بحبسه لعامين وغرامة 200 جنيه،
والثاني بحبسه لـ3 سنوات وغرامة 20 ألف جنيه،
والثالث بحبسه لعامين وغرامة 20 ألف جنيه،
وسقطت هذه الدعاوى بعد قيام مدحت صالح بدفع المبالغ المطلوبة.


وتشكل قضية المطرب المصري " خالد عجاج " أحدث فصول محاكمات الفنانين
حيث أصدرت النيابة المصرية مؤخرا حكماً
بحبسه سنة مع الشغل بتهمة التهرب من الضرائب.
وكشف تقرير إدارة مكافحة التهرب الضريبي بمصلحة الضرائب


و أيضا الفنان " جورج و سوف "
ألقت شرطة ستوكهولم بالسويد القبض على المطرب " جورج وسوف "
بتهمة حيازته مخدرات، قبل ساعات من إحيائه حفلا موسيقيا في العاصمة
ستوكهولم الأحد 2 نوفمبر/تشرين الثاني.
وقال مارتن هولم المسؤول في قسم شرطة الدوائر الغربية في العاصمة السويدية
إن وسوف "موقوف منذ أمس السبت بتهمة حيازة المخدرات"،
مشيرا إلى أن المطرب أوقف خلال عملية مداهمة في أحد فنادق ستوكهولم الكبرى.
ومن جهة أخرى ذكرت صحيفة أفتونبلادت "aftonbladet" السويدية
إلى أنه تم ضبط 30 جراما من الكوكايين داخل حقائب الفنان السوري الأصل بفندق الشيراتون
، وقبيل توجهه إلى الحفل الذي كان مقررا يوم الأحد 2 نوفمبر/تشرين الثاني الجاري.
وأشارت الصحيفة إلى أن الحفل ألغي، بعد أن حجزت معظم المقاعد في الصالة،
ودفع كل راغب في حضور الحفل مبلغ 2000 كرونة سويدية (260 دولارا أمريكيا) ثمنا للتذكرة.
وأدى إلغاء الحفل إلى حالة من الغضب والغليان في أوساط الجمهور،
وعددهم يقدر بالمئات، والمثير في الأمر أن اعتقال جورج وسوف
جاء في اللحظة الأخيرة بعد أن وصل إلى العاصمة السويدية الكثير من محبي جورج وسوف،
ليس من ستوكهولم بل من مدن تبعد ساعتي سفر عن العاصمة السويدية.





و أخيرا بعد ما شفنا التقرير ده
عايز اقول اشمعنا الناس سابت كل دول
و جت علقت على تامر
علشان تامر الوحيد اللى اثبت نجاحه اكتر من حد فيهم
و نجح و عمل جمهور محدش عمله منهم
:D


معنديش انا اى سبب تانى

ياريت محدش يتريق على تامر او يخايل عليه
زى ما بتعمل فى الناس هييجى يوم و يتعمل فيك
(y)

مش هقول اكتر من كده





بنحبك و معاك يا تامر لأخر النهاية
مستنيين اغانى و طنية جديدة
تكون بنفس احساس " أحـنـا مـصـريين بــجــد "

معاك يا تامر لأخر لحظة فى حياتنا
(l)




بس انت غنى و مثل و لحن و ألف و أحنا معاك



(y)



كلنا بنحبك يا تامر و بنقولها بصوت عالى (l)



منقول

المش عجبوا الموضوع ميردش

[super_man619]

تصدق و تامن بالله اني كرهت تامر بسببك

[ecsroman]

المشاركة الأصلية كتبت بواسطة super_man619 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تصدق و تامن بالله اني كرهت تامر بسببك

طالما الموضوع مش عجبك يريت متردش ^^^^^

[mazagangy]

جامد يابني وريهم الفنانين ألي وكلين دماغهم

وكل الهجس دة كان لازم يحصل بعد تامر ما طلع علشان يحاولوا ينسوا ألي حصل لي تامر

وكل الجوائز دية السبكي هو ألي عامل الحوارات دية علشان أفلامة تمشي

خلي الشعب زيم ا هو وخدينوة بطل شعبي

[ForGet Me]

جامد جدا بس انا بحبة لي صوتة بس والله وبحب كل الفنانين:oao5:

[Hell Knight2]

سواء بعض الناس بتحب تامر و بعضهم لا دى مش نقطة خلاف لان كل واحد ليه رأيه
و مش معنى ان حد مش بيحب يسمع تامر يبقى كدا تامر حد وحش دى حرية شخصية تسمع مين و ماتسمعش مين

بعيدا عن ان انا بحب تامر ولا لا انتا عامل مجهود جامد والله

تقبل مرورى

[walid54]

شكرا علي مجهودك الرائع

[HeroKnight]

كرا على المجهود الرائع بس يا عم متكرهناش فى تامر تامر فنان وزى ما اسماعيل بكر قال عليه تامر مطرب عمرودياب مغنى

[°•.♥ Manas ♥.•°]

انت مالك متعصب كده ليه براحه شويه و ايه بنحبك يا تامر و الكلام الفاضى ده فى ناس بتحب تامر و ناس كتير كمان لاكن بحدود مش حب الهبل فاهمنى طبعا و تقبل مرورى

[soryano]

المشاركة الأصلية كتبت بواسطة LonelyTones عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

جامد يابني وريهم الفنانين ألي وكلين دماغهم

وكل الهجس دة كان لازم يحصل بعد تامر ما طلع علشان يحاولوا ينسوا ألي حصل لي تامر

وكل الجوائز دية السبكي هو ألي عامل الحوارات دية علشان أفلامة تمشي

خلي الشعب زيم ا هو وخدينوة بطل شعبي

loooooooooooooooooooooooooooool
احلى كلام انا بقه بقالى كتير بشوف موضيع عن تام

تامر نجم الجيل تامر الاسكوره تامر تامر تامر


يا جدعان فوقو بقه منو ده وكلوكو عقلكو انا مبحبهوش اصلا ومسبعش عربي اساسا الا لعمرو دياب علشان ده نجم


ومحدش يعلق ويقول منتا مهوس بي عمرو اهو


احب اقولو انا اساسا بسمع انجليش و مهووس بي واحد اسمو eminem and 2pac and cold play band and para more

[HallOfFame]

لا حول ولا قوة الا بالله ....كل ده عشان واحد اسمو (تامر حسنى)؟؟؟؟


امال لو رئيس الجمهورية هتعمل ايه :drb3::drb3::drb3::drb3:



تقبل مرورى و يا ريت متزعلش....ده مجرد رأى ...

[_DIDO_]

تصدق بالله انا بحب تامر و هكرهه بسببكم

ايه كل يوم موضوع عن محسسنى ان القسم مفهوش غير شتايم و بس عنه

يا عم الكلاب تعوى و القافله تسير

فكك بقى

ملوش لازمه اللى يحبه يحبه و اللى يكره يكره

و كل واحد يحط احساسه لنفسه و بس عشان ميحصلش نزاعات و خناقات ملهاش لازمه

و ياريت نهتم بالقسم الدينى زى ما بنهتم بتامر كده و احنا نفلح والله

اخر كلامى

تقبل مرورى بعد اذنك

[LoseAngeL]

:maaamy::maaamy::blb2:

[hossamshs]

كل دول اتحبسوا

ياما فى السجن ممثلين :zxcv7:

[Mohamed1163]

حول ولا قوة الا بالله ....كل ده عشان واحد اسمو (تامر حسنى)؟؟؟؟ :nrfza: