| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
|
|
07-05-2010, 06:16 PM
|
#1 | ||||||||||
  
|
. صوت جرس التليفون يرن في منزل حديث باحد احياء الاسكندريه وهو حي كليوبترا الشهير يلتقط طفل في السادسه من عمره سامعه الهاتف ويقول الو الطرف الأخر: الو مين معايا؟ الطفل: حضرتك الي طالب يا عمو مين انت؟ الطرف الاخر: ايوه يا سمير انا عمك شوقي زميل بابا في الشغل بابا صحي؟ خالد: ايوه ياعمو صحا ثواني اندهله.. ترك الطفل السماعه وجري الي غرفه مكتب والده مسرعا وهو يهتف : بابا عمو شوقي عاوزك علي التليفون فالتفت له الأب قائلا: شكرا يا سمير انا رايح ارد وتمتم قائلا خير علي الصبح ثم التقط السماعه قائلا: ايوه يا شوقي خير ايه الي حصل؟ شوقي خير يا خالد بيه بلاغ جديد ومحتاجينك خالد: ايه الموضوع بالظبط يا شوقي شوقي : أبدا حادثه سرقه في مكتب شركه ومعقده اووي خالد طب انا جاي حالا اديني العنوان .. فكتب العنوان علي ورقه ثم وضع سماعه التليفون والتقط جايكت البدله الخاصه به ثم توجه الي الباب وقال لابنه سمير عايز حاجه وانا راجع يا سمير؟ فرد سمير بحزن لا يا بابا.. فندهش خالد وتسئال عن سبب حزن ولده ثم عاد وتذكر انه حزين منذ هزيمه فريقه الأهلي امس وداعبه ليمحو اثار حزنه متزعلش يا سمير الأهلي فرقه كبيره وحتعوض فأنفجر سمير في سرد نقاط الضعف والقوه في فريق الأهلي وطريقه اللعب واسباب الهزيمه فأندهش والده علي كم معلوماته الكرويه بالنسبه لسنه الصغير الذي لا يتعدي العشر سنوات وطأطأ برأسه موافقا اياه وهو في حاله ذهول ثم ألتقط مفتاح سيارته واتجه الي الشارع بعد ان اغلق خلفه الباب مسرعا الي مكان الجريمه وصل خالد الي مقر شركه المنسجوات وما ان وصل الي باب الشركه حتي وجد شوقي ينتظره فقال له وهو يصعد الي موقع الجريمه ايه يا شوقي؟ ايه الي حصل بالبظبط؟ فأجبه شوقي: ابدا يا باشا خزنه الشركه كان فيها نص مليون جنيه الصراف بيفتح الخزنه الصبح مالقاش فيها ربع جنيه حتي ومفيش اثار اقتحام ولا حتي بصمات ولا اي حاجه فنعقدت حواجب خالد في اندهاش وقال معقبا اومال طاروا ولا اتبخروا يا شوقي مين الي كان موجود في الشركه ومين المسئول عن الخزنه؟ فرد شوقي بسرعه مفيش غير تلاته لان باقي الموظفين في مصنع الشركه هنا الماليات بس ولان المصنع صغير موظف واحد الي بيقوم بالمهام الماليه وهو راجل كبير اسمه حسين وشغال مع صاحب الشركه من سنين والتاني عامل البوفيه وده جديد واخيرا فرد الامن الي كان بايت من امبارح عشان الشفت بتاعه 12 ساعه وكمان بتاع الصبح وصل بعد ما اكتشفوا السرقه استمع خالد بأذان صاغيه الي ما قاله شوقي واخذ يحاول تجميع ماقاله ليصل للجاني ثم قال لشوقي افتحلنا محضر وابعتلي الاول صاحب المصنع, فأسرع شوقي بتنظيم العمليه واخذ خالد يعاين مكان الجريمه ولم يجد اي شئ مريب فيها ثم نادي عليه شوقي قائلا يلا يا خالد بيه نبتدي,واحتلوا مكتب موظف الماليات لمباشره التحقيق. تحب نبدأبمين يا خالد بيه؟ كان هذا شوقي منبها خالد الذي كان جالسا علي كرسي موظف الماليات,فأجابه خالد صاحب المصنع يا شوقي فنادي شوقي علي صاحب المصنع فدخل الرجل مسرعا وعلامات الحزن تبدو عليه وبعد ان سئله خالد الاسئله المعروفه اسمك وسنك ومحل عمل وسكنك قال له معلوماتك ايه عن الجريمه؟ صاحب المصنع: ابدا اتصلوا بيا الصبح وبلغوني بالمصيبه دي خالد: تتهم مين بالسرقه؟ الرجل:معرفش الناس كلها كويسه عم حسين باقلوا معايا سنين طويله والواد سعد بتاع البوفيه عيل غلبان ومالوش في الكلام ده مفيش غير ثم صمت للحظه فلاحقه خالد غير مين؟ فرد الرجل: الواد الجديد بتاع الامن بقاله تلت تيام بس وبصراحه عيل صغير وشركه الامن بعتته بدل من زميله سالم الي بقاله خمس سنين معايا عبقال ما يرجع سالم فقال خالد وبدلوه ليه؟ فرد الرجل: ابدا اصل ابن سالم بيعمل عمليه يكفيك الشر ورم خبيث لابنه في المعده وخد اجازه اسبوع قال خالد بتشك في حد تاني؟ رد الرجل : لا فشكره خالد وطلب منه التوقيع علي اقواله ثم طالب شوقي بمناداة موظف الماليه ،فناده شوقي ,فأتي الرجل مسرعا وتبدو عليه علامات الاضطراب , فسئله خالد نفس الاسئله المعتاده ثم قال له : معلوماتك ايه عن الجريمه؟ فقال حسين: ابدا يا فندم جيت الصبح وخدت مفتاح المكتب من الامن وطلعت وشربت شاي وبفتح الخزينه عشان اخد الفلوس لان النهادره يوم قبض العمال مالقيتش فيها حاجه قاطعه خالد ومفتاح الخزنه يفضل ليه مع الأمن مش المفروض دي عهدتك؟ فقال حسين: لا الخزنه بتفتح بشفره لكن الي بيفضل مع الامن مفتاح المكتب فقال خالد بتشك في حد يا عم حسين؟ فأجابه سريعا لا يا فندم خالد: طيب مين تاني يعرف شفره الخزنه؟ فأجابه مفيش غيري انا وصاحب المصنع خالد طيب صاحب المصنع مئمن علي الخزنه ضد السرقه؟ فأجابه حسين لا خالد طيب ايه رأيك في فرد الأمن الجديد؟ فرد حسين ماليش اختلاط بيه لان سنه صغير وكمان لسه جديد لكن سالم ربنا يشفي ابنه كان بيني وبينه كل خير وكمان كان بيفتحلي المكتب الصبح ويشرب معايا شاي وكمان استلفله فلوس عشان كان محتاج فلوس عشان عمليه أبنه وبيني وبينه كل خير,واستطرد قائلا:لكن ده ولا يوم عملها معايا رغم اني صحتي علي قدي لكن نقول ايه في شباب اليومين دول فشكره خالد وطالبه بالتوقيع علي المحضر فوقع وانصرف الرجل خارج المكتب فطلب خالد بعدها من شوقي مناداة عامل البوفيه ,فستجاب شوقي وحضر عامل البوفيه وبعد الأسئله المعروفه سئله خالد :معلوماتك ايه عن الجريمه؟ فرد العامل: ابدا يا باشا انا جيت الصبح وصبحت علي عم حسين وبعد شويه عملتله شاي وبعدها بربع ساعه لقيته عمال يصوت الحقوني الخزنه اتسرقت اعمل غتيتوني يا عالم واتصالنا بصحاب المصنع علي طول خالد: بتشك في حد؟ العامل: لا يا باشا وانا ايش فهمني انا هوانا مخبر فنهره شوقي وقال له اتكلم عدل مع الباشا ياض فقال له خالد يا شوقي خلي دماغك كبيره ثم طالبه خالد بالتوقيع علي اقوله وفقال له العامل انا ببصم يا باشا.. فبصمه شوقي وقبل ان ينادي خالد علي فرد الأمن رن الهاتف فالتقطه خالد سريعا ولم يقل شيئا فأتاه صوت رجل يقول: ايوه يا عم حسين ياريت تجبلي الفلوس الي عليك النهارده انا متأكد انك قبضت.. فرد خالد قائلا عم حسين مش موجود اتصل بيه مره تانيه ووضع السماعه سريعا ثم طلب من شوقي ان ينادي فرد الامن ياسر فاتي مسرعا وبعد الاسئله المعتاده قال له خالد:معلوماتك ايه عن الجريمه؟ فقال ياسر فرد الامن : ابدا يا باشا انا بايت هنا من امبارح ومشفتش لحد طلع ولا دخل مسبتش مكاني لحظه والصبح لقيتم بيصرخوا الخزنه اتسرقت خالد :بتشك في حد؟ ياسر: اكيد ميعملهاش غير حسين هو الي مرتبلها خالد: انت متأكد انك منمتش امبارح؟ ياسر: ابدا يا باشا ده قاعد قدام الباب ومطلع التليفزيون اتفرجت علي ماتش الأهلي ولغايه الصبح قاعد بتابع التحليل الي بعد الماتش خالد كنت شغال فين قبل كده؟ ياسر: انا خريج تجاره ومن ساعه التخرج وانا شغال أمن في الشركه دي من خمس سنين وعمري ما اشتغل شفت ليل عشان بحب الكوره لكن ظروف سالم بقي ومرض ابنه هيه الي خلتني امسك هنا مع اني كنت مبسطوط في المستشفي الي كنت امن عليها. خالد: وقع علي اقوالك. وبعد تحريات المباحاث الي اكدت صدق اقوال المشتبه فيهم استصدر خالد قرارا بالقبض علي ياسر واتهامه بسرقه خزينه شركه المنسوجات لكفايه الأدله فهل توافق خالد؟ ولو توافقه فلماذا؟ واذا كنت لا توافقه فمن الجاني؟ ولماذا؟ . |
||||||||||
|
| إعلانات google |
|
|
|
07-05-2010, 07:22 PM
|
#2 | ||||||||||
  
|
ياسر فعلا اللي سرق اولا انهي تحليل اللي بيتعمل عشان ماتش للصبح و بعدين انهي حارس هيفضل سهران طول اليوم من صبحه لفجر اليوم التاني و هوا كده كده بطريقة معينة عرف طريقة فتح الخزنة و سرق الفلوس منها |
||||||||||
|
التعديل الأخير تم بواسطة Hawkaaa ; 07-05-2010 الساعة 07:27 PM
|
|
07-05-2010, 07:36 PM
|
#3 | |||||||||||
  
|
اقتباس:
|
|||||||||||
|
|
|
07-05-2010, 08:23 PM
|
#4 | ||||||||||||
|
اقتباس:
اقتباس:
|
||||||||||||
|
|
|
07-05-2010, 07:53 PM
|
#5 | ||||||||||
|
انا عرفت مين اللي سرق المصنع لو انت كمان عرفت متتصلش فز قوم روح المصنع شوفو وانت تعرف هتلاقي الحرامي في تالت حته علي ايدك اليمين في الشمال الموازي لليمين المنعكس من نقطه البدايه وابقي قابلني ههههههههههههههههههه |
||||||||||
|
|
|
07-05-2010, 08:21 PM
|
#6 | ||||||||||
  
|
انا اكيد مش مع الضابط لانو بكل بساطة ابن الضابط نفسه شاف الماتش اللى كان امبارح واكيد شاف التحليل واكيد مفيش تحليل بيقعد للصبح لكن بردو ميمحيش انو ممكن يكون شاف برامج تانية لكن الاهم هو كراهية عم حسين لياسر دا مع انو مفيش غير 3 ايام شغال وتتولد الكراهية دى ؟ صعبة بردو عشان كده ممكن يكون الموضوع كيدى وعم حسين شال الفلوس ولفقها لياسر دا لان الخزنة بتتفتح بشفرة ميعرفهاش غير صاحب المصنع وعم حسين اما بالنسبة لصاحب المصنع فهو مستبعد لانو مش مأمن على الفلوس! فملوش مصلحة وبالنسبة لبتاع الكافيه ، فبردو كان ممكن يسرق الخزنة من زمان طالما معاه الشفرة!!!! اذا دائرة الاتهام تنحصر فى 2 1- عم حسين 2- ياسر ولو بنظرة بسيطة نشوف دوافع مين اقوى واكتر بالنسبة لياسر فممكن الفلوس تغريه لكن فى نفس الوقت هو مش مرتاح فى الشركة!! واما بالنسبة لعم حسين ، فالدوافع كتيرة ، اولها صاحبه الحارس القديم اللى بيعمل عملية لابنه استئصال ورم ودى عملية مش رخيصة ثانيا كرهه لياسر الحارس الجديد القرفان من الشغل ومفيش بينهم مودة او اتصال ممكن تجيب فى فكره تنفيذ الجريمة وتلفيقها لياسر وثالثا ودا الاهم المكالمة الغريبة اللى جتله فى المكتب بانه مستدرين لشخص ما وبيتصل يطلب الفلوس اذا يا حضرات اتضحت الامور وانا اكاد اجزم ان عم حسين حارس الخزنة هو سارق الفلوس وتحياتى ^_^ |
||||||||||
|
|
|
07-05-2010, 08:27 PM
|
#7 | |||||||||||
|
اقتباس:
تحليلك للموضوع منطقى جدا جدا جدا مع انى بستبعد عم حسين بس ده مجرد رائى خاص بى |
|||||||||||
|
|
|
07-05-2010, 08:30 PM
|
#8 | |||||||||||
|
اقتباس:
ههههههههه شكرا ليك بس بردو لسه بتستبعده؟؟؟ ^^ |
|||||||||||
|
|
|
07-05-2010, 08:26 PM
|
#9 | ||||||||||
  
|
بص يا معلم انا خيالى واسع حبتين انا ممكن اقول الراجل اللى ابنه عيان ده هو و الواد الجديد اللى منظمنها مع بعض عندك مثلا لما كان بيقعد مع عم حسين ممكن فى اى وقت يعرف ازاى بيفتح الخزنه ولما عرف طبعا عايز يسرقها عشان ابنه فقال وهو شغال مش هيعرف يسرقها عشان التهمه هتلبسه هتلبسه عشان مش بيكون فيه غيره فقال انا اجيب واحد باى حجه وبعديها يخلينى ادخل براحاى و بم انى عارف الشفره خلاص واخرج ونقسم بعدين وطبعا الامن معه نسخه من المفتاح وفى حل تانى ان الواد اللى كان شغال اول عمل نسخه لما كان شغال فيها والتانى زى الحمار بيتفرج على الماتش وسهتان لما دخل فيهم الجون وخسره كان التانى دخل وفتح الباب وعمل الشفره وخلع |
||||||||||
|
|
|
07-05-2010, 08:37 PM
|
#10 | |||||||||||
|
اقتباس:
|
|||||||||||
|
|
|
07-05-2010, 08:40 PM
|
#11 | ||||||||||
|
شكلى هقتنع لكلام Fire33 و ممكن يكون عم حسين ليه يد فى الموضوع ده بس كلام omar007 برده مقنع اوى و انا مقتنع لكلامه اكتر |
||||||||||
|
|
|
07-05-2010, 08:47 PM
|
#12 | |||||||||||
  
|
اقتباس:
الدافع واضح : سالم مزنوق في فلوس العمليه بتاع ابنه فا سرق الخزنه و لبسها لي الواد الجديد او كان متفق معاه |
|||||||||||
|
|
|
07-05-2010, 08:50 PM
|
#13 | |||||||||||
|
اقتباس:
|
|||||||||||
|
|
|
07-05-2010, 08:55 PM
|
#14 | ||||||||||
  
|
أنا أتوقع إنو ياسر والدليل اول : إنو بيقول قعد يشوف التحليل للصبح ومفيش حد في الدنيا هيقعد للصبح يقول تحليل الوقت ده كان يكفي يقول تحليل لأمتشة كاس العالم. الدليل الثاني : إنو بيقول إنو شغال في المصنع بقالو 5 سنين وهوا بقالو 3 أيام بس. |
||||||||||
|
|
|
07-05-2010, 09:14 PM
|
#15 | |||||||||||
|
اقتباس:
|
|||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| كيفية اعادة ضبط المصنع للهارد ديسك | mina_sheko | قسم المواضيع المكررة و المخالفة | 3 | 17-01-2012 06:44 PM |
| الامل ( قصه قصيره ) | شمسنا | بـعـيـدآ عـن سـيـلـك رود | 13 | 05-10-2009 11:46 AM |
| قصه قصيره وخياليه | merolegend | بـعـيـدآ عـن سـيـلـك رود | 2 | 11-12-2008 01:31 PM |
| قصه قصيره (الأم) | _spideregypt_ | بـعـيـدآ عـن سـيـلـك رود | 1 | 03-06-2008 07:11 AM |
.gif){kind=icon}
العرض المتطور
