ليه بتبوظ ودانك ؟معا انك ممكن تنضفها

[amgad45]

الحقيقة ياجدعات انا لما لقيت الناس بتسمع اغانى ليها العجب اغانى ملهاش معنى ولا اساس اى واحد يكتب كلمتين ويروح قيلهم كده ليه احنا وصلنا نفسنا للدرجة دى والناس الى عامالة تسمع راب اجنبى وهو مش عارف هوا اصلن بيقول ايه مش ممكن يكون بيشتم لا هو همه يشغل اغانى اجنبى علشان يلفت الناس ليه والراب العربى الى شغال دلوقتى فضيحة اى واحد يكتب كلمتين ماشيين مع بعض كده ويقلهم والى بيسمعهم ولا بقا نيجى للمصيبة الكبيرة الاغانى الشعبى الى اصلن دى مش شعبىدى اغانى زبالة والى يقولك العنب وابوا الليف كمان الى طلع ده والى يقولك ال بجور ومش عارف ايه وايه وايه؟ يعنى ده فعلا بقى مستوى الشعب المصرى؟ ولا دى غيبوبة ولا ايه كان زمان الاغانى الشعبى ليها معنى وهدف وكان فى اغانى شعبة رومنسية كان زمان عبد المطلب و سيد درويش بقا دلوقت هيصة وبعرور وشكلنا كدا ملناش عبور

[PaRKouR MaN]

عندك حق والله

[aljokar20]

احنا فى زمن الفلوس يعنى اى واحد يعرف يغنى او شغال مولف يطلع يعملوه البوم على كليب بقى مغنى

[Angel_Wizzy]

بص كل زمان وله ادان
وكل زمان وليه لون فن الراب حلو على فكرة مش وحش اسمه ام تى ام كدة ورد عليا
الشعبى برضو حلو مش وحش اسمع عبد الباسط حمودة والناس الحلوة دى
هوا فى حبه اسفاف واضح بس برضو لسه الودن النظيفه موجودة وكل دة دخيل عليا
احنا اتربينا على اغانى ايهاب توفيق وعمرو دياب وفؤاد ومنير ومحى وهشام عباس ومتهيالى دول ناس زى الفل
فعادى كله هايخد وقته ويعدى

[Hell Knight2]

الزوق العام انحط دلوقتى والله والدليل على كدا ان تطلع ناس ولا بتعرف تغنى ولا حاجة وتلاقيها عجبت الناس

[ValnTino]

اه والله عنـــــدك حق
يعنى واحـــــد زى سعد الصغير ده
وربنـــا كان سواق تاكســــى

[ahmed 7mama]

الاغانى ديه لو خت بالك بيسمعها الناس اللى بتبرشم وبضرب مخدروات وفواكه

[الآسطوره]

فعلا بقيت حاجه زفت اوى
بس هنعمل ايه

[Wise Knight]

معاك في كل كلمه قلتها غير حته ابو الليف دي والله الراجل دع فنااان فعلا
عنده طبقه صوت فعلا مش عند حد وياريت تسمعو بيغني من غير موسيقي ولايف والله موهبه جامده جدا ده غير انو اصلا جي ينقي ودان الناس من اللي بتسمعوا وكل اغنيه او جمله في الشريط بتوصف نقد للشعب المصري بس بطريقه حلوه شويه وفعلا بتحصل
تحياتي

[amgad45]

المشاركة الأصلية كتبت بواسطة fighter knight عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

معاك في كل كلمه قلتها غير حته ابو الليف دي والله الراجل دع فنااان فعلا
عنده طبقه صوت فعلا مش عند حد وياريت تسمعو بيغني من غير موسيقي ولايف والله موهبه جامده جدا ده غير انو اصلا جي ينقي ودان الناس من اللي بتسمعوا وكل اغنيه او جمله في الشريط بتوصف نقد للشعب المصري بس بطريقه حلوه شويه وفعلا بتحصل
تحياتي

فنان مين ياعم الحج ايه الفن الى فى صوته اصلن ده واحد عربجى مسكلك حتة مايك وقالك يلا

[Mohamed Salah]

انا مش بحب الاغاني الشعبي بكل انواعها لأنها اغاني كاباريهات و ميكروباصات و تكاتيك
ولا ابو الليف ولا سعد الصغير ولا بعرور ولا عبد الباسط حموده ولا الليثي
الواحد يبقي لسه بيحشش و يطلع يغني يقول مدد يا دسوقي و معرفش ايه حاجه تقرف
و بخلاف عبد الحليم حافظ انا مش بسمع اي اغاني قديمه لأنها مـــــــــمــــــــــــلـــــــــــــه
و مش بسمع اي راب مصري او عربي غير احمد مكي بس طبعا محدش يختلف عليه
و مش بحب من الاجنبي غير مطربين قليلين و مش بحب اي راب امريكي لأنه كلام سافل و كله شتايم
بسمع عمرو و رامي و تامر و جنات و نانسي و شيرين و الناس دي و خلاص
و ان شاء الله يجي يوم و نبطل نسمع اغاني خالص و ننضف وداننا بسماع القرأن الكريم