كل ما يتعلق بكيفية اللعب في سيلك روود

[medoo]

كل ما يتعلق بكيفية اللعب في سيلك روود


السلام عليكم ورحمة الله وبركاته
احب اشكر المنتدي واعضائه ومشرفينه علي المجهود الرائع
عشان كده قولت اني اساعد في ان القسم ده يبقي من افضل الاقسام وربنا المعين
تعالوا بقي نبدا من بعد متنزل اللعبة من علي الموقع او من اي مكان تاني
بعد متفتح اللعبة وتختار السيرفر الي هتلعب عليه هتبقي عايز تعمل الCharacter بتاعك وده بيرجع لزوقك انت اختار اي شكل تحبه

كل ده وبرضه لسه ماتكلمناش علي اللعبة نبدا من هنا
Character Building

في سيلك رود عندنا نوعين من اللعيبه
1- لاعب بيتحمل الضرب عليه يعني يقدر يستحمل عدد كبير من الضربات(Strength)
2- لاعب ضربته قويه جدا يعني يقدر يموت الوحش من عدد قليل من الضربات(Intelligent)


Strength Character
بيتميز بقوة تحمل عالية للضربات وده جاي من ان Physical Balance عنده بتبقي عالية لكن عيبه الاتي
1- ضرباته ضعيفة نسبيا
2- بتاثر فيه Magical Attack بشكل كبير وملحوظ


Intelligent Character

بيتميز بان قوة ضربته عاليه جدا وده جاي من ان Magical Balance عنده بتبقي عالية لكن عيبه الاتي
1- قوة تحمله ضعيفة
2- بيتاثر ب Physical Attack بشكل كبير
------------------------------------------------------------

دلوقتي تعالوا نبتدي نشوف ازاي كل واحد منهم بيتعمل
Making Strength or Intelligent Character
لما تدوس علي حرف C دي هتفتحلك الشاشة الخاصة بال Character Details لما بتطلع من LvL للي بعده بيزيد عندك 1Point في كلا من Str & Int وبيديك 3 Stat Point دول عشان انت تختار انت عايز تخلي الCharacter بتاعك النوع الي تحبه
لو كنت عايزه يبقي Strength فزود ال3 Stat Point في ال Str
لو كنت عايزه يبقي Intelligent فزود ال3 Stat Point في ال Int
وهتلاحظ حاجة لو كنت بتزود في ال Str هتلاقي ال Physical Balance بيزيدوال Magical Balance بيقل
ولو كنت بتزود في ال Int هيحصل العكس


دلوقتي ازاي نتغلب علي نقط الضعف في كل من الاتنين
لو كنت Str فيستحسن يكون لبسك Garment لانه ليه مقاومة عالية لل Magical Attack
لو كنت Int فيستحسن يكون لبسك Armor or Protector لانه ليه مقاومة عالية لل Physical Attack
لكن فيه نوع تالت من اللعيبه وده اضعف من الاتنين اللي هو ال Hybrid وده بيزود في الاتنين فمبيبقاش ليه طابع ثابت وميفضلش ان تخلي الCharacter بتاعك يكون كده

وبكده نكون خلصنا جزئية شرح تكوين الشخصية نبدا في جزئية الAlchemy
------------------------------------------------

Alchemy

دلوقتي الموضوع ببساطة ما هو الا انك لبسك واسلحتك ليها مقدار من القوة فطبعا انت بيبقي نفسك تخليها اقوي وده بيبقي عن طريق انك بتضرب حاجات عليهم فبتزود قوتهم تقسيمة الحاجات دي هي الاتي:
1- Alchemy Elements
2- Tablets
3- Stones
4- Elixirs


Alchemy Elements
وديه هي الاربع عناصر الاساسية وبيبقي ليها Degree معينه من I to VIII وبنجيبها من الاكياس الي الوحوش بتوقعها او من تكسير الاسلحة (هيتشرح بعد شوية)


كيفية الحصول عليها من الاكياس

بتروح تشتري من ال Grocery NPC سائل اسمه Void Rando وبتفتح صفحة التكسير عن طريق الضغط علي الحرف Y وتحط السائل ده فيها هتلاقي ان الصفحه فيها جزئين خليك في الجزء الاول وبعد متحط السائل يفه حط بقي الاكياس الي معاك بس لازم يكون عندك مساحه فاضيه وبعد كده اضغط علي Fuse All هتلاقي ان الخانات عندك بيتحط فيها الاربع عناصر الاساسية الي كانوا في الكيس


كيفية الحصول عليها من الاسلحة

لو عندك اسلحة مش محتاجها زي الي بتنزل من الوحوش انت ممكن تبيعها وتجيب منها فلوس لكن ممكن تستفيد بيها بشكل تاني انك تجيب منها الاربع عناصر الاساسية وهتبقي اعدادها اكتر بتجيب من ال Grocery NPC سائل اسمه Void Destroyer وبتحطه برضه في نفس الصفحة الي عملنا فيها الاكياس وبعد كده بتحط السلاح الي انت هتكسره وبتدوس Fuse All بكده انت بتجمع الاربع عناصر الاساسية ودول مهمين جدا وهما الاساس
-------------------------------------------------------------

Tablets
دي بقي عبارة عن صخور بتبقي لونين احمر واخضر ودول بينزلوا من الوحوش كل لون وليه معني غير ان كل Tablet مختلفة في وظيفتها عن غيرها فانت بتشوف انت محتاج انهي وظيفة وبتجيب الي تخصها وبيبقي ليها Degree لازم تكون هي هي نفس الDgree بتاعت السلاح او اللبس الي انت عايز تضربها عليه بس لسه هنضبط الصخور دي لانها مينفعش تضرب كده
الاحمر بيعمل عمليه Reset للخاصيه الي في السلاح او اللبس الي هو المفروض انه يغيرها والخواص دي بتبقي مكتوبه بالابيض في السلاح من فوق ومعظم الناس مبتفضلش استخدامهم لانها ممكن تقلل السلاح بدل متزوده
الاخضر بيعمل اضافة Blues علي السلاح ودي بتتكتب بالازرق علي السلاح او اللبس من تحت ولو الBlue اللي هي بتعملها موجوده ممكن انها تزودها او تنقصها ودي عمليه حظ مش اكتر
===================================

Stones

عباره عن جوهرة وهي دي اللي هتضربها علي السلاح او اللبس علطول ودي بنجيبها عن طريق الاتي:
بنجيب الTablet اللي انت عايز الي هي هتديهولك وتقري عليها من تحت هي عايزة كام حته من كل عنصر من الاربع عناصر الاساسية والDegree بتاعت كل واحد منهم وبعد متجيبهم بتقوم فاتح صفحة Alchemy عن طريق Y وتحط الTablet في الصفحة الاولي وبعد كده بتحط العناصر الاربعة وتدوسFuse All هتلاقي الStone بتاعتها ظهرت عندك في الInventory بتاخد بقي السلاح او اللبس اللي انت عايز تضيفله الBlues (ولازم متكونش لابسه وانت فاتح الصفحة ) وتقوم فاتح الصفحة التانيه وتحط السلاح ده فيها وتحط الStone فيها وتدوس Fuse All وانت وي حظك ياما العملية تفشل اصلا هتلاقي طلعت سحابة لونها بنفسجي او تنجح في انها تزود سلاحك او تنجح بس تنزل السلاح بدل متزوده فطبعا العملية دي مكلفة وشاقه بس انت الي عايز سلاح جامد فلازم انك تكافح
=============================

Elixirs

فيه حاجه تانيه برضه بتزود قوه السلاح او اللبس وهي ال + يعني السلاح +1 اقوي من نفس السلاح بس من غيرها واضعف من نفس السلاح بس +2 او اكتر
بنزود ال+ دي عن طريق الElixir بس يستحسن تروح تجيب من عند الGrocery NPC سائل اسمه Lucky Powder ويكون ال Degree بتاعته نفس بتاعت السلاح وبتفتح صفحة ال Alchemy ونختار الصفحة التانية وبنحط السلاح وبعد كده الElixir وبعد كده الLucky ونضربهم وبرضه العملية عملية حظ بمعني انك اخرك في الظروف العادية انك تزود السلاح لحد +4 مع المحظوظين قوي لكن من السهل نسبيا انك توصل لحد +3 ولو العملية فشلت هتنزل كل ال+ من السلاح وانت السلاح اصلا بيطلع واحده واحده يعني الاول +1 ثم +2 ثم.... لكن لو عايز اكتر من كده يعني الاسلحة اللي بنسمع عنها +7 او +9 دي بتتعمل ازاي كالاتي:
مبدايا لازم تشحن سيلك عشان تشتري Astral & Immortal Stones وبتجيب Steady Stones بتضرب الاول الSteady Stones لعدد معين وليكن 4Times وبعد كده بتضرب ال Immortal Stones لنفس العدد وبعد كده بتضرب الAstral Stones ولازم يكون عددها اقل من الImmortal وبعد كده بتجرب انك تزود ممكن تفشل او تنجح انت وحظك
طبعا السؤال دلوقتي ليه لازم اجيب الحاجات دي واعملها قبل مزود ال+
لان الحاجات دي بتخلي السلاح مينزلش اقل من +4 لو العملية فشلت يعني فرضا انت خليت السلاح +6 (طبعا بعد معملت الحاجات اللي فاتت) وجيت تزوده تاني قامت فشلت المفروض انه ينزل كل ال+6 ويبقي عادي من غير + لكن ده مش هيحصل لان انت عندك علي السلاح Astral & Immortal هتخليه ينزل بس لحد +4 طب لو كانت خلصت من عليه الAstral & Immortal لو حاولت تعملها تاني عشان تزوده وفشلت هينزل كل ال+ وهي دي فايدة الجواهر دي

وبكده نبقي خلصنا من جزئية الAlchemy وان شاء الله هكملكم باقي الاجزاء زي الGuild & Academy وللي عنده اي سؤال او حاجة عايزني اشرحها يسال وانا مش هتاخر باذن الله
اتمني بس اكون وفيت ومكنش طولت عليكم والسلام عليكم ورحمة الله وبركاته
==================================

[mask_5_5]

مشكوررررررررررررررررررررر وممكن يتثبت

[S_H_3a_T_O_S]

شــــــــــــكــــــــــر اااااااا

[MFA1486]

الف شكر للموضوع ياخى وأرجو تطويررة بلصور لدعمه بلثبيت والف شكرر على المجهود الرائع ولقد تم تقيم الموضوع

[ahszeny]

مشكووووووووور

[medoo]

وانا والله بحاول اطور الموضوع عشان يكون احسن من كده
ان شاء الله وشكرا على مرورك الجميل

[axam]

tamam

ya basha alf shokr

bas ya ret law feh sewar

[haytam]

nice ya man

[omar007]

مشكورررررررررررررررررر

[smart eyes]

vey nice

[medoo]

فين الردود

[hellman]

برنس من يومك

وشكرا ليك