شـريـط الاهـداءات |
|
|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
06-08-2010, 03:07 AM
|
#1 | ||||||||||||
  
|
هنعيشها صح : السلام عليكم .. ازيك يا حوده ؟ محمود : ازيك انت يا عم الحاج ..سنه علشان ترد عليا ؟؟! هنعيشها صح : معلش والله يا حوده ..مشغول جداااااااا... اعذرني .. محمود : كنت عايز اتكلم معاك ضرورى .. انا تعبان جدااااااااااااااااااااااااااااا لا بعد ممما تتصور ..!!!! هنعيشها صح : فيه ايه بس يا حوده قلقتني؟؟ محمود : مفيش حاجه ..انا مش تعبان جسديا ..انا تعبان نفسيا.. مخنوووووووق ..! هنعيشها صح :هدي نفسك بس .. كل حاجه هتبقى زى الفل .. ان شاء الله هعدي عليك بالليل فى البيت.. محمود : هستناك ..بس عارف لو مجيتش ..؟؟!! هنعيشها صح : ان شاء الله هاجي..بس انت روق كده وكل حاجه هتبقى تمام.. يلا ..السلام عليكم ورحمة الله وبركاته محمود : وعليكم السلام ورحمة الله وبركاته.. وبالليل ..روحت لمحمود البيت .. وأول ما قعدنا ..ببص لقيته بيبكي..!! هنعيشها صح : ليلتنا بيضا..هو انت لسه قولت حاجه ! محمود : انا تعباااااااااااااااااان ..محدش حاسس بيا ..محدش حاسس انا جوايا ايه.. جوايا نااااااااااااااااااااااار..انا مش طايق اى حاجه فى حياتي.. لو مش عارف ان اللى بينتحر بيبقى كافر كنت انتحرت من زماااااااااان.. انا ............... هنعيشها صح : انت ايه ياعم ..بس بس بس..اهدى كده علشان نعرف نتكلم.. محمود : اهدى ازاى بس ! مش بقولك انت مش حاسس بيا! هنعيشها صح : مين اللى قال كده بس.. حاسس بيك والله .. وكلنا مرينا بفترات زي دي واصعب.. محمود : دي مش فتره ..انا بقالى سنييييييييين ومفيش ذرة تقدم فى حياتي..انا عمال ارجع لورا لحد ما وصلت للحاله اللى انا فيها دلوقتي دي! ومن قبل ما تقولى اى نصيحه ..عايز اقولك شوية حاجات .. بص يا عم .. انا عارف كويس ان كل اللى انا فيه ده بسبب ذنوبي! ومتيقن من كده كويس! بس مش عارف اغير اى حاجه فى حياتي! انا مش وحش للدرجه ..جوايا خير والله .. نفسي اتغير ..نفسي ربنا يهديني.. نفسي ربنا يرضى عني.. بس انا عارف كويس انه مش بالاماني ..عاااااااااااااارف .. المشكله انى عارف بس مش قادر اتغير نهااااااااائيا.. من ساعة ما قولتلى ادخل منتدى الدينى وانا فعلا دخلت ولقيته اروع منتدى ع النت فعلا زى ما حكيتلي بالظبط .. قريت كل المواضيع ..روعه ..وكلها بتأثر فيه ..قريت يوميات شاب عادي وبكيت كتير جداااا ..وبرده مفيش فايده ! سمعت مقاطع ودروس اكتر مما تخيل ..! اسمع الدرس واتأثر فعلا وأبكي ..وانوي التغيير وبرده مفيش فايده .. يادوب ميكملش يوم ولا يومين او حتى كام ساعه وبرجع زى ما كنت بل أسوا.. عارف المشاكل اللى موجوده فى قسم سرك فى بير تقريبا كلها عندي..قريت كل الردود والحلول ..كلام جميل وحلول منطقيه فعلا بس برده مفيش فايده .. العمليه فى الضيااااااااااع .. انا قلبي مش مات..انا مبقاش عندي قلب اصلا.. من جوايا عارف كويس زي ما ناس كتير بتدخل وتقول اني لو مت كده هادخل جهنم حدف! بس والله غصب عني..مش قاااااااااااااااااااااااادر ..جربت كل حاجه وبرده مش قادر! اعمل ايه ؟؟؟؟؟؟؟؟؟؟ هنعيشها صح : بص يا حوده.. اولا زى ما انت عارف كويس ان ربنا رحمته وسعت كل شي .. وانه بيغفر الذنوب جميعا مهما كانت ..وانه بيقبل توبة العبد فى اى وقت .. واكيد انت عارف الاحاديث العظيمة اللى فى الكلام ده.. اوعى الشيطان مهما عملت ييأسك من رحمة ربنا..! ثانيا: تعالى نشوف المشكله فين؟؟ زى ما انت بتقول انك قريت كتير وسمعت كتير وبتتأثر شوية وبعدين بترجع تاني وممكن ترجع للأسوا كمان.. ايه السبب؟؟ الاول لازم تعرف ان زى ما الرسول قال ان كلنا خطائين وبنعمل ذنوب (ان ابن ادم خُلق مُفتنا توابا نسيا اذا ذُكر تذكر ) يعني لو حد ذكّره بيتذكر ..التذكره دى موجوده بفضل الله زى ما انت قلت انك بتقرا وبتسمع مواعظ بس مش بتجيب نتيجه؟؟ ليه؟؟؟ علشان مفيش تطبيق على ارض الواقع ..! ازاى؟ يعني مثلا لو جينا لموضوع زى العاده السيئه والمواقع الاباحيه.. كان فيه موضوع رااائع فى الحلول العمليه للموضوع ده هنـــــــــا اتحدى اى حد ينفذ نص او حتى ربع الوصايا دي ويرجع تانى يذنب..بفضل الله طبعا.. قالك حط برنامج مانع ..ومحطيتش..قالك اياك والفراغ وبرده ماستغليتش وقت فراغك ع النت فى اى حاجه مفيده..قالك ابعد النار عن البنزين وغض بصرك ..وانت ماشى تبص ع الصغيره والكبيره! مستني تتغير ازاى؟؟ بالكلمتين اللى سمعتهم واثروا فيك؟ مينفعش! موضوع مثلا زى الحب والعلاقه بين الولد والبنت.. كان مكتوب فى يوميات شاب عادي توصيات عمليه علشان الواحد ينهى العلاقه وينسى..هنـــــــــــا اتحدى برده ان اى حد ينفذ ده ويرجع تانى..بفضل الله طبعا.. قالك غير رقم موبايلك..ومغيرتوش..قالك حاول تتجنب الاماكن اللى هتقابلها فيها وبرده معملتش..قالك املا قلبك بحب الله والقراية عن ربنا ومعرفته ومعملتش مستني تتغير ازاى؟؟ بالكلمتين اللى سمعتهم واثروا فيك؟ مينفعش! سمعت مثلا شريط عن الاغاني لاى شيخ وعرفت انها حرام واتاثرت جدا بالكلام ونويت تبطل ولكن رجعت تانى .. لانك اهملت كل التوصيات العمليه فى الشريط .. قالك ابعد عن الصحبه السيئه وانت مبعدتش ..قالك ابدا احفظ قران ومبدأتش ..قالك متدخلش مواقع اغاني تاني.. ومعملتش اى حاجه .. مستني تتغير ازاى؟؟ بالكلمتين اللى سمعتهم واثروا فيك؟ مينفعش! يعني ايه الخلاصه بتاع الكلام ده .. انا عمرى ما هخترع حل لمشاكلك.. مشاكلك انت قريت وسمعت حلولها..ولكن منفذتش..! زى ما انت كنت بتقول من شوية ..نفسى ونفسى ونفسى ... ولكن عارف انه مش بالأماني ..!!! لازم عمل وشغل وتنفيذ على ارض الواقع. نصيحتي ليك وكل اللى بيقرا الكلام.. الكراسه.. يعني ايه؟ لازم يبقى ليك كراسه او اجنده .. تسجل وتكتب فيها كل الحاجات الخاصه بيك.. قريت موضوع واتأثرت بيه او عجبك كلام فيه او خرجت منه بخطوات عمليه ..سجل فى الكراسه .. بتسمع شريط او بتتفرج على شيخ ..الكراسه فى ايدك بتسجل الحاجات المهمه والتوصيات .. الكراسه دى هتبقى اهم حاجه فى حياتك.. هتتابع فيها نفسك ..عملت ايه ومعملتش ايه .. هتبقى المرجع بتاعك اللى بترجعله كل ما تحتار او تحس انك تايه .. هتلاقى فيها الحل باذن الله... انما تقرا موضوع او تسمع شريط وتخرج بدون كتابة ..هتتأثر تأثير لحظى وبعدين هتنسى كل الكلام اللى قريته او سمعته وهيبقى ولا كأنك عملت حاجه! محمود : معاك حق هنعيشها صح :هههههههههه هتقولى معاك حق وهتنسى الكلام ده بعد ما امشى على طول!! قوم هات الكراسه من دلوقتى .. وخليك فاكر انك لازم تنفذ الشغل العملي على ارض الواقع وتاخد بالاسباب.. وقبل كل ده ..وزى ما بنذكر الناس دايما.. لااااااااااااااااازم تقول يارب.. قول يارب قويني وساعدني وارحم ضعفي واحفظنى من نفسى ومن شياطين الانس والجن .. لو مقولتش يارب ودعيت ..مفيش حاجه على وجه الارض هتنفعك.. من يهد الله فهو المهتدى ..ومن يضلل فلن تجد له وليا مرشدا.. وادينا داخلين على ايام مباركه ..شعبان ورمضان.. فرصه انك تبدأ صح وتقرب من ربنا .. وهديتي ليك فى الاخر.. شريط.. إبدا من جديد .. هنــــــــا .. شريط راائع..كله توصيات عمليه.. اكتب ..واستعن بالله ونفذ .. وباذن الله هتعيش أحلى حياة .. ***** أخوكم ..هنعيشها صح |
||||||||||||
|
التعديل الأخير تم بواسطة kingoffruits ; 06-08-2010 الساعة 03:26 AM
|
| إعلانات google |
|
|
|
06-08-2010, 03:18 AM
|
#2 | ||||||||||
  
|
بجد موضوع جميل جدا
|
||||||||||
|
|
|
06-08-2010, 03:19 AM
|
#3 | ||||||||||||
  
|
ياااه ده انتا ليك طوله بال يا اخى بالمناسبه انا اسمى محمود -_- |
||||||||||||
|
|
|
06-08-2010, 03:21 AM
|
#4 | ||||||||||||
|
هنعيشها صح ... كلامك اكثر من روعه وجميل جدا وبجد مفيش احلي من كده ... وعايز اقولك يا محمود ان معظم الشباب كده مشاكل وقرف .. بس مفيش شاب الا ربنا بيرزقه بالطريق الصح والعمل الصالح والحق .. ربنا يرزقنا جميعا
|
||||||||||||
|
|
|
06-08-2010, 03:23 AM
|
#5 | ||||||||||||
  
|
بجد موضوع جميل جدا .gif "111 (10)")
|
||||||||||||
|
|
|
06-08-2010, 03:28 AM
|
#6 | ||||||||||
|
انا مقرتوش كله بس تقريبا الكلام ده بينطبق عليا عشان انا كده تقريبا مع اني بنزل اصلي كل فرض في الجامع و في رمضان بصلي التراويح رغم كده لساني زفر زي السمك البايظ..بس اخلاقي مع اي حد كبير كويسه طبعا بس مع انا وصحابي وكده لساني زفررررررررررررر اوي وربنا يهدينا |
||||||||||
|
|
|
06-08-2010, 03:29 AM
|
#7 | ||||||||||
 
|
موضوع فى غايه الروعه من أول حرف لاخر حرف
وياريت فعلا الواحد يلتزم بالتعليمات دى وأكيد بإذن الله هيتصلح حال الجميع إلا الأحسن اللهم بلغنا رمضان وأجلعه شهر يغيرنا جميعا إلى الأفضل والأحسن جزاك الله خيرا على كتابه هذا الموضوع الرائع |
||||||||||
|
|
|
06-08-2010, 03:29 AM
|
#8 | ||||||||||
|
و كمان اعرف 3 بنات في نفس الوقت
|
||||||||||
|
|
|
06-08-2010, 03:31 AM
|
#9 | |||||||||||||
|
اقتباس:
ربنا يهديك بس صدقنى محديش منهم هينفعك لما تكون لوحدك فى القبر ربنا يهدينا يارب |
|||||||||||||
|
|
|
06-08-2010, 03:52 AM
|
#10 | ||||||||||
|
اقسم برب الكعبة الشريف انت تستحق مشرف بسبب الموضوع ده ده اجمد موضوع شوفتو فى المنتدى والله و على فكره انا اتديت السيت بتاع الموضوع لصحابى بصراحة انا كل صحابى سؤ و انشاء الله ههديهم والله انت جامد و عايز اشوف كل مواضيعك |
||||||||||
|
|
|
06-08-2010, 03:53 AM
|
#11 | ||||||||||
|
ايه ده انت مشرف انت تستحق اسمك يكون على صقحة سلك روج فور عرب الرئيسية |
||||||||||
|
|
|
06-08-2010, 03:58 AM
|
#12 | |||||||||||||
|
اقتباس:
الف شكراااا يا باشا على رد وربنا يجعلو فى ميزان حسناتنا |
|||||||||||||
|
|
|
06-08-2010, 04:05 AM
|
#13 | ||||||||||
 
|
أثرت فيا ولله يا عم كنت هعيط و احنا داخلين على رمضان شهر العباده والصوم و الصلاه و إن شاء الله هنعيشها صح |
||||||||||
|
|
|
06-08-2010, 04:06 AM
|
#14 | ||||||||||
|
مشكووووور
|
||||||||||
|
|
|
06-08-2010, 04:08 AM
|
#15 | ||||||||||
|
والله زى ما بقول اكراما ليك بجد يكتبو اسمك على الصفحة الرئيسيه للموقع
|
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| حابب تعمل شخصية جديدة معايا خش بس الأول و اعرف الحوار ؟ | Zikas | قسم المواضيع المكررة و المخالفة | 7 | 25-06-2011 02:29 PM |
| صوتنا وصل اخيراا لل gm @بجد احنا رجالة و المقاطعة جابت نتيجة@ | bekoman2 | مـنـاقـشـات عـامـة حـول سيلك رود أون لايـن | 31 | 22-07-2009 09:00 PM |
| -::المقاطعة جابت نتيجة خش بسرعة ::- | white_wolf | مـنـاقـشـات عـامـة حـول سيلك رود أون لايـن | 15 | 20-07-2009 05:44 AM |
| بصوا ياشباب انا النهارده في شويه صور قابلوني قلت اجيبهم معايا | PuRe_®™_WisDoM | صـور سـيـلك رود | 39 | 17-04-2009 11:04 PM |
.gif){kind=icon}
العرض العادي
