مش عارف اسمية اية بس أقرأة وخلاص

[وائل شكرى]

.
واللة يا جماعة انا مش عارف ابدأ ازاي بس دي سلسة من المواقف اللي بتحرق دمي كل يوم في مصر ومش عارف مين السبب
ياتري انا السبب ولا الحكومة ولا الموظفين ولا عواميد النور اللي شغالة بالنهار ولا ازمة الحاج متولي
من حوالي اقل من اسبوع كنت في مصلحة حكومية بخلص بعض الأوراق كان تقريبا اول يوم رمضان
بصراحة كان يوم حلو من اولة ... البلد فاضية والشوارع مافيهاش حد كأننا بدأنا البيات الشتوي في مصري بدري شوية
المهم قولت الحمد للة الواحد هيروح يقضي المصلحة ويروح..مطولش عليكو
وصلت المصلحة ... وتقريبا لقيت نفسي لسة في الشارع بردو المكاتب فاضية
المهم بعد الأنتظار وصل المووظفين
كان المفروض اني اسلم بعض الاوراق اللي بقالها حوالي اسبوعين بتتعمل وطبعا متأخرة من الروتين
سلمت الورق وكلة تمام ومستني استلم الشهادة بقي ... انا اسف يا حضرت مش هتستلم النهاردة... لية يا باشا.. الختم مش موجود
..طيب هي المصلحة كلها فيها ختم واحد.. قال لا فيها 4 قلت عال فين بقي الباقي.. كل سنة وانت طيب حد يجي اول رمضان يعمل ورق انت منين .. طيب والعمل يا عم ... بكرة انشاء اللة تيجي تستلم الورق وتمشي علي طول
تاني يوم روحت قالولي الموظفين الأربعة بردو مجوش واخدين اجازة طيب والحل .. منعرفش... اتنططت زي القرد وزعقت وهددت.. المهم طلعت موظفةكدة وبمنتهي الصراحة روح اشتكينا
بلهجة سخرية طبعا
... طيب يا جماعة انا حالي هيقف والنهارد الخميس وبعدة يومين اجازة وانا محتاج الشهادة يوم السبت... ولا حياة لمن تنادي
روح اشتكي... انت السبب انت اللي زنقتنا في الوقت...هههههه ورقة محتاجة ختم ابقي زنقتهم في الوقت
طبقا مش هتكلم علي الموظفين اللي سايبين المكاتب وراحو اوظة التكييف ...ولاالموظفات اللي بيتكلمو عن المسلسلات وسعر اللحمة وطريقة عمل شربة الضفادع

سؤال
من المسؤول عن هذا القدر من اللامبالاة والفوضي التي اجتاحت عقول الناس
لماذا اصبح الناس علي قدر من الأهمال في تحمل المسؤولية
اين الرقابة علي كل ذلك


طول السكة وانا مش عارف مين السبب... انا اللي زنقتهم في الوقت ولا عيب عند الموظفين الربعة اللي مجوش ومعاهم اختام ولا عند الموظفة اللي دماغة مشغولة بطبيخ النهاردة .. ولا سواق التاكسي اللي وداني بدري

ياريت يا جماعة اللي عندة مواقف مشابهة يقولنا ولو عندة حل يقولو ولو من باب التنفيس

طولت عليكو

[abogad]

العيب فى اللى ماسكين الموظفين دول

مفيش رقابه ( من المسؤولين )

مفيش ضمير ( عند الموظفين )

والحمد لله الواحد خلص وروق من المصالح دى

[super_man619]

اولا بما ان الموضوع مفهوش شتيمه في البلد و كله انتقاد لاشخاص محددين و لمكان معين

يبقي مش مخالف

ثانيا

دول ميجوش غير بالوسايط و التليفونات و العين الحمره

[Controlled Black]

المشاركة الأصلية كتبت بواسطة super_man619 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اولا بما ان الموضوع مفهوش شتيمه في البلد و كله انتقاد لاشخاص محددين و لمكان معين

يبقي مش مخالف

ثانيا

دول ميجوش غير بالوسايط و التليفونات و العين الحمره

كلامك جميل اوي (رغم اني اصلا مفهمتش من سوبر ده حاجه المهم)

بوص يا باشا العيب عليك انت في حد رايح يخلص ورق اول يوم رمضان يعني حرام عليك يعني مينفعش كده حس بي الناس شويه
بوص مع الحكومه هتروح كده هتيجي كده هتقوم كده هتوعد كده
انت في الاخر الغلطان

[Mohamed Salah]

مفيش حاجه اسمها زنقتهم في الوقت المفروض ان ده شغلهم و يخلصوه بالأمر في اي وقت
فكرتني بموقف لما كنت بعمل البطاقة روحت اتصورت يوم 11/7 و قالي تعالي يوم 1/8 تستلم البطاقه قولتله ماشي
جيت يوم 1/8 قالي معاد استلامها امتي قولتله النهرده
قالي معادها النهرده و جاي عايز تاخدها النهرده ؟ روح و تعالي كمان اسبوع
و خلاني امشي من غير حتي ما يبص في البطايق اللي قدامه
بجد حاجه مقرفه ..

[_NeRo_]

ناس معندهاش ضمير انتا لو كنت طلعتلهم ورقه ب 100 جنيه كده كنت تلاقي 40 ختم علي الورقه
انا برده حصل معايا موقف برده ممشيش غير لما طلعت فلوس لأ و ايه كمان ده مش مشي و بس دول جريوا و عملو كل حاجه بمنتهي السرعه
بس نعمل ايه بقي الروتين المصري يا سلام عليه هو ده اللي جايبنا ورا ولله
بس انتا فين علي فكره انا من اشد المعجبين بمواضيعك بجد ولله

[وائل شكرى]

انا فكرت اطلع فلوس بس كلهم عاكلين شرفه صايمين بقا

[super_man619]

قالي معادها النهرده و جاي عايز تاخدها النهرده ؟ روح و تعالي كمان اسبوع

والله كنت هموت علي نفسي من الضحك

معادها النهارده و عايزها النهارده يا صلاه النبي

[omar007]

العيب فى الجيب والجيب مخروم ^^
العيب فى اللى ماسكين الموظفين
حتى لو اشتكينا هيحصل نفس الحوار