متتكسفش تعالي بص ورد 0o

[WOLF 757]

ازيكم يا شباب برسيا

طبعا اخوكم معاكم في السرفر او بلأحري كان معاكم عشان دلوقتي معتزل سلك رود خالص عقبالكم :D

وكان بيلعب بس مش مستمتع بلعبة عشان مافيش فيها الروح الي بتشد ليها ماهو اصلي يومي في اللعبة كان عبارة عن :

يابلعب وحيد عشان الجيلد الي فيه نايم وهما اصحابي بس من نوع ساعة لعب كل شهر :D

او يجيني واحد ويقولي علي ضروف حياته الصعبة وكيف كان متشرد في جميع مدن اللعبة علي وعسة يلاقي لقمة ياكلها فاخوكم سريع الثاتر ويسخف عليه حال الود ده واديه جولد عشان يستر نفسه بلبس وياخدله مطوة او عصاية عشان يدافع علي نفسه ضد وحوش اللعبة

وبعد اماعطيه الجولد يبعتلي رسالة فيها كلمة (ana d7ekt 3alek LOOOOOL )
ولما ماعطيهش يبعتلي كتلوج معبي من جميع انواع الشتايم

او مرات يجيني حد يقولي plz lvl up me man

اقولو اوكيه انت لفل كام

يقولي ana lvl 61 :eek:

طبعاً لفلي 29 :o يعني مفروض هوا يلفلني

اقولو انا 29 وارجوك يامان لو فاضي لفلني :o ( اه استغليت الفرصة :D )

طبعاً بعد مايعرف اني 29 مناخيره تبقي واصلة لسقف اللعبة ويقولي : looool nooob

وغيره من المواقف الخيالية عشان كده طفشت من اللعبة + طبعأ مشاكل العصر ( الكراود والـ dc )

بس كان نفسي قبل ماعتزل اني اعمل شئ في بيرسيا وهوا :

مسابقات pvp

لا اوعي تضحك انا بتكلم بجد

يعني هيا كانت فكرة عشان تبقي التسلية اكثر وكمان المكسب اكثر !!!

يعني مثلا مشرف القسم يعمل موضوع علي المسابقة دي بحيث كل من عاوز يشترك فيها يدفع 10kو اكثر ( وطبعاً يدفعهم لمسؤل المسابقة دي في اللعبة )

وبعدين يحدد مسئول المسابقة ( وهوا لازم يكون لفل عالي اوي وكمان من جيلد محترم ومعروف ) يوم المسابقة دي مثلاً كل اربعاء الساعة 1 او 2 بلليل

ويتعمل الـ pvp والي يبقي صامد ويكسب في الاخير ياخد كل الجولد او يدخل لجيلد مشهور

وطبعاً المسابقة تبقي مقسمة :

مثلاً من لفل 30 الي 40 دي مسابقة لوحدها

و41 الي 51 لوحدها

الي

المسابقة الاقوة والي بتحدد اقوي شخص في silkroad4arab وهيا تبقي من 71 الي 80 او اعلي

وطبعاً تبقي كمية الجولد اكثر بكثير من اللفلات الاخري ومن غير طبعاً انه يتحصل علي شعار يبقي مكتوب تحت اسمه هنا في المنتدي وهوا ( اقوي شخص في سرفر بيرسيا )

والشعار ده انا راح اكلم عليه الادارة لو اتنفدت المسابقة .

وطبعأ من رأي ان لو تفدت الفكرة دي حتعمل تسلية في اللعبة عشان كل واحد نفسه يبقي اقوي شخص في السرفر وعلي الاقل يلقي الاعتراف ده هنا في المنتدي وده من غير الجولد الي بيكسبه

وطبعاً الحوار ده لو اتعمل مش حيكون دلوقتي ( عشان الامتحنات الله يخرب بيتها ) بس بعدها .

ها رأيكم ايه ومش عاوز كسل (بصة وتحريك ماوس بس) !!

لا عاوزكم تتفننو في الكيبورد وتقولولي رأيكم ,,


والسلام عليكم

[_saddam_]

فكره حلوه جدا و الوضوع جامد
بس محتاح ترتيب و تنظيم كويس و يريت لو تكتب القواعد كامله علشان ميحصلش خلافات بما ان الموضوع للتسليه فى الاصل

و بالنسبه لمشاركتى معاكم و الله كان نفسى بس ال 9D نازل و عايز الحق اجيب لفل 90 ومعتقدش انى هكون فاضى لل PVP

سلام
وشكرا على المجهود

[WOLF 757]

المشاركة الأصلية كتبت بواسطة _saddam_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

فكره حلوه جدا و الوضوع جامد
بس محتاح ترتيب و تنظيم كويس و يريت لو تكتب القواعد كامله علشان ميحصلش خلافات بما ان الموضوع للتسليه فى الاصل

و بالنسبه لمشاركتى معاكم و الله كان نفسى بس ال 9D نازل و عايز الحق اجيب لفل 90 ومعتقدش انى هكون فاضى لل PVP

سلام
وشكرا على المجهود

ماهو انا عملت الموضوع ده لاشوف رأيكم فيها قبل ولو لقيت الاقبال عليها راح اعمل قواعدها وبرنامجها مع حمادة ( مشرف القسم )

وكمان بنسبة لمشاركتك فا عادي شارك فيها عشان هيا حتاخد منك بس ساعة او اقل من وقتك لان المسابقة دي لوتعملت حتكون مرة وحدة من كل شهر

ومشكور علي مرورك وابداء رأيك في الفكرة وكمان علي سرعة ردك ( ده انا كنت فاكر انه يجيلي رد بعد يوم او كده :p )

[inushyasama]

أولاً : سلام عليكم :) ..
تحية طيبة ليك وللأخ الفاضل :/ sadam ,

ثانياً : بالنسبة لفكرة ال PVP والمسابقات فى اللعبة :

فكرة جميلة جداً أتفق مع حضرتك فيها
وأنا على استعداد إن شاء الله

- بس فى ملحوظة صغيرة :D :

**** الإتفاق ثم الإتفاق ثم الإتفاق ****

هتجيب منين ناس تتفق على حاجة واحده
زى ما أنت شايف معظم الناس المصريين فى اللعبة

من فترة كبيرة حصلت مسابقه فى ال game
وكان منظموا المسابقة LAG & Devour وهما من الكويت
وكتبوا Global علشان يلفتوا انتباه الناس طبعاً للمسابقة

وكانت الجوايز كويسه وقيمتها 40 مليون للفائز :D فين الملايين دى دلوقتىىىىىىىىىىى :D

المهم صاحبى Prince_Prisa يا ريت يا جماعة نباركله كلنا على lvl 80 دلوقتى
كان دخل وهو فى لفلات السبعينات .. لعب مع واحد فى نفس لفله فى اللعبة لكن الحمد لله Prince كل الواد ده :D وخد 10 مليون تقريباً لأنه خسر مرتين علشان كان فى LAG وأنا كنت جنبه أساساً :D .. بس فى الآخر حصلت حركة مش تمام ومش عادله .. بس مش دى موضوعنا هنا !!

بس أنا بقولكم الحكاية دى علشان كانت فعلاً منظمة جداً
والناس قدرو يجمعوا بعض بسرعة ..

فأنا اتمنى أن الناس تتفق على كلمة واحدة مرة واحده فى حياتها .. وربنا يهدى الجميع

وآسف جداً على الإطالة . بس أنا مش من النوع اللى يكتب كلمتين ويجرى :D

وشكراً على الفكرة .. سلام عليكم

[yhiea]

الموضوع كويس بس يا رب قواعد و اتفاق عشان ميحصلش حاجات مش تمام و بالله التوفيق

[theghost20000]

كلام جميل منتظرين التنسيق واالاهم تحديد الليفلات المشاركه ومش مهم تكون الجوائز

ملايين .. اى حاجه رمزيه فى المنتدى لقب او اى حاجه فى الجيم حسب الاتفاق

وموفقين ان شاء الله

[TITOOOOOO]

فكره جامده جدا جدا جدا

[izendragon]

الموضوع هيكون جامد ان شاء اللة لو اتنفذ
بس محتاج جهد عالي جدا في التنظيم
وربنا يعينك على الموضوع دة

[medoo]

الله عليك يا مان والله بس يا ريت
المسابقه دى تتعمل فى اقصى وقت

[ahmed_lolita]

Ana m3ak bs law 3rft tnzm tb2a wad gamed bs sa3b l2n kol wa7d f wady lwa7do.

[crazyhamada]

فكره حلوه و ممكن ننفذها بس بشروط
1-التنظيم عشان ميجيش واحد low lvl يقولك خدوا فلوسي و موتوني :)
2-تتعمل بعد الامتحانات عشان نضمن نجمع اكبر عدد
3-مش واحد بس الي حيشرف عليها لكن مجموعه و يكونوا لفلات عليا و فنفس الوقت ناس محترمه
4-واالاهم تحديد الليفلات المشاركه
5-تنوع الجوائز اللفلات الي مش عليا فلوس هما اولي ناس بيها و انا ممكن اكلم عمر ماندو و نعملوا لقب او تكريم صغير
انا هارشح ناس و انتو تختاروا منهم

(Inex,Silk_Spy,Husoka,_Game_Over_ ,Butcher,Sniper_GDI,prince_prisa+حد من الاخوه الكوايته)

بالاضافه لwolf بصفتوا صاحب الفكره

[ali_alex]

السلام عليكم

الموضوع ده جامد جدا ياريت يتنفذ :)

فعلا فكره حلوة جدا وفيها تحدي ومنافسة وياريت نبدا في تنفيذها

[ali_star]

fekra 7elwa y regala
w mabrok le prince_persia 3ala lv 80 3o2balak y hema

[inushyasama]

سلام عليكم

أولاً : تحية طيبة للمنتدى كله

ثانياً : نرحب كلنا ب Egy_Tornado ونقوله wecome back ya negm wa7shna wallahy :)

ثالثاً :

انا هارشح ناس و انتو تختاروا منهم


(Inex,Silk_Spy,Husoka,_Game_Over_ ,Butcher,Sniper_GDI,prince_prisa+حد من الاخوه الكوايته)
بالاضافه لwolf بصفتوا صاحب الفكره

أشكرك على الثقة :) لكن أعتذر أنا مش قد مسؤلية مسابقة
لسبب " أنى مش هعرف أكون متواجد فى اللعبة علطول يعنى حتى فى الأجازة "
وكمان المسابقة عايزة واحد شديد فى التحكيم :)

رابعاً : بالنسبة للإشتراك : اعتبرنى اشتركت خلاص :D

وشكراً جداً يا Wolf على الموضوع الجميل
سلام عليكم

[rival]

موضوع جميل يا ريت يتنفذ ويكون منظم واتمني ان ميكنش في اي اختلافات
واهم حاجة ترتيب اللفلات علشان يكون في توازن وانا بشكر صاحب الموضوع علي الفكرة