اممم ممكن علشان كده

[Iam_Muslam]

السلام عليكم ورحمة الله وبركاته

مساء \ صباح الخير

النهاردة موضوعى معاكم بيتكلم عن حاجة مهمة فى حياتنا

حاجة لو انت فعلا قدرت تحسها وتلمسها جواك وتعيشها

هتبقى سعيد وعمرك ماهتبقى ساخط ومش عاجبك اللى حواليك

الحاجة دى بتتكون من 3 حروف

لو قدرت تجيب ال3 حروف دول وتعيش بيهم هتبقى سعيد جدا جدا

( الرضـا )

ها انت ايه اخبارك مع الكلمة دى ؟؟ ... عمرك جربت تحسها وتعيش بيها

عمرك جربت ترضى بللى فى ايدك وماتبصش لرزق غيرك

انت راضى ؟

انت راضى عن نفسك النهاردة ؟

انت راضى عن ربنا ؟

حياتنا مليانة هموم واوجاع ومصايب ... وبرضه مليانة امال وطموحات وامنيات

محدش راضى عن حاله ... الازمات مالية حياتنا

مابنخرجش من ازمة الا ونلاقى نفسنا بنواجه ازمة تانية جديدة بشكل جديد

وطبيعى بوجع جديد وع دا الحال

الغني مش راضي والفقير مش راضي ..

اللي معاه فلوس مش راضي واللي معوش مش راضي ..

اللي اتجوزت وخلفت عيال كثير تعبانة ومش راضية ..

واللي محرومة من العيال تعبانة ومش راضية برضه ..

اللي مش لاقي شغل تعبان واللي مطحون في الشغل ليل ونهار برضه مش راضي ..

الوزير مش راضي والغفير مش راضي ..

البنت اللي اتاخر جوازها مش راضيه .. والبنت اللي بيتقدم لها كل شاب وترفضه علشان مش عاجبها برضه مش راضية ..

م الاخر كده ... الرضا سعادة واطمئنان للنفس وهدوء للاعصاب

لله والسخط ... غل وتعاسة ومرارة والحياة ادامك سودة

يقول النبي اللهم ردني بقضاؤك حتى لا أحب تعجيل ما أخرت ولا تاخير ما عجلت ..

حتى لا أحب تعجيل ما أخرت لأن فيه حاجات من رحمته بك يأخرها عنك لأنك لسه مش جاهز لها أو الظروف الي حوليك مش جاهزه لتستفيد انت منها

ازاى تبقى راضى :

1 انك تستقبل اقدار ربنا بمنتهى السكون وماتجزعش ابدا

2 بطل اعتراض على قضاء ربنا

3 اقف مع ربنا زى ماطلب منك

4 خليك دايما مطمن لاختيارات ربنا حتى لو انت الموضوع ظاهر ليك انه غير كده لان ربنا مابيجبش غير الخير دايما

استقبل المصايب زى ما بتستقبل النعم والافراح لان ببساطة مصدرهم واحد الله سبحانه وتعالى

كلنا بنردد كلمة ومش عارفين معنانا

( رضيت بالله ربا )

معناها انك راضى بربنا على كل حال وراضى بتدبيره ... الكلمة دى اساس الايمان

هااه هتقول دلوقتى رضيت بالله ربا وهتعمل بمعناها

يعنى ترضى عن ربك فى تدبيره وقضائه فى حياتك ... شوف حلاوة كلمة رضيت بالله ربا

النبى عليه الصلاة والسلام علمنا الرضا وقال (( ابن آدم عندك ما يكفيك وأنت تطلب ما يطغيك لا بقليل تقنع ولا بكثير تشبع إن أنت أصبح معافا في جسد آمنا في سربك عندك قوت يومك فقل على الدنيا العفاء))

عارفنى معنى كلام النبى ايه ؟؟؟؟ لو حصلك بس 3 حاجات ساعتها ماتشغلش بالك بالدنيا دى ومافيها

انك تكون فى صحة كويسة وامن فى بيتك وفى نفسك وعندك اكل يوم واحد

حاول تتعلم ازاى تبقى متطلع ونفسك ربنا يحققلك اللى فى بالك وتبقى احسن

بس برضه تبقى راضى بللى انت عليه النهاردة ومش مضايق

ساعتها هترتاح اوى والله ... جرب بس

اوعى تعيش مفيش حاجة بترضيك

اوعى تكون طماع ومابتشبعش

اوعى يكون رضاك عن ربنا رضا منافقين

يعنى لو ربنا اداك ترضى عليه ولو اخد منك او منعك تبقى ساخط عليه

اوعى تكون من الناس اللى بتعبد ربنا .. لكن وقت المصيبة تتقلب 180 درجة وتغلط فى ربنا

يقول النبي .. ذاق طعم الايمان من رضي بالله ربا وبالاسلام دينا وبمحمد صلى الله عليه وسلم نبيا ورسول

اللى بيقول الجملة دى ربنا بيغفر له

ياترى حتقولها وانت صادق علشان تحصل علي مغفرة ذنبك اكيد مش كلمة باللسان لكن احساس بالقلب .. راضي عنك يارب .. خليك صادق وانت بتقولها

ارضى وماتسخطش قبل ما كل حاجة تزول من ادامك