دعـــــوة للـتـمـيـز و الإبــداع لـتـكـون مـن عــبـاقــرة الـمـنـتـدى

[White Angel]

السلام عليكم و رحمة الله و بركاته



دعـــــوة للـتـمـيـز و الإبــداع لـتـكـون مـن عــبـاقــرة الـمـنـتـدى



أولاً : الموضوع من كلمات قلمى و كلام من قلبى و الله و حاسس إنى لازم أعمل حاجة تفيد الأعضاء و المنتدى و تحسسنى بمكانتى كـ مشرف لأنشط قسم فى المنتدى .

لـتـكـون مميزاً فى هذا المنتدى أو أى منتدى هذا لا يعتمد على علاقاتك أو معارفك يعتمد فقط على مجهودك و نشاطك فى المنتدى

أنا هحكي لكم قصة وصولى إلى هذه الرتبة و أسرار تقريباً مفيش حد يعرفها


أنا بدأت فى المنتدى من حوالى سنة و كام شهر بدأت كان أسمى
mosprvlng650 كنت عرفت المنتدى من واحد صاحبى بس كان بيدخل زائر يأخذ اللى هو عايزه و يخلع فضلت أنا كدة حوالى 5 شهور أول موضوع ليه لازمة كان فى القسم التعليمى كان عن صور و خرائط كاملة للوحوش و المدن و الموضوع اتثبت

طبعاً دى كانت أول خطوة فى الطريق ساعتها كنت مبهور من صداقة المشرفين و الأعضاء فى المنتدى بدأت الحكاية دى تشدنى علشان أنا الحمد لله محب للصداقة و الأصدقاء

كنت ساعتها حتى معرفش فرق الألوان و الرتب فى المنتدى و دخلت المدارس و اتشغلت بالمدرسة و نسيت المنتدى خالص جيت فى نص السنة بتاعت السنة اللى فاتت يعنى فى شهر إثنين كدة

كانت 3 أسابيع بدأت أرد على المواضيع بهدف زيادة المشاركات لفيت على كل الأقسام بس مكنتش بهتم إنى أنا اللى أعمل المواضيع

بدأت الإجازة و كنت لازم أغير الإسم الحقير ده

كان نفسى أسمى يكون Easy بس طلع موجود و عملت مواضيع تغيير الإسم 3 أو 4 مرات
و كل مرة يطلع موجود

المهم بعد عناء إخترت
™ WhiTe AnGeL ™

عملت مواضيع فى كل الأقسام تقريباً مكنتش بحب أشوف حد أحسن منى كنت بشوف بيعملوا إيه و أطوره و أحسنه علشان أكون مميز

و أنا إختارت قسم بعيداً عن سيلك رود علشان يكون قسمى المفضل

و نقطة التميز دى مهمة لازم نتكلم فيها علشان تكون مميز فى مكانك لازم تخترع ليك ستايل جديد و أسلوب مختلف فى الكتابة و فى نفس الوقت تحافظ على إنك تصاحب على الأعضاء قبل المشرفين لأن متعتقدش أن المشرفين ممكن يظبطوك ولا حاجة
^^

المهم كان الإشراف بالنسبة ليا كان فى الأحلام بدأت أعمل كل أنواع المواضيع ( كوميدى ، سياسى ، إجتماعى ، برامج ، أفلام ، نقاش ) كل حاجة تقريباً

لقيت نفسى أنا و كام واحد بس أنشط ناس فى المنتدى و بقيت عضو فضى 1000 مشاركة و شوية بقيت 1500 مشاركة ( عضو ذهبى )

الحمد لله على مدار 3 شهور كان جهازى ولع من كثر النشاط تقريباً كنت بنام 3 ساعات بس فى اليوم


كنت متخيل إنى ممكن أكون حاجة و شوية و جت أفضل 3 أعضاء و أخذت المركز الأول
قلت الحمد لله كان أملى ساعتها العضوية الزرقاء

عملت مواضيع كثير مميزة فوصل عددها ساعتها لـ 15 تقريباً

طلبت العضوية الزرقاء فأخذتها الحمد لله و حافظت عليها

كثير من أصحابى نصحونى و أخذت نصائحهم ( مش عيب ) ناس أقدم منى و فهما فى المنتدى أكثر من المنتدى

توكسى عمل موضوع طلبات الإشراف ، قلت اهو أجرب و مش هخسر حاجة و الحمد لله كنت عامل جهد كويس فى الفترة اللى فاتت

و بقيت مشرف القسم الأنشط فى المنتدى الحمد لله

هو حصل فى الأول بعض المشاكل بس عادية فى أول فترة الواحد يتقلب من عضو إلى مشرف عليه مسئولية

و لسا لحد دلؤقتى بتعلم من اللى أقدم منى زى المشرفين العوام و الأدمين

ممكن أكون بتعلم منهم فى صمت يعنى من تصرفاتهم بس من غير كلام

أرجو أن تكون قصتى أحدثت فيكم بعض التغييرات فى الفكر أو تغيير الفكر السلبى فى موضوع الردود أو النشاط

_____________________________________________

حاجة مهمة وهى تقريباً الغرض الأساسى للموضوع : أنا و كثير من الأعضاء دلؤقتى بنحاول نبدأ فى كتابة المواضيع بدل من نقلها
و هى الطريقة السائدة فى معظمنا الـ Copy و الـ Paste

لازم نحاول نغيير العادة دى والله يا جماعة أنا جريت و كتبت 4 مواضيع كوميدية من تأليفى أنا اه أعدت كتبت فيها كثير أكثر من ساعة بس بحس إنى فعلاً عملت حاجة

و حتى المواضيع اللى أنا بكتبها أكيد مش بتطلع مكررة و بتحقق نجاح أكثر من المواضيع التقليدية

آســـــــ للإطالة ـــــــــف
سلام
أحــــــــــمـــــــد