اش معنى أنــــاآآآآا ؟!!

[a7lashabab]

اش معنى أنــــاآآآآا ؟!!


ليه كده يارب .. ياربي انا قصرت في حاجة ..

هي الدنيا وحشة معايا كده لييييييه ؟!

استغفر الله .. حاسة كده ربنا بينتقم مني .. خالقني يعذبني !!


..

لييييييييييييييييه ؟!

ليه كل صحباتي خطبوا واتجوزوا ومنهم خلفوا وانا لأ ؟! لييييييه ؟!

نفسي البس دبلة الخطوبة وابني طوبة طوبة .. نفسي !!





انا لأ ليه ؟!!

اش معنى أنـــاآآآا ؟!!

..

اتجوزت بقى ولبست دبلة الخطوبة وبنيت الطوبة طوبة ووقعت منهم طوبة

ههههههههه

ولا بلاش انا واحدة تانية غيري متجوزة وتمام

سنة سنتين تلاتة ...

يااااااااااااااااا رب .. لييييييييييييييييه ؟!

نفسي ومنا عيني اجيب عيل اشيله واحضني ويكبر ويقولي ماما ..

وابقى زيي زي كل الناس ويندهولي ويقوليلي يا ام فلان ..





انا لأ ليه ؟!

اش معنى أنــاآآآآا ؟!!

..

واحد دلوقتي بقى مش واحدة تفتكروش انكم احسن من الستات

ما الحال من بعضه !!

اتخرج وبعد نحت خمس سنين في الكلية نجح وبقى مهندس اد الدنيا ...

ياااااااااااااااااا رب .. ليييييييييييييييييييه ؟!

اغلب صحابي اتخرجوا واتوظفوا واللي عمل مشروع واللي اشتغل م باباه ..

وانا النوم زهق مني .. ماما وبابا قرفوا قعدتي ..

كل ما اقدم لوظيفة يشغلي المسؤول كاسيت .. طريقك مسدود مسدود مسدوووود يا ولدي !!

ليه ما اشتغلتش .. شهادتي دي لايه ؟؟





انا لأ ليه ؟!

اش معنى انــاآآآآا ؟!!

..

اشتغل وتمام

سنة سنتين تلاتة

ياااااااااااااااااارب .. لييييييييييه ؟

بقالي 5 سنين بشتغل وبتعب وبكدح عالفاضي ..

فين النتيجة يارب .. يادوبك مصروفي وبدل ما احوش قرشين يادوب نص قرش اللي حوشته

احمد صاحبي جاب عربية .. وممدوح حوش تمن شقة .. ورامي خلاااص شوية ومهر عروسته يجهز وشقة اجار جديد





انا لأ ليه ؟!

اش معنى انــاآآآا ؟!

..

وغيره وغيره كتيييييييييييييييييييير

مصايب بتحصل في المال او العيال او الصحة وتقلُب حال ..

يرجع يقووووول

يااااااااااااااااااااا رب .. ليييييييييييييه ؟!

ما هو ابو فلان عايش اهو ومش جراله حاجة وحاله بخير لا تقلب ولا تكعبل !!

اهي نهلة ربنا كارمها بيسر الحال وبزوج صالح وعيال وكله تمام !!

انا لأ لييييييييييييه ؟!

اش معنى انـــاآآآآا ؟!!

...

وكانه العبد نسي او تناسى قوله صلى الله عليه وسلم : "اذا احب الله عبدا ابتلاه"

وقوله تعالى : "وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ
أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ"

وقول رسول الله صلى الله عليه وسلم قال: "إذا مات ولد العبد،قال الله لملائكته: قبضتم ولد عبدي؟ فيقولون: نعم،فيقول: قبتضم ثمرة فؤاده؟ فيقولون: نعم، فيقول: ماذا قال عبدي؟ فيقولون: حمدك، واسترجع، فيقول الله: ابنوا لعبدي بيتا في الجنة، وسموه بيت الحمد".

وقوله صلى الله عليه وسلم : "ما يزال البلاء بالمؤمن والمؤمنة في نفسه وولده وماله حتى يلقى الله تعالى وما عليه خطيئة"

وقوله عليه الصلاة والسلام : "ما يصيب المسلم من نصب ولا وصب ولا هم ولا حزن ولا أذى, حتى الشوكة يشاكها إلا كفَّر الله بها من خطاياه"

..

ياااااااااااااااااااه كل ده خير ..

بيجزع الانسان وبيشكي ويبكي وينقم على قضاؤه وقدره

وبيفضل يقول .. اش معنى انـــاآآآا ؟!!

متناسي ان امر المؤمن كله خير ان اصابته سراء شكر وان اصابته ضراء صبر

وعالحالتين ربنا حيثيبه ويجازيه عظيم الجزاء والثواب ..

سبحان الله .. والحمدلله .. ولا اله الا الله .. ولا حول ولا قوة الا بالله ..

..

طبعااااا كلامي والتوبيك اللي كاتباه وكله كله صح نابع مني

وكتبته بايدي .. لكن بردو الجزع بيتمكن مني ساعات !!

يعني بنصح وبتكلم وانا عايزة النصح !!

بقرا احاديث رسولنا الكريم وبفرح من الكلام اللي فيه

ومع ذلك برجع بحس بالضيق والهم .. وليه .. وايه اللي بيحصل ده ؟!

ربنا يسامحنا جميعا ويغفرلنا عن تجاوزتنا ..

[^^divo^^]

موضوع جميل اوى بجد وكل انسان بيحس انو محتاج فى بعض الوقت او معظم الوقت بس والله انا لما بحس بكده بفكر فى حاجه واحده ان ربنا هيحاسبنى على كل حاجه واكتر حاجه الناس نفسها فيها هيا الفلوس وفعلن الفلوس حاجه مهمه بس الفلوس كتير والله مش حاجه حلوه انا بتمنى من ربنا الستر وانى اتحاسب على 100 جنيه احسن ما اتحاسب على المليون جنيه وربنا يهدينى ويكرمنى ويكرمك ويكرم امه سيدنا محمد صلى الله عليه وسلم اجميعا

[ALEX_MOON]

شكرنز

[بوب]

موضوع جميل فوق الجميع:glasses3:

[☜ ĂиTaKą ☞]

thx

[ღ♥_ akeml _♥ღ]

جامدة تسلم

[| - CreSpO - |]

موضوع رائع

[Mr.V.I.P]

موضوع جميل