مُساهمة حصري يوميات شباب اونلاين (الجزء السادس)

[mimoo]

عشان اوريكو انو منقول و هوا وقلش كدا م مردش هوا على المشاركة الى عملتهالو انا جبتلكو الجزء السادس

مش هينفع احد الاينك عشان دة ممنوع انا جبتلكم الجزء السادس من موقع بهدلة ز عشان اثبت فى الجزء الثالت و الجزء الخامش هتلاقو ان كلمة منتدى بهدلة
جميع الحقوق محفوظة

عشان المشرفين انا نقلت مواضيع من المنتدى و اللوم انتعمل على و المشرفين زعلو منى


[center]
وهما ع الغدا التليفون الارضى يرن .تررن تررن تررن تررن . محمد قام غسل ايده وبيرد


Alo0o0o0o0o0o0o0o::

ميزو..: الو يااستاذ ايه اخبار الناس

محمد..: البنات بتدلع والشباب هايولع

ميزو..: ها يامعلم هانقضى الداى دا ازاى

محمد..: خليها شبابى النهارده انا وانت مع نفسنا

ميزو..:طب وليه الجو الناشف دا ومش عاوز بنات ليه؟

محمد..: كدا ماليش مزاج

ميزو..: اوبـــا هى ميرنا اداتلك الحقنه ولا ايه

محمد..: حقنه, على اساس انى ماشى مع تمرجيه بروح اهلك

ميزو..: طب ياعم متزوقش خلاص هاشوف حد من الرجاله نروحله نقضيها معاه

محمد..: كدا فله هاجهز نفسى لحد ماتيجى

ميزو..:اوكى

محمد دخل اوضته يلبس وياسمين اخته جرت جرت بسرعه ودخلت من تحت ايده قبل مايقفل باب الاوضه


محمد: ايه ياهطله شغل الصراصير اللى بتعمليه دا

ياسمين: (قعدت على طرف السرير وعماله تهز فى رجلها ) ههههههه هق هق عاوزه اقعد معاك:i

محمد: تقعدى فين انا هاغير هدومى

ياسمين: طب ماتغير هو انا ماسكاك

محمد: اغير ازاى وانتى قعدالى كدا اطلعى يابت بره

ياسمين: هو ايه دا انت عشان اتولدت قبلى هاتفضل تشخط فيا

محمد: ياحماره هاغير هدومى وابقى ادخلى هاتتفرجى عليا وانا بغيرازاى

ياسمين: هو انت رايح فين ?:girl_nails:

محمد: وانتى مالك

ياسمين..: ماتاخدنى معاك ..هو انت خارج مع بنات

محمد..: لا مش خارج مع بنات .. انا خارج مع صحابى مش هينفع اخدك

ياسمين..: هو انا هاعرك يعنى..ماتاخدنى معاك فسحنى عشان خاطرى .. مش انت كنت وعدتنى

محمد..: اوكى خلاص بس انا هنزل دلوقتى وهارجع الساعه 9 تكونى جهزتى نفسك واخرجك

ياسمين : هيــــــــــــه (فرحت وقامت نزله جرى من ع السرير نطه على محمد حضناه وفضلت تبوس فيه)

محمد..: (شالها حدفها ع الكنبه) ماخلاص بقى انتى هتصاحبينى

ميزو وصل لبيت محمد وبيخبط ع الباب

تم تم تك تك تم تم تك

والده محمد: (فتحت الباب) انت لسه اهبل ياله ههههههههههه

ميزو: ههههههه خليكى ايزى بقى ياطنط بلاش احراج

والده محمد: وانتوا بقى هاتقضوها كل يوم صياعه كدا ومفيش مذاكره

ميزو: لا ماحنا بنروح نذاكر شويه عند واد صاحبنا وبعدين نخرج

والده محمد: ياد انت فاكرنى جايه من الهند دانا مربياك على ايدى .. خش يافاشل خش

ياسمين سمعت صوت ميزو فتحت باب الاوضه وجرت عليه فين الامانه يامعلم

ميزو: متاويها فى المحفظه عشان محدش يكشفنا فى الجريمه دى

ياسمين: تمام اكده ياعسران ناولنى الامانه جبل مايهل علينا الليل

ميزو: تاوى الفرفر اللى فـ يدك دا ياكبيره الستاير ليها حلقان

ياسمين..: انت خابر زين انى مهاخافش من حد

ميزو..: يواد انت يابو قلب ميت ياجامد

ياسمين: رجعنا تانى للحديث الماسخ عاد

ميزو ..: عاد ميتة دانى مستنيه من صباحية ربونا

ياسمين ..: ياعم انجز انت هتمثلى الضوء الشارد فين الكارت

ميزو: ههههههههههه خدى يامعفنه الكارت اهو ايااك يطمر

ياسمين: اوكى ميرسى ياميزوووووووو

ميزو نفضلها ودخل على محمد الاوضه رزع الباب برجله

ميزو..: (بصوت عالى) ياهوووووووووووووو

محمد ..: ايه ياله يابن المسروعه

ميزو..: حبيب قلبى .. اتقل اما اكلم الواد خالد استيكا نروحله

محمد..: ياعم الواد دا غبى وهايفصلنا دا سموه استيكه عشان مخه ممسوح

ميزو..: ياعم نشتريلنا قلمين بريما ونكتبله اللى اتمسح

محمد..: واحنا هنروح نديله درس

ميزو..: تصدق ياد مشتريتش اقلام من ايام الثانويه العامه

محمد..: الـ يعنى كنت بتذاكر يلا ياعم بدل ماقولك كلمه وحشه

ميزو..: لا قولها انا بموت فـ الاباحه وبخنى وبخنى

محمد..: زرقا

ميزو..: فله يامعلم هاعملك الو لعماد تهييس دا اللى ع الجد

محمد..: الواد دا قرب يخطط بنى من كتر الحشيش اللى بيشربه.

ميزو..: هههههههههه ...(يتصل بعماد تهييس) تررن تررن تررن تررن

alo0o0o0o0o0o0o::

عماد تهييس..: الوووووهات ياعم ميزو واللى عاوز تغيظووو اندهله ميزووو صبح صبــــــــح

ميزو..: ياصباح الدماغ العاليه دى مصر لسه غاليه .. دى شكلها مسافره منك وهاتولع

عماد تهييس..: لا ايطاليا ولا المانيا ميزو 2008.

ميزو..: ياااهوو انت لسه مقلبتش ورق النتيجه داحنا داخلنا ع القرن التلاتين ياراجل

عماد تهييس..: كل دى قرون عدت ليه معدش فى رجاله

ميزو ..: ههههههه خلاص معدش رجاله دول طلعوا اشتغاله

عماد تهييس..: ياعم خليك فريش دا الخلق بمليون وش

ميزو..: لا لندن ولا باريس هو عماد تهييس

عماد تهييس..: واحشنى والله ياميزو انت ومحمد فينكوا يارجاله ماتيجوا عاوز اشوفكوا واصبحكوا

ميزو..: ملناش فيه ياعم انت عارف محمد مبيحبش الكلام دا لسه قافش مع طارق ومحمود عشان شربت حشيش معاهم

عماد تهييس..: خلاص تعالوا اشوفكم واجيب الرجاله ونقعد قاعده دمها خفيف من بتاعة ايام زمان

ميزو..: خلاص على رنات وكدا الكلام مات يبقى سلامات ونهارك بيضحك

ميزو قفل الموبايل فـ وش الواد

محمد..: ايه دا ياد انت قلبته كدا ليه

ميزو..: يخربيت امه دا كان هايسطلنى معاه وانا بكلمه فـ التليفون هوووف

محمد..: طب يلا ياعم عشان نلحق نقعد معاهم شويه

ميزو ومحمد فـ طريقهم لبيت عماد تهييس الساعه ناو 6:00 المغرب

وهما ماشين شافوا بنتين استايل جامدين اخر 3 حاجات جايين عليهم من على اول الشارع

ميزو..: واد يامحمد البنتين دول معديين :i

محمد..: ياعم انت مش مرتبط دلوقتى مالك ومالهم

ميزو..: بدام الجماعه مش شايفانى اعاكس واعيش زمانى

محمد..: هههههههههه الله يحرقك ماتسيبنا نكمل بقيت اليوم محترمين

ميزو..: ياعم وانت شايفنا رايحين نغتصبهم دول كلمتين هانقولهم ولو اتعوجوا نعدلهم

محمد..: طب روح انت ابدأ معاهم عشان مكسل

ميزو ..: لا ياكبير انت تكتك كدا ودوس معاهم الاول

محمد..: اتكتك ايه بس فـ الحر دا :007:

ميزو..: ياعم مش مستاهله بس انت خش الدخله وهز النخله

محمد..: (وقف قدام بنت منهم) لو سمحتى متعرفيش فين صيدليه تامر حسنى للملابس الرياضيه؟

البنت..: هههههههههه متعرفش انت انك خفه اوى

محمد..: وحضرتك مش واخده بالك انك جامده اوى

البنت..: ودى اسميها رخامه ولا استظراف؟

محمد..: سميها رحاب

صاحبتها..: هههههههههههههههههههههههههههههههه جامده

ميزو..: (سمع الضحكه من هنا) ايوه كدا ياوديـــــــــــــــــــــــع

البنت ..: بتضحكى على ايه انتى كمان

صاحبتها ..: توشوشها (اصل بصراحه دمهم خفيف اوى هههههه:Laughin2:)

البنت..: طب اتلمى ويلا بينا

صاحبتها..: (بتعمل نفسها متضايقه) لوسمحتوا بقى اوعوا خلونا نمشى بدل مانضطر نستخدم اسلوب مش كويس

ميزو..: يواد انت ياحمش .. على فكره انتى اوفر اوى فـ الاداء بس زى العسل وانتى متعصبه

صاحبتها ..: ميرسى دا من زوقك

البنت..: الله ماتيجى نروح نقعد معاهم فـ كافيه احسن..لو سمحتوا بجد انتوا زودتوها اوى يلا يا رشا

ميزو..:وااااو اسمك رشا

محمد..: دانتى هتبقى نجمه الموسم وكل موسم .. ارسم يافنان

رشا صاحبتها..: هههههههههههههههههههههههههههههههههه:Laughin2:

البنت ..: اتلمى ياجزمه بطلى ضحك هاتفضحينا

ميزو ..: هاتيجى منين الفضيحه معناش افلام قبيحه

رشا..: ههههههههههههههههه بجد يادعاء مش قادره امسك نفسى من كلامهم لازم اضحك ههههههههههههه

محمد..: اسمك دعاء?

دعاء..: اه فى اعتراض حضرتك

محمد..: لا ياستى اللهم ماتقبل tudyingqt54d4:

دعاء ..: ههههههههههههههههههههههههه

ميزو..: ضحكت.. يعنى قلبها مال وخلاص الفرق مابنا اتشال

دعاء..: ههههههههههههه طيب اوكى ياعم عمرو دياب انتوا دلوقتى عاوزين ايه?

محمد..: ايه عاوزين ايه دى انتى واقفه فـ سوبر ماركت

دعاء..: ههههههههههههههههههه سورى مش قصدى بس بعد وقفتنا دى هنوصل لايه فـ الاخر

محمد..: لاى كافيه هنقعد نشرب حاجه نتعرف على بعض دا اذا مكنش يضايقكوا

رشا..: خلاص اوكى يادعاء واضح انهم محترمين وذوق مفيش مانع نتعرف عليهم ونمشى

دعاء..: ايه اللى بتقوليه دا انتى التانيه .. لا حضرتك مش هينفع نقعد معاكم وفرصه سعيده نقدر نمشى بقى

محمد..: اوكى ااذ يو لايك وسورى لو كنا ضايقناكم

رشا ..: بجد مفيش مضايقه ولا حاجه بس مش عارفه هى قافشه ليه كدا

ميزو..: طب ممكن كلمه يارشا قبل ماتمشوا

ميزو خد رشا بعيد واتكلموا شويه ومحمد واقف مع دعاء

محمد..: دعاء ..هو انتى جميله كدا بالوراثه ولا دا استهبال منكtudyingqt54d4:

دعاء ..: لا استهبال..

محمد..: على فكره كتر الاستهبال بيقلب باهمال وممكن تعنسى وماتلاقيش حد يعبرك انا قلبى عليكى

دعاء..: شيل قلبك من عليا عشان تقيل وملكش دعوه انا مبفكرش فـ الجواز اصلا

محمد..: اصلاً اصلاً (فـ سره) جتك مصيبه فـ شبهك دانتى بت رزله

دعاء..: بتقول ايه..

محمد..: بشتمك فـ سرى

دعاء..: ياسلام .. عموما الشتمه بتلف تلف وترجع لصاحبها

محمد..: ايه شغل كى جى تو اللى انتى بتعمليه دا .. وبعدين ايه تلف تلف دى كمان انتى مأجره عجله

دعاء..: هههههههههههههه لا شاريه مروحه توشيبا

محمد..: هو نوع المروح هيفرق فـ تلطيف الكومنت بتاعك,, يخربيت ظرافه اهلك دانتى اوملت tudyingqt54d4:

دعاء..:انا اوملت .. طيب وانت بقى مسقعه هه

محمد..: انتى نازله من بيتك جعانه .. اوعى تكونى بترمى الهلب عشان اعزمك ع العشا اونطه

دعاء..: لا ميرسى مش عاوزه حاجه منك انا مروحه اكل فـ بيتنا

محمد..: وانتى معاكى فلوس عشان تروحى اصلاً

دعاء..: اه معايا الحمدلله

محمد..: طب ماتجيبى 20 جنيه سلف

دعاء..: لا مش مدياك حاجه

محمد..: ابو شكلك دانتى بت رزله وممله

دعاء..:ماتقولش بت

محمد..: يعنى زعلتى من بت ومزعلتيش من رزله وممله وابو شكلك يلا ياعم ميزو دى شكلها عبيته ومخها تعبان

دعاء..:ماشى بس انا مبحبش حد يقولى بت انا اسمى دعاااء

محمد..: ومالك فرحانه كدا يعنى كنتى دعاء الكروان

دعاء..:(متغاظه منو) يلا يارشا اخلصى

رشا..: اوكى يادعاء ثوانى وجايه

دعاء..:انتوا بتعملوا ايه كل دا؟

ميزو..: بنعمل شاى بلبن

رشا..: هههههههههههههه خلاص اهو يادعاء يلا بينا فرصه سعيده ياجماعه

رشا ودعاء مشوا و ميزو و محمد كملوا طريقهم لبيت عماد تهييس

ميزو..: واد يامحمد البت رشا دى عندها امكانيات عاليه

محمد..: انت دايما دماغك زفت كدا مع كل البنات مابتاخدش بالك الا من امكانياتهم

ميزو..:البنت من غير امكانيات زى الطياره من غير جناحات

محمد..: هههههههههههه اوكى يابايلوت بس زى مابتبص ع الامكانيات بص ع الاستايل, الرقه فـ الكلام ,الجمال, عقلها كبير ولا بت تافهه , الحجات اللى تنفع تكون بيها زوجه وشريكه مستقبل ليك

ميزو..: زوجه مين يابا انا مش بتاع جواز

محمد..: اه ياثافل بقى بعد ماتاخد غرضك منى ترمينى فـ الشارع انا واللى فـ بطنى

ميزو..:مانت اللى ابوك طالبلك مهر كبير وانا الصراحه الحاله ناشفه معايا اليومين دول

محمد..: ولما هى ناشفه ماشى معايا ليه ولا هما شباب الناس لعبه

ميزو..:جيم اوفر ياصاحبى:Laughin2:

محمد..: جيم اوفر ايه ياسطاا انت بتلعب ماريو.. يلا يابا

فضلوا ماشيين يهزروا فـ الشارع لحد ماوصلوا بيت عماد طلعوا خبطوا

عماد تهييس ..: لالالالالالالالالالالالالالالالا مش مصدق ودانى بقى انا شايف محمد وميزو قدامى بعد السنين دى كلها يااااااااه

محمد..: ياعم محسسنى ان داخل عليك كاكا وكريستيانو رونالدو .. ايه الافوره دى

عماد تهييس ..: حبيب قلبى واحشنى وواحشانى خفه دمك خشوا يارجاله الشله القديمه جمعتهالكوا جوه وهنخربها زى زمان

ميزو..: اخربها وماتسألش فيها دى بنت *** ومدفعتش اللى عليها

اسامه طأطأ ..: (من جوه الشقه ) ماتدخلهم ياعم انا اتفصلت

ميزو ..: بدام اتفصلت يبقى انت كدا وصلت

عماد تهييس ..:واحنا الاصل والباقى فـ الفصل

محمد ..: يلا يابن الجزمه انت وهو نخش بدل ماامد ايدى عليكوا

دخلوا لقوا اصحابهم
اسامه طأطأه ..: فشار اخر 3 حجات كل كلامه اونطه وبوء ع الفاضى وعامل فيها فتك

شادى ترتره ..: واد سيس نايتى شبه البسكوته كدا

هانى تلاجه ..: رخم وبارد اوى

على الشيخ ..: واد محترم اوى صاحبهم من زمان بيحب يقعد معاهم ينصحهم

شادى ترتره ..: اهلا يامحمد ازيك

محمد ..: اهلا يالوزه ازيك عامله ايه يابيضه

عماد تهييس ..: هههههههههه اسامه اقفل الشيش وطلع ربع الحشيش

اسامه طأطأه ..: ولع سيجاره وادينى مش عاوز اشوف بعينى

على الشيخ ..: يعنى ربنا يبقى مديك نعمه البصرغيرك كتير محروم منها وانت برغبتك تطلب انك متشوفش .. ربنا يهديك

عماد تهييس ..: ماتبقاش خنيق هزها وهى ورزقها , بنعمل دماغ ياعم على عشان ننسى

هانى تلاجه..: تنسى ايه ؟

عماد تهييس ..: والله يابنى مانا فاكر

هانى تلاجه ..: طب اقولكوا نكته?

عماد تهييس ..: لأ

هانى تلاجه ..: اوكى .. بيقولك مره اتنين ماشيين فـ الشارع رجليهم تعبتهم قعدوا يستريحوا

شادى ترتره ..: ياااااى دانت واد اوملت اخر حاجه انا ايه اللى جابنى هنا اوووف

محمد ..: انبى ياشيخ ماتعصب نفسك انت عشان الحساسيه

هانى تلاجه ..: بيقولك مره واحد اسمه محمد سعيد حبيبته سابته غير اسمه لـ محمد حزين

محمد ..: يابن الخفيفه انت عارف ياهانى اما امى عرفت انى جاى اقعد معاكوا وانت موجود قالتلى ايه؟

هانى تلاجه ..: قالتلك ايه ؟

محمد ..: قالتلى بيضتين

هانى تلاجه ..: ههههههههه جامده يامان .. مره واحد ظبط المنبه ع الساعه 3 المنبه رن ع الساعه 4

عماد تهييس ..: لا امان للبشر المنبه رن 4 والواد كان ظبطه على 3 .. شوفت الدنيا ياجدع

ميزو ..: اومال انا اعمى بروح اهلك ,, انا اتخنقت من الدخان اللى بتشربه دا

هانى تلاجه ..: اسمعوا دى كمان شباب مخدرين بيتفرجوا على فيلم ابيض واسود واحد بيسألهم مين الرقاصه دى رد واحد قاله دى تحيا كاريوكا الباقى رددوا تحيا تحيا تحيا

ميزو ..: دا كلامك ..؟ افتح البلوتووث واستقبل دى ..مره 3 اصحاب واقفين بيدردشوا مع بعض بعض سابهم ومرداش يدردش معاهم

محمد ..: هههههههههههههه طب اشقط دى كمان ..انت تعرف ليه مفيش ولا بنت فـ السعوديه اسمها حنان؟

هانى تلاجه ..: ايه دا اول مره اعرف كدا ليه؟

محمد ..: عشان السعودية فـ قاره (اَسيا)

عماد تهييس ..: ههههههههههههه انزل ياعم هانى ماتعيش فـ الدورتانى

هانى تلاجه ..: طب حد عايز حاجه من تحت

محمد ..: يبقى انت كدا روحت

عماد تهييس ..: والله وحشتنا قاعدتكوا الجميله دى من زمان

محمد ..:اه والله ياعمده دا القاعده معاكوا احسن من قاعدة الكابنيه ياجدع

ميزو ..: ههههههههههههه ايه ياعمده مفيش عشا ولا ايه انا واقع

اسامه طأطأه ..: واقع مـ الدور الكام هههههههههههه هههههههه

ميزو ..: يابن اللطيفه ياخفه

اسامه طأطأه ..: طب محمد انا عاوزك فـ حوار بما انك خبره

محمد ..:ارغى tudyingqt54d4:

اسامه طأطأه ..: بكلم الحته امبارح وفـ وسط الكلام غلطت وقولت اسم واحده تانيه غيرها مانت عارف انا حريمى كتير وبتلخبط بينهم وهى زعلت اعملها ايه

ميزو ..: اعملها عيد ميلاد

على الشيخ ..: لالا ياجماعه اعياد الميلاد بدعه اجتناباً للشبهات بلاش الاحتفال بيها

اسامه طأطأه ..: ماعلينا المهم يامحمد قامت مزعقه ومعليا صوتها عليا قومت مهزقها وصديتها فـ الكلام

محمد ..:صديت ايه ياعم انت هتعملنا فيها عصام الحضرى

على الشيخ ..: ماتفكك من الشغل بتاعك دا يااسامه بجد انت كدا بتوحش شكلك مش بتحليه

اسامه طأطأه ..: مع انى حاطط عليه 3 معالق سكر اهاهاههههههههههههههههه

محمد ..: يابن الظريفه واحد بينصحك وبيكلمك فـ الصح ماتتريقش عليه

هانى تلاجه فـ الخباثه دخل الاوضه فتح الكمبيوتر وشغل اغنيه شعبى وفتح الصب العالى

هما قاعدين بيتكلموا فجأه لقوا الاغنيه اشتغلت

وشربت حجرين ع الشيشه
يانى يانى يانى مش هعمل كدا تانى

شادى ترتره ..: (اتخض ) اوووه ياماما ايه دا

محمد ..: اسمالله عليكى متخافيش ياشاديه دا اغانى فـ الكمبيوتر

ميزو ..: طب ومين اللى شغل الكمبيوتر داحنا كلنا قاعدين هنا وهانى نزل تحت

عماد تهييس ..: ياجماعه انا سمعت من ابويا ان الشقه دى مركوبه

محمد..: مركوبه ايه بروح اهلك انت ساكن فـ لانسر

هانى تلاجه ..: هاهاها خضتكوا يارجاله نياهاهاها (ضحكه بارده شريره vil_lol

ميزو..: هانى وحياة ابوك مش طالبه حواراتك الفكسانه دى شاديه كات هتموت فيها

محمد ..: طب يلا ياد ياميزو انا زهقت مـ العيال دى tudyingqt54d4:

عماد تهييس ..: على فين ياكبير دا الدنيا لسه بخير

ميزو..: اهو هايعيش دور جورج واسوف اهو يلا نخلع ياعم

ميزو ومحمد نزلوا من عند عماد تهيس ماشيين الساعه الوقتى 8

محمد ..: واد انا هروح البيت امى بعتتلى مسج بتقول عاوزانى اجيبلها حجات وهنبقى ننزل نخرج تانى

ميزو..: اوكى وانا هروح اتغدا تانى واعدى عليك الخق العشا

محمد ..:اوكى هستناك كمان ساعه تجيلى سلام

محمد وصل البيت بيخبط .. لقى ياسمين اخته فتحت فـ ثانيه

ياسمين ..: خش ياحبيبى اجيبلك تاكل اعملك اى حاجه

محمد ..: ايه يابت هو طقم الشاى اتكسر تانى داخله عليا بطقم حنيه

ياسمين ..: لا دانا بثبتك عشان هتخرجنى معاك:Laughin2:

محمد ..:اهااااا مصلحه يعنى طب اوعى ياختى وخدى دخلى الحاجه دى لامك

ياسمين ..: حاضر حاضر حاضر

محمد دخل اوضته يغير هدومه عشان خروجه بالليل
ميزو جه بيخبط تم تم تك تك تم تم تك

ياسمين ..: (جرت فتحت الباب) ميزوووو خش يامعلم صاحبك بيدلع نفسه قدام المرايه اكنه رايح يجوز

ميزو..: يابت بطلى لماضه

ياسمين ..: ابطل لماضه واشرب سجاير يعنى :Laughin2:

ميزو..:انتى مطقمه ومتشيكه وكنتى طالبه كارت شحن انت راحه تشتغلى رقاصه ولا ايه

ياسمين ..:رقاصه فى عينك دانا خارجه معاكوا

ميزو..: نعم ياما خارجه معانا فين

ياسمين ..: ابيه محمد قاللى انه هاياخدنى معاكوا يفسحنى

ميزو زقها ودخل جرى على محمد الاوضه

ميزو..:انت ياعم انت هاتجيب المفعوصه دى معانا بجد

محمد: اها وفيها ايه

ميزو..: ياعم هانعاكس ازاى ودى معانا

محمد: ياعم فكك من شغل المراهقين دا احنا لسه هنعاكس .. انا وعدتها انى هاخرجها

ميزو..: طب تعالى نشتغلها بقى ونقولها انك غيرت رايك ومش هناخدها معانا

محمد: (واقف بيسرح شعره) اوكى... بت ياياسمين

ياسمين ..: (جايه جرى وبتتنطط) ايوه ياابيه خلاص هاننزل

محمد: لا اقلعى هدومك واقعدى فى البيت مش هاينفع تخرجى معانا النهارده

ياسمين ..: (اتصدمت وعنيها دمعت) وبتتشهتف ومش هاينفع ليه

ميزو..: هو كدا وخلاص مش هناخدك معانا

ياسمين ..: (اتفطرت من العياط) وقامت ماسكه الموبايل بتاعها حدفته فى وش ميزو انت انسان غبى اصلا هو كان موافق يخرجنى انت كائن رخم (وفضلت تعيط )

محمد: بت ياياسمين انتى بتشتمى صاحبى وانا واقف .. قومى بقى غيرى واترمى فى اوضتك

ياسمين ..: (بتعيط وبتتشهتف:Lopez...cry:) انت ماتكلمنيش انا اشتمه زى مانا عايزه وانت كمان ياكداااااااب قولتلى ليه انك هاتخرجنى من الاول

ميزو..: (يوشوش محمد) واد كفايه كدا البت هاتشتمنا بالام بعد شويه

ياسمين ., (قاعده عالارض بتعيط وعماله ترفص برجليها نكشت السجاده ومن الغل تشد الحاجه توقعها من عالتسريحه)

محمد..: (ينفض لميزو) انا كداب ياياسمين?

ياسمين: (بتعيط ووشها مليان دموع ) اه ياكداااااااااااب انا معنتش هاقولك الا ياكدااااااااب عشان ضحكت عليا

ميزو..: بس يابت يخرب عقلك احنا بنهزر معاكى هانخرجك تعالى امسحى دموعك دى

محمد..: بس ياله دى قليله الادب كنا بنهزر لكن دلوقتى بجد مش خارجه معانا

ميزو..: ليه ياعم انت صدقت ولا ايه البت بتعيط حرام عليك

محمد..: تعيط ولا تتفلق اما تبقى تحترم نفسها وتعمل حساب لاخوها الكبير ابقى اخرجها

ميزو..: (يروح لياسمين) قومى ياياسمينه صالحى اخوكى واتاسفيله عشان تخرجى معانا

ياسمين ..: (تمسح دموعها) انتوا كنتوا بتهزروا بجد

ميزو..: اه والله قولنا نتراخم عليكى لقيناكى طلعتى عيله صغيره وبتعيطى روحى بقى اتاسفيله

محمد..: يلا ياميزو عشان ننزل

ياسمين جرت عليه خلاص ياابيه انا اسفه والله انا اللى كدابه انا اللى كدابه معلش

محمد..: اوعى يابت انتى ماتمسكنيش يالله ياعم ميزو اخلص

ياسمين ..: لالالا ماتنزلوش من غيرى انا اسفه والله معنتش هاعمل كدا تانى عشان خاطرى ماتزعلش منى (وتعيط)

ميزو..: ماخلاص بقى ياميدو ماتقفلش اليوم مش احنا اللى اتراخمنا عليها الاول

محمد..: ياميزو ماينفعش انها تشتم اخوها وصاحبه لازم تتعاقب

ميزو..:ياعم انا مسامحها .. حرام عليك بقى يرضيك كدا منظرها وهى بتعيط هايجيلك نفس تخرج وانت سايبها كدا

ياسمين ..: (سمعت ميزو وقالت اما اقطع قلبه اكتر وعلت صوتها بالعياط) خلاص ياميزو ماتتحايلش عليه اكتر من كدا:Lopez...cry:
بس يارب تنبسط ياابيه محمد فى الخروجه (وسابتهم وراحة على اوضتها وفضلت تبص من خرم الباب مستنياهم ييجوا يصالحوها)

محمد..:واد ياميزو يالله نعمل نفسنا نازلين

ميزو..:اوكى ..(يعلى صوته) يلا ياطنط مش عاوزه حاجه هاننزل احنا بقى

محمد..:اجيب حاجه وانا جاى ياماما

والده محمد: اما اخلص اللى فـ ايدى هكتبلك حجات عاوزاها كدا وابعتهالك فـ رساله يلا انتوا ياحبايبى انزلوا

محمد ..: (بيفتح باب الشقه .. لقى اللى جايه جرى عليه تمسك ايديه قام خابطها على دماغها) انزلى ياحماره وبعد كدا ماتقليش ادبك تانى

ياسمين ..: (بتمسح دموعها وبتتشهتف) حاضر حاضر

نزلوا التلاته وماشيين فى لشارع

ميزو..: دانتى كان شكلك مسخره

ياسمين: دانت رخم (وداست على رجله تك)

ميزو..: اااااااه يابنت الـ هانروح فين ياعم محمد

محمد..: عم محمد ايه انت شايفنى بواب العماره بتاعت ابوك

ميزو..:هانروح فين يااستاذ محمد

ياسمين ..: على اساس اننا قاعدين فـ كلاس

محمد..: ههههههههههه انت كدا بوظت مننا

ياسمين ..: تعالوا نروح نعاكس صبيان

ميزو..:هههههههههه الحق ياخو سوسو

محمد..: صبيان ايه يابت اللى هنعاكسهم اسمهم شباب

ميزو..: ايه العيله دى

ياسمين ..: يابنى ابيه لارج

موبايل محمد يرن حاطط نغمه Bailamo0o0o0os l Enrique


ميزو..: ( اول ماسمع النغمه قام راقص وقاعد يغنيها فى الشارع) بايلامووس ليت ذا ريزم تييك يور اووفر بايلامووووس

ياسمين ..: (اشتغلت معاه) تى كييرو امور اميو بايلامووووووووووس ..

ميزو..: وااانا لايف.. ذيس نايت.. فور ايفر.. بايلامووووووووس:Lopez...dance_bang:

محمد..: (عمل الجهاز سايلنت وهما بيغنوا ومنسجمين مع النغمه) ياولاد المجانين اهدوا بقى خلونى ارد

Alo0o0o0o0o0o0o::

بوسى..: هاى يامحمد اثيك

محمد..:اهلا بوثبثه انا الحمد لله تمام انتى اخبارك ايه؟

بوسى..: تويثه الحمدلله انا النهارده عيد ميلادى وكنت عاوثاك تيكى انت وميزو

محمد..: كل ثنه وانتى تيبه ياقمر بث ثوانى كدا (يوشوش ميزو) واد بتقولك النهارده عيد ميلادها وعاوزانا نروحلها خد اتحجج لها باى حاجه

ميزو..: ليه ياعم مانروح هتلاقى سلمى هناك وبقيت شله البنات وهاتولع

محمد..: بس انا معنتش عاوز اكلم بنات

ياسمين..: انت جاى تتوب فى اليوم اللى هاتخرجنى فيه يلا ياميزو نروح بوثى واحثانى اثلا

محمد..: (الو ايوه يابوسى اوكى ساعه وهانكون عندك) تعالوا اما نروح نشتريلها هدايا الاول

ميزو..: اوكى تعالى ندخل المول بقى

دخلوا المول يتشقلبوا جوه على هدايا

محمد..: الحوار دا جه فجأه مش مجهز فـ دماغى اجيبلها ايه البت دى

ميزو..: ياعم اى حاجه المهم ان الحاجه اللى تجيبهالها تكون عمليه تدوم وتدوم معاها عشان تفضل تفتكرك بيها

محمد..: تدوم وتدوم ايه يعنى اجيبلها مبيد حشرى :0015:

ياسمين ..: هههههههههه الواد ميزو دا كل اما اشوفه اضحك

ميزو..: ليه ياست اللماضه مرسوم على وشى نكته

لفوا شويه فـ المول و فـ الاخر ميزو جابلها بلوره كدا بتنور


ومحمد جابلها ساعه بناتى

محمد..: اجيبلك ايه ياياسمينه تديهولها

ميزو ..: ياعم اديها الفلوس تجيب هى اللى عاوزاه ارزعها 100 جنيه

محمد..: اراك توزع من مال امك

ياسمين..: ههههههههه لالا هات خمسينايه كدا هاتكفى (ودخلت جوه اشترت هديه وخلت الراجل يلفها وخرجت)

ميزو ..: دى ايه ياياسمين؟

ياسمين..: ملكش دعوه

محمد..: بتحط نفسك فى مواقف بايخاااااااااه

التلاته فى طريقهم لبيت بوسى

ياسمين..: هو لسه كتير ع البيت

ميزو ..: اه لسه كتير على اما البيت يستوى

ياسمين..: طب تحب البيت مقلى ولا مسلوق

ميزو ..:شكشوكه ياخفه

ياسمين..: جتك شكه فى قلبك ...

ميزو ..: بعد الشر عليا

ياسمين..: طب احنا فى شر كام؟

ميزو ..: فى شر يوليه

ياسمين..: يعنى بعد الشر دا هانبقى فى شر اغسطس

ميزو ..: هاها قديمه ياخفه

ياسمين..: هى ايه اللى قديمه شايفنى جايبالك جبنه رومى

ميزو ..: محمد وربنا هاقصلها لسانها دا يخربيت لماضتك

ياسمين..:وربنا ياابيه ميزو دا مسلى اجدع من كيس اللب

محمد ..: ههههههههه وربنا البت دى عسل ياعم بتفكرنى بسمسمه اللى فـ منتدى بهدلة

ميزو ..: صدق اه طب يلا ياطحينه منك لها نروح العيد ميلاد


وصلوا لبيت بوسى ,, ميزو بيرن الجرس

تررررررررررررررررررررررررررررررررررررررررررررررررر ررررررررررررن

بوسى..: (فتحت الباب) ميزوووو محمد اثيكم .. اثيك ياياثمين وحثانى موووت ياحبيبتى

ياسمين..:ههههههههههههههه البت تى عبيته اوى :Laughin2:

بوسى..: هههههههه يالمضه انتى اتفضلوا اتفضلوا

دخل محمد وميزو وياسمين الشقه لقوا البت معمولها بارتى جامد طحن وفى ناس كتير

ومشغلين اغنيه نانسى عجرم عيد ميلاد الليله مين عيد ميلاد النونه

ياسمين..: لما البغله دى يتقال عليها نونه اومال انا ابقى ايه

ميزو..: ههههههههههههه والله عندك حق (طب ويت كدا هاروح اشغل سونجايه تانيه ليها)

وفجأه غير الاغنيه وشغل (سمعنى السلام التقيل عشان عيد ميلاد الفيـــــل )

كل اللى فى البارتى ضحكوا وبوسى جرت ورا ميزو


والتورته جت وطفوا النور

وقاعدين يغنولها (هابى بيرز داى تو يو هابى بيرز داى تو يو هابى بيرز داى تو بوسى هابى بيرز داى تو يوووووو)

وقاموا مطفييين الشمع

ميزو ومحمد ..: (غنولها ) كان يوم اسود يوم ماجيتى كان يوم اسود يوم ماجيتى

الناس كلها ضحكت وبعدين قعدوا مشغلين ميوزك وبيقدمولها الهدايا

ميزو..: اتفضلى يامايصه هديتك اهى عشان ماتقوليش عليا بخيل

بوسى ..: ميرثى ياميزوووووووو ربنا يخليك بجد بلوره جميله جداا

محمد..: هابى بيرز داى ياقمر وعقبال 22 سنه وانتى دايما بخير

بوسى ..: ثانكس ياميدووووووووو بجد ساعه تحفه ربنا يخليك بس اشمعنه 22

محمد..: رقم تى شيرت ابو تريكه عديها بقى ماتبقيش خنيقه

ياسمين..:(تشد بوسى من ايدها ) خدى يامزه هديتك اهى قلبت محمد فى فلوس وجيبتهالك:i

ميزو ومحمد مستنيين يعرفوا ايه الهديه بتاعه ياسمين

بوسى ..: ثانكس ياقمر وبتفتح الهديه لقتها (علبه بامبرز حجم وسط )



ميزو ومحمد وياسمين وكل الحفله ماتت من الضحك

بوسى ..: ههههههههههه ماشى ياياثمين ماشى هابقى احتفظ بيها لاولادى بقى

محمد..: (بيوشوش بوسى ).. دانا كت ناوى اجيبلك الويز من اللى بتيجى فـ الاعلانات دى بالاجنحه بقى وحركات بس معرفتش عشان ياسمين كانت معايا

بوسى ..: اه ياثااااااااااااااااااااافل هههههههههههههههههههههه

ياسمين ..: (سمعت ضحكت بوسى) مايصه مايصه يعنى

ميزو..: طب يلا ياجماعه ناكل التورته بقى ولا انتوا جايبينها للصور بس

بعد ماخلصوا اكل تورته بوسى وسلمى جم قعدوا مع محمد وميزو وياسمين

بوسى ..:ميرثى اوى انكم جيتوا كنت هزعل مووت لو كنتوا رفضتوا منورانا ياياثمين

ياسمين..: اثمالله عليكى وعلى لثان اهلك الـ معوج دا

سلمى ..: ههههههههههه والله ياسمين دى عسل بفرح جداا لما بشوفها ابقى هاتها معاك على طول يامحمد

محمد..: ماشى بس تلم لسانها دا اللى فاضحانا بيه

سلمى ..: دا احلى حاجه فيها كلامها وخفه دمها دى دا هى اللى محليه القاعده ومديالها طعم

ياسمين ..: اه مانا اصلى حاطه ع القاعدة معلقتين عسل ابيض وكيس دقيق وبيكن باودر ..

بوسى ..: ههههههههههههههههه وربنا عثثثثثثثثثثوله موووووووت

ياسمين..: دى بنات مايصه يابا بيحبوا اللى يهزقهم

ميزو..: ماتيجى يابوسى نرقص شويه دا عيد ميلادك انتى هتقعدى كدا زى دكر البط

بوسى ..: اوووووووكى يلا بينا تعالى معانا ياياسمين

قاموا يرقصوا التلاته وسلمى ومحمد قاعدين يرغوا فجأه جرس الباب رن

بوسى راحت تفتح

بوسى ..: اهلا ريم اهلا ميرنا اتأخرتوا ليه كدا

ريم..: والله ياحبيبتى واقفين فى الاشاره بقالنا ساعه لما اتخنقنا

بوسى..: المهم انكوا جيتوا بالثلامه ياقمرات اتفضلوا

ميرنا ..: هابى بيرز داى يابوسى اتفضلى يارب الهديه تعجبك

بوسى..: شور ياقمر هاتعجبنى كفايه انها منك

ريم..: هابى بيرز داى ياسكره وخدى هديتى انا كمان وعقبال مية سنه

بوسى..: ميرثــــــــــــى ياحبايبى اتفضلوا تعالوا ثلموا على ثلمى

بوسى واخده ريم وميرنا يسلموا على سلمى


ميرنا بصت لقتها قاعده مع محمد وبيضحكوا .. محمد بصلها وفـ حاله زهول ومش عارف ينطق ومحروج منها

ميرنا ..: (دمعت وسلمت على سلمى وقامت قايله لريم) انا هستناكى تحت

بوسى..: ايه دا على طول كدا راحه فين ياميرنا

محمد قام جرى نزل وراها

محمد..: (لحقها ومسك ايدها) ميرنا ثوانى هفهمك

ميرنا ..: لوسمحت سيب ايدى ومتنطقش اسمى على لسانك تانى

محمد..: يابنتى افهمى انا قاعد معاها عادى دى زى اختى

ميرنا ..: افهم ايه دانا لسه طالبه منك الصبح انك متكلمش بنات ووعدتنى وفـ نفس اليوم خلفت وعدك معايا

محمد..: يابنتى والله انا مكنتش عاوز اجى اصلا دا انا جاى عشان خاطر ياسمين اختى

ميرنا ..: ياسمين اختك قالتلك اقعد مع بنات واضحك وهزر وماتعملش اعتبار للانسانه اللى وعدتها انك تكون ليها هى بس

محمد..: واقسم بالله انا مكنتش عاوز اجى بس هى عزمتنا على عيد ميلادها وميزو دبسنى وخلانى اضطر اوافق اننا نحضر

ريم وميزو وياسمين نزلوا ورايحين يشوفوا محمد وميرنا

ميزو..: خير ياجماعه فى ايه؟

محمد..: قولتلك ياعم بلاش نيجى اديك وقعتنى فـ مشكله معاها

ياسمين..: ايه دا هى المزه قافشه

ميزو..: مش وقت هزار ياياسمين

ياسمين..: ياعم خليك انت فـ كوزك لما نبقى نعوزك انت اس البلاء اساسا

ميزو..: يابت لمى لسانك دا احسن وربنا اقطعهولك

ياسمين..:هش كدا وخد صاحبك الموكوس دا على اما اشوف المزتين مالهم

ميرنا..: مفيش حاجه ياياسمينه خير الحمدلله انا سمعت عنك كتير وكان نفسى اشوفك بس للاسف يوم ماشوفتك الظروف متسمحش انى اقعد اتكلم معاكى

ياسمين..: متسمحش ليه ياحبيبتى شايفانى واقفه قدامك بقميص النوم

ريم..: ههههههههه هههههههههههههههههههههههه جامده هههههههههههه

ياسمين..: اضحكى اوى يامايصه ام هند ياميرنا بجد محمد مظلوم وانا السبب هو مكنش عاوز ييجى فعلا عشانك بس انا فضلت اعيطله اعيطله وانتى عارفانى زنانه
وجه غصب عنه عشان مايزعلنيش وخصوصا انه اول مره يخرجنى

ريم..: خلاص بقى ياميرنا طب اقعدى معاه واسمعيه

ياسمين..: تسمع ايه ياحجه هى ماشيه مع محمد حماقى اتوكسى انتى خشى فـ كيس بلاستيك الجو ساقعه.. اديلوا فرصه تانيه بقى عشان خاطرى ياميرنا
ميرنا ..: معلش ياياسمين طب نتكلم فـ الموضوع دا وقت تانى عشان مقفوله الوقتى

ياسمين..: طب اما تفتحى ابقى رنيلى وانبى اسمك حلو احسن من ريم اللى بتمشى على وش الميه دى

محمد..: (ينده على اخته) ياسمين تعالى هنا انتى مالك انتى ومال الموضوع دا متدخليش خالص

ميزو ..: ماتسيبها ياعم دى شكلها هدت الجو وهتتصالحوا

محمد..: ياعم انت محبش ادخل اختى ف حاجه انت عبيت ان شالله عننا ماتصالحنا

ميرنا..: يكون احسن يلا ياريم

محمد..: يلا ياد يلا ياياسمين هابقى اصالحها بكره فـ الجامعه هى هابله وطيبه

ميزو ..: يلا ياعم قفلتنا اليوم نكد هروح انا انام واعدى عليك بكره الصبح

ياسمين..:جاى طبعاً عشان تفطر عندنا

ميزو ..: اساسى

محمد ..: سلام ياهندسه

ميزو ..: مع السلامه ياعسليه


ميزو روح ومحمد وياسمين فى طريقهم للبيت

ياسمين ...: ابيه محمد هو انت بتحب ميرنا دى

محمد ..: اه طبعاً

ياسمين ..: طب يعنى حاسس بأيه ايه اللى فارق فيها عن باقى البنات خلاك تحب دى ايه الحب دا يعنى

محمد ..: حسيت ناحيتها بارتياح لقيت فيها اللى انا كنت بحلم بيه فـ شريكة حياتى ولقيت اخلاقها كويسه ومثقفه وعقلها نضيف وقلبها ابيض ورقيقه
وبسم الله ماشاء الله عليها جميله وزى القمر يعنى كل الصفات دى حببتنى فيها

ياسمين ..: طب انت بتحبنى انا اكتر ولا هى؟

محمد ..: انتى طبعاً .. اقدر اعوض حبيبتى لكن مقدرش اعوض اختى ..

ياسمين ..: بجد اشته طب بتحبها ازاى وانا ازاى؟

محمد ..: مفيش مقارنه بين حبى لاختى وحبيبتى بس حبكم مختلف انتى بحبك عشان مسؤله منى من صغرك ومربيكى على ايدى وبخاف عليكى وهى بحبها عشان هتكمل معايا باقى حياتى ان شاء الله لو حصلنا نصيب وانتى هتلاقى واد مطأطأ بردوا ييجى يجوزك اما تكبرى ان شاء الله

ياسمين ..: طب انا بحبك ياابيه اوى

محمد ..: وانا كمان بموووت فيكى ياياسمينه

وقام شايلها على كتفه وطلع بيها السلم جرى وهى فرحانه وعماله تضحك
وصلوا عند باب الشقه رنت الجرس ومامتهم فتحتلهم

والده محمد ..: ايه ياخواتى الحلاوه دى

ياسمين ..: دى رشيدى الميزان ياماما:Laughin2:

محمد ..: فكرتينى بالبت منه وهى بتقول لاحمد حلمى (غشيت السؤال ياميمى ) وربنا ياست الحبايب انتى مخلفه بت زى العسسسسل

والده محمد ..: طب يلا ياحبايبى عشان تتعشوا قبل ماتناموا

محمد ..: يامساء الفل ياست الكل .. تسلم ايدك ياامى انا واكل تورته وجاتوه لما بطنى نفخت

ياسمين ..: نفخت ايه مانت كت طالع تجرى ع السلم زى الحصان وعاملى فيها فارس بلا جواد

والده محمد ..: ياختى ربنا يحميه لشبابه انتى بتقرى على اخوكى ياجزمه

ياسمين ..: ياختى شبابه حلو ياختى جماله حلو .. افضلى انتى ثبتى فيه كداهوت على قفايا انا

محمد ..: وتثبتنى ليه انا موضوع حصرى

ياسمين ..: ال يعنى ماما راشقه ع النت وفاهمه الكلام دا

محمد..: اه ياجزمه يعنى ماما ست الحبايب فهمها على قدها دانتى تستاهلى تضربى بقى

ياسمين ..: انت بتسخنها عليا

محمد..: واسخنها عليكى ليه انتى بوتاجاز ؟

ياسمين ..: كدا يامحمد ماما هتضربنى .. طب وربنا لانا كمان مسخنه عليك اللى بالى بالك

محمد..: اللى بالى بالك ايه انتى هاتعمليلى فيها محمد سعد ,, يلا يابت خشى نامى البيت دا مالوش كبير ولا ايه

والده محمد ..: (تشخط فيهم)يخرب بيتكوا انا صدعت منكوا اتخمدوا بقى


فـ ثانيه الا تلت محمد وياسمين كل واحد فيهم دخل اوضته نام

[alispicy]

:" شكرا موضوع جميل ":

[| - CreSpO - |]

خلاص هوا و ضميرو

هوا عشان منقول تقوم مرخم عليه

[Ali_Dayem]

والله الواد ميزو ده مشكلة

شكرا لك و دمت فى حفظ الله

[☜ ĂиTaKą ☞]

thx

[a7mad63]

hx :)

[mimoo]

اسف يا جماعة لو عملت شوية ازعاج انا عملت كدا بس عشان انا عامل نفس الى عملو و حصلتلى مشاكل هنا فى المنتدى

[ibrahemmohamed]

ما قدرتش أكمل
علشان مش واقعى.......
أسف

[iBorn2OwnU]

القصة دى روعة ولله

لو فى اجزاء تانية قولى بتجبها منين

[mimoo]

المشاركة الأصلية كتبت بواسطة Arrow_iN_My_HearT عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

القصة دى روعة ولله

لو فى اجزاء تانية قولى بتجبها منين

بتجبها من موقع اسمو بهدلة

اسف مش هينفع احط لينك عشان دة ممنوع

[كريم احمد]

هي القصه جامده بس انا زعلان منك عشان انت احرجت اللي كان عامل الموضوع ده من الاول و ما يصحش انك تحرجه ........تقبل مروري

[mimoo]

المشاركة الأصلية كتبت بواسطة كريم احمد عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هي القصه جامده بس انا زعلان منك عشان انت احرجت اللي كان عامل الموضوع ده من الاول و ما يصحش انك تحرجه ........تقبل مروري

انا عملت كدا عشان فى واحد فى المنتدى عمل معايا نفس الموضوع

[ForceD]

مشكـور جميلة قوى
:)

[mimoo]

المشاركة الأصلية كتبت بواسطة ibrahemmohamed عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ما قدرتش أكمل
علشان مش واقعى.......
أسف

ياعم اقعد على جمب
يعنى انتا قريت 5 اجزاء و جيت هنا و اتشليت

[mido8823]

تشكر يا غالى