..شفا ... وخمير ... و احيانا للحـمـيـر..

[HecT000R]

■ ايييييييييييه.. فين أيام الجاسوسية اللى على حق.. بقى بالذمة ده منظر جاسوس؟؟..



جبت الكلام لمعشر الجواسيس السينمائيين والتليفزيونيين.. إحنا على أيامنا كانت الجاسوسية رجولة مش هز كتاف.. يقوم بها جهابذة وولاد بلد مخلصين ثم تنقل إلى شاشات السينما والتليفزيون.



■ فالجاسوس على أيامنا كان شخص شديد الخطورة..




حاد الذكاء..



مفرط الجاذبية الجنسية والشخصية..



مناور ومحاور وحلنجى وكلمانجى ويلعب بالبيضة والحجر..



شديد الوطنية وواسع الثقافة وقمة فى التقل والمعننة..



فى الغالب شعره مسبسب وبقبة زى محمود عبدالعزيز فى (الهجان)..



أو جدع وعترة وصاحب صاحبه وفيه داخل ودانه جهاز تسجيل شغال على موجة صوت العرب وبيذيع نشيد بلادى بلادى عمال على بطال زى عادل إمام فى جمعة الشوّان..



أو نور الشريف فى الثعلب بصفتهم جواسيس وطنيين لعبوا على العدو لعب ذكاوة وعملوا نفسهم جواسيس كده وكده عشان مصر..



وياما قهروا جهاز الموساد اللى طالعينلنا بيه السما وهو ماحصّلش جهاز العروسة المحمل على عربية كارو.


■ حتى الاستثناءات كانت تتسم برضه بالذكاء واللؤم والمكر.. مثل هبة سليم التى لعبت دورها المرحومة مديحة كامل فى فيلم الصعود إلى الهاوية..



أو إبراهيم وانشراح اللذين لعبنا دوريهما، سعيد صالح و اسعاد يونس، فى مسلسل السقوط فى بئر سبع.



■ إنما عمرى ما شفت جاسوس مهزأ زى الجدع اللى اسمه إيلان ده..



الجميل فى الموضوع أن مثل هؤلاء العيال السيس يطلقون قذائف الإبداع لدى الشعب المصرى بطريقة أشك فى تكرارها أو وجود ما يماثلها لدى أى من شعوب العالم.

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

■ شوف نموذج من إبداع المصريين فى السخرية م الأخ.

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

■ وتنهد رأفت الهجان وهو يرى بروفايل الجاسوس على «الفيس بوك» قائلاً: المهنة لمت يا جدعان.




■ هو لو كان اتفرج على فيلم لا تراجع ولا استسلام كان اتعلم من الجاسوس الأصلى حزلقوم وكان زمانه دلوقتى وصل اليونان مش لسه قاعد فى بلطيم.




■ تقرر إحالة ملف الجاسوس إيلان للسيد المفتش كورومبو تقديرا لذكائه الخارق.



■ العثور على عدد 4 كروت شحن والموبايل الخاص بالجاسوس وبه خط اتصالات.. تفتكروا ده تمويه جواسيس ولا إيه؟؟؟؟



■ الموساد يصدر أوامر مشددة لجميع ظباطه بقفل الوول بتاعهم
وتشديد البرايفسى على الصور فى فيسبوكهم.



■ من الموساد إلى إيلان.. أيها الوغد.. أكيد إنت اللى أفشيت السر الخطير إن.. شهداء 25 يناير.. ماتوا فى أحداث يناير.



■ من الموساد الإسرائيلى إلى المخابرات المصرية.. خدوا إيلان ولّعوا فيه.. بس نرجوكم رجعولنا اللاب توب والكاميرا وكارت الميمورى.. إنتوا عارفين دول عُهدة وإحنا داخلين على تقفيل سنة مالية.. واللى حايروح فيها رئيس الموساد عشان أمر بصرفهم للغبى إيلان ونسى يعمل إذن صرف.




■ إيه الفرق بين الأسبوع والموس والصحراء والجاسوس الإسرائيلى؟.. الأسبوع فيه حد.. الموس فيه حدين.. الصحراء مالهاش حد.. الجاسوس مفيش حد مش حايضربه بالجزمة.



■ من المخابرات العامة المصرية إلى جهاز الموساد الإسرائيلى.. شكرا على تعاونكم معنا وحصولنا على جهاز إم.بى.ثرى وميمورى تمانية جيجا م اللوح بتاعكوا.





■ بعد وضع إيلان على جهاز كشف الكدب.. صرخ الجهاز.. دى إهانة ليا.. ده حمار.




■ حمادة هلال يغنى.. جاسوس 12 يونيو.. اتمسك فى 12 يونيو.



■ الجاسوس يكشف فى اعترافاته أنه بدأ رحلة جاسوسيته من الإسكندرية.. وعندما سئل: لماذا؟.. قال: عندهم فريسكا زيينا.



■ مفتاح القبض على الجاسوس.. كان مسيف على موبايله.. حزلقوم مهمة.



■ يا موساد الثورة حارقاكوا.. عشان ادتكوا على قفاكوا..



■ مش عنصرية والله.. بس فى المجال ده عمرهم ما كانوا أذكى مننا.. ده حتى فى الحالات النادرة للجواسيس المصريين الخونة الذين جندتهم إسرائيل.. كان جهاز مخابراتنا يتتبعهم منذ بداية التجنيد ويرصد كل حركة بمنتهى الصبر والحكمة حتى يحكم قبضته عليهم تماما.. ويتأكد من حصوله على كل التدابير والحيل والخدع الإسرائيلية المستحدثة.


:glasses3::glasses3::glasses3::glasses3:


■ طوال هذه الفترة والموساد فاهم إنه فتك قوى..
وإنه يملك كل المعلومات..
وإنه أنبه إخواته..

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

لحد ما اترزع تلاتين قفا على سهوة..
حين سمع أنباء العبور فى السادس من أكتوبر 73..
والتلاتين قفا خدهم كذا مرة..
لم يعرف من إبراهيم وانشراح..

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وطبعا، لم يعرف من رفعت الجمال..
والله أعلم كان فيه ملفات إيه تانى شغالة فى الوقت ده..
وكادوا يجنوا..

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

كل قياداتهم جالها تبول لا إرادى من هذه العملة..
وذلك بفضل حكمة أنور السادات وجهاز مخابراته..

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وزى كل مرة.. شربوا شفشق العرق سوس.. شفا وخمير.


■ يجندوا واحد من عندنا.. يشربوا عرقسوس.. واحد من عندهم.. برضه عرق سوس.. اتضح إنه فعلا شفا وخمير.. وأحيانا للحمير.

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

من ما راق لى

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

المصرى اليوم ... اسعاد يونس

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ف امان الله

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[H5]

موضوع جامد ههههههههههههه
استمر

[poiu]

موضوع جامد

[™~So_Bad~™]

موضوع رائع
تسلم

[gahanabobo]

موضوع رائع
تسلم

[Volumer]

موضوع ممتاز

[ALEX_MOON]

مش جديد عليك الابداع و خفة الدم ياض ^^

[golden_spear]

شكرا حلو جدا

[☜ ĂиTaKą ☞]

لا .. الامتحانات عامله شغلها معاك الله ينور

[2010zoro]

جامد استمر

[!_ToGoO_MorY_!]

ونسيت تقول فينك يا ذئب ويا 1001

وياترى لو ادهم صبرى زى ما قال نبيل فاروق حقيقى بس بأسم تانى

كانوا بقى كام كف على قافاهم غير ال 30 كف دول ؟

الله عليكى يا مصر ويا مخبارتها الله عليك يا زمان

تسلم ياض يا هيكتور والله جميل اوى الموضوع ده واحلى خمس نجوم منى وتشعليقه لمدة يومين

[mizo82]

موضوع رائع
تسلم

[D3MoN]

المصرى زكى من يومة و تحية لالسادات و ربنا يحرقك يا مبارك يا جاسوس اسرائيل بس بردو كشفناك

[Wait]

موضوع شديد عضل

[rrokyman]

يالهوى
عملته فى قد ايه ده
تسلم يابو نسمه