ما هو الجاب ? .. ما هو الفارم ? .. والفرق بينهم ..

[Remover]

أهلا بكل أعضاء وزوار منتدانا المنتدي الجميل silkroad4arab

بسبب الاسئلة الكتير جدا عن الجاب والفارم اللي تقريبا أي حد جديد بيدخل اللعبه بيسألها واحنا يمكن جاوبناها قبل كده أكتر من 100 مرة لاكتر من عضو قولت أعمل الموضوع ده عشان محدش يحتاج يسأل في الموضوع ده تاني

أولا لازم نعرف الفرق بين حاجتين
اللفل بتاع الشخصية اللي بنلعب بيها والميستري لفل بتاع نفس الشخصية
زي مانا موضح في الصورة معلم علي حاجتين


[IMG]عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ][/IMG]


1- ده اللفل بتاع الشخصية بتاعتنا
2- ده الميستري لفل الخاص بالشخصية بتاعتنا

دلوقتي نيجي بقي للسؤال المطروح
..............

ما هو الجاب ؟

الجاب هو أنك تخلي فيه فرق بين اللفل والميستري لفل بتاع الكركتر بتاعتك
يعني لو افترضنا ان الميستري لفل 5 واللفل بتاع الشخصية 9 يبقي كده الكركتر جاب 4
لو الميستري لفل 5 واللفل بتاع الكركتر 10 يبقي كده الكركتر جاب 5
لو الميستري لفل بتاع الكركتر 5 واللفل بتاع 11 يبقي انت جاب 6

ما هي فوائد الجاب وما هي عيوبة ؟

فائدة الجاب أنو بيخيك تلم سكل بوينت كتير ( سكل بوينت اللي هيا نقاط المهارة )
أما عيوبة انه بيخلي الاكسبرينس اللي بتاخدها تقل عن الطبيعي ( الاكسبرينس اللي هيا نقاط الخبرة ) وبالتالي هتقعد كتير نسبيا علي ما تعدي اللفل
وكل اما الجاب يكبر كل اما تاخد سكل بوينت أكتر والاكسبرينس اللي بتاخدها تقل

أيه هوا أكبر وأقل جاب ممكن أعملو ؟

أكبر جاب هو جاب 9
وأقل جاب هو جاب 1

بكده تكون كل حاجه تخص الجاب أتشرحت
ندخل بقي في الموضوع التاني


ما هوا الفارم ؟

الفارم هو أنك تخلي الميستري لفل بتاعك 0
وتفضل تعلي في اللفل لحد ما توصل لفل 27 مثلا
وبعد كده تنزل نفسك تاني لحد لفل 23
وبعدين تعلي تاني لحد لفل 27
كل ده وانت الميستري لفل 0

طيب ليه الناس بتعمل كده ( مميزات وعيوب الفارم ) ؟


الناس بتعمل كده عشان تلم الاسكل بوينت اللي محتاجها ومتحتجش أنها تعمل جاب عشان زي ما قولنا فوق الجاب بيخليك تبقي بطئ نسبيا في اللفل أب
بس للأسف في عيب واحد للفارم وهو انو هياخد منك وقت جامد + أن لو مش عندك حد تعرفو أعلي منك في اللفل يساعدك فيه هيبقي شبه مستحيل



وقبل ما أختم أحب أعرفكم أن موقع rev6 الخاص باللعبه عاملنا حاجتين جماد جدا

الاولي : حساب الاسكل بوينت اللي هتحتاجها الكركتر منك لحد ما توصل للفل معين ..

التانية : حساب الاسكل بوينت اللي هتاخدو اما تعمل جاب معين ..



وبكده أكون شرحت كل ما يخص الفارم والجاب والمقصود باللفل والميستري لفل
أرجو اني أكون قدرت أوصل المعلومة

فــــي حـــفــــظ اللــــــه



تحياتي

[BlackWizard]

تسلم يا غالى على التوضيح وعلى الشرح اللى هيفهم ناس كتير الفرق بينهم

[Remover]

المشاركة الأصلية كتبت بواسطة BlackWizard عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تسلم يا غالى على التوضيح وعلى الشرح اللى هيفهم ناس كتير الفرق بينهم

ماشي يا حوبي

[TEST10]

تسلم ايدك يا معلم

[Eat_My_Hit]

تسلم ايدك يا معلم انا عارف الفرق بس الشرح وافى وجميل

تقبل مرورى

[™~Mody~™]

تسلم على الشغل العالى دا

بالتوفيق

[MịηaTσ]

مشكووووووور ع مجهودك
انما معظم الناس اكيد عارفه و مشكووووور

[BonBony]

تمـــــآآآم اوى يــاض ، تســـلم احــلى ســـلام

[Nowayrun]

ماشى كل شوية موضوع انتا واحنا مش لاقين ^_^

شكراااااا

[Abdo Yuri]

اشطة علييك الموضوع الصح فية الوقت الصصح :dizzy::dizzy:

[prince1a1a]

thx alot

[WheelMan]

الف شكر لك على الموضوع الجميل :)

[KiToOoOo]

هو ده الكلام اظن محدش ليه حجه بعد كده :ermm: الف شكر

[SoLiTaiRe]

Thanks..

[™FrezeUrBlooD™]

thanks