استطلاع رأى فى نجوم الساحة الان "ارجو من الجميع الدخول "

[! FiRe !]

الموضوع ده انا عامله يا جماعة عشان نناقش امور النجوم اللى على الساحة و نقول رأينا فيهم كمان ، وانا هابتدى ببعض النجوم واقول رأيى فيهم ، وياريت انتوا كمان تردوا وتقولوا رأيكم :

تامر حسنى : مغنى كويس بس مقدرش اقول عليه مطرب ،والشباب بيحبوه موت عشان قريب منهم ، وفى مرة جه شارعنا وطلع على عربية عمى وقعد يغنى ، راح عمى دالق عليهم كلهم ميه من الخرطوم " اصل عمى ميعرفوش ^^"

هيفاء وهبى : واحده مش عارف عايشة ليه ، بعد الكلام اللى فضحوها بيه على كل الشاشات ، وكمان صوتها مش حلو ، دى واحده بتغنى بجسمها ، وكمان مش جميله ، يعنى الواحد يسمعها ولا يشوفها ليه ، لا صوت ولا شكل ، اعوذ بالله

حسام حبيب : الله عليه ، صوت واخلاق ، مفيش مره شفته فى كليب كده ولا كده من بتوع اليومين دول طالع مع مزه ولا جثة ، بصراحة ربنا يحميه.

فرقة واما : شباب زى الورد ربنا يحميهم ، كلهم ذوق واخلاق واحترام ، ومابيجاملوش حد ابداَ

محمد صبحى : فنان ولا كل الفنانين ، الفن عنده عملية اخلاقيه بحته .

عادل امام : صحيح افلامه فيها حته نسائية ، بس دمه زى العسل ، من الاخر ، "الزعيم"

ملاحظة: دى ارائى انا فى النجوم دول ، و ارجو انكم تكتبوا رأيكم فيهم

شكراَ على وقتكم