#@ّشخصيتك من سيجارتك@#ّ

[SoCooL]

اهلا اعضاء س 4 ا

ايوه بتكلم جد شخصيتك من نوع سيجارتك

بتتكلم جد @$&!**& !!!؟

طب تعالي افهمك بس!

تشرب ايه الاول؟

طب خد سيجاره.

[لا مبغيرش]


و نطلع من المصطلح ده بالخلاصه يعني الفخفخينا,

نبدا من الاغلي للارخص احنا كده بنحسب بالسحتوت!(هنكتب الانواع الشائعه فى الشارع المصري)

المورلبورو :
احمر : و ده للبيسنس مان يعني على المكتب و شايلها على قلبه هيا و الموبيل فيده فى كل مكان, او للضريبه لزوم الرول هه معايا انتم.

ابيض :حريمي و سعات الصدره اتحرق من الاحمر بيشربها و سعات للشباب اللـ عندهم المصلحه سايبه شويه..
--------

الميريت بأنواعها : فشخره علي الفاضي, انا معاكم في ناس بتشربها متعوده عليها بس ده قله مندسه , لزوم الشورت الهاواي و كتايه و الكاب على كافيه على البحر الساعه 4 الفجر.
---------

الدنهيل: نوع شبه معدوم عشان نازل في الوقت الضايع, بس سيجاره محترمه.
---------

الروزمانز: سيجارتي, يعني بحبها حاميه و سالكه, بس سعات فيها خشب, بس خشب ابن ناس ميجيش حاجه جمب امبترا, هنتكلم عليها بعدين.
--------
أل أم:

ازرق : يمسكها شاب روش, من بتوع الجامعه, اهي نظيفه و مش غاليه

احمر: دي برضك للضريبه و سعات الحريم المسترجله!

ابيض : سيجاره خفيفه علي اصدر و الجيب, ارخص منهم و سعات نفس السعر, حلوه فى رائ الشخصي
---------

النيكست:

الازرق : مختفيه من جيوب الناس اليومين دول معرفش ليه بس كان ليها ايام معايا فى اعدادي

الابيض : اللايت عامله زي أل أم الابيض فى الصفات, و ممكن تحط فيها أم بترا لو من النوع البيعزم كتير, عشان النيكست فيلترها ابيض يا ناصح
----------

معلش الصيني لسه جديد فا لازم نراضيه بكلمتين

الصيني بأنواعه: للناس المحرومه, يشرب سيجاره زباله بس يمشي بعلبه شكلها فخم, حتي دي ضحكو علينا فيها!!

و اخر محطه

ام بترا:

البوكس : اقل خشب فيهم, تحس انك بتعفر(مع ان مفيش دخان بيطلع) بس تحس بينها و بين اللي بيشربها في عِشره, كتبهالك بالكسر اهه يابو نيه جنان ^^

الصفرا : سيجاره الحبسجيه و دي شرحها يطول و الهيدخل موضوع زي ده هايبقي عارف هما مين

الســـــــــــــــــــــوبر : سيجاره الفراعنه تلاقي جدك بيشرب فــي سيجاره من اول منتا اتولدت, تحس انه

بيتخانق مع السيجاره عشان تخلص, سعات بيعد يتكلم معاها متعرفش يقي!!

و كده اكون قلت اللي عندي و مفيش خاتمه الواحد صدره قفل :dry:

-----
بقلمي,
Sp33ds