شـريـط الاهـداءات |
|
|
||||||
| القـسـم الإسـلامـى الـعـام [ قسم يهتم ببناء القيم والفضيلة بمجتمعنا الاسلامي بين الشباب المسلم يهتم بثقافتنا الإسلامية فقط ] [ نرجوا عدم التطرق للأمور التي تضر الدين وعدم الافتاء بشي غير موثوق وعدم المساس بأى دين أخر ] |
 |
|
|
أدوات الموضوع | انواع عرض الموضوع |
30-04-2012, 06:10 PM
|
#1 | ||||||||||
  
|
 الحمــد لله والصلاة والسلام على رسول الله ثم أمـــا بعـــــــــــد ،، في حياتنا وفى طول سكتنا في الطريق .. دايما قدرنا نتواجد في أكثر من مكان يعنى بنتواجد مثلا في مسجد .. بيت .. مدرسـة ..جامعة ... محل .. وهكذا وسبحان الله كل مكان من هذه الأمــاكن بيكون فيه سبب معين ذهبنا لأجـــله فيه ناس بتروح أمــاكن وهى في حالة جيدة وسعيــدة انها رايحة ... يعنى موافقين على المكان اوى ... ( زى ما بنذهب إلى المســـاجد ) وفيه ناس بتكون رايحة وهى في قمة الضيق وعدم رضا عن ذهابها المكان ده يعنى غصب.... ( زى ما حد يدخل كلية غصب عنه )  ولكن الحــاجتين اللى متفقين عليها : ان كل واحد رااااايح المكـــــــــــان بهدف معين ... 1 وكمااااااااان عارف كويس جداااااا أنه هيترك المكان ده في وقت معين ...2 تمــــام ؟ طيب فيه أمــاكن بنجلس فيها وقت طويل قد يصل لأكثر من 5 سنوات أو أكتــــــــــــــــر بكتير وأمــاكن مش بنجلس فيها أكثر من 5 دقايق بس ( مثلا روحت تشترى حاجة من محل في مكان غريب مثلا ) طيب وفى مدة الأقـــــــامة ( حتى لو ال 5 دقايق دى ) ياترى فكرت كويس تزود الهدف من ذهابك للمكان ؟؟ يعنى تكون رايح عشان ( زى ما بنقول تضرب عصفورين بحجر ده مش لغز والله تعالوا نفهم :) دلوقتى رايح تشترى حاجة من محل ... الهدف الأساسى هنا ( الشراء ) طيب ممكن تشترى الحاجة دى وأنت مشغول وعايز تمشى ومش تركز في طريقة معاملتك للبائع .. مش شرط انك تعامله وحش بس اهوه بتشترى وخلاص وممكن تكون زهقان من نفسك عشان كلنا عندنا ضغوط يعنى وكده فأنت مش مركز معاه خااالص بس سبحان الله ال 5 دقايق قد تكسب بيهم ثواب كبير بحبة تركيز و+ نيـــة يعنى ربما تبتسم في وجه البائع .. وتقوله : جزاك الله خيرا .. أو تشكره انه أعطاك الحاجة .. أو لقيت حاجة غلط عنده تنصحه نصيحه وتمشى :) أكيــد فيه فرق طبعــــــــــــــــا .. والله رغم انه ممكن حد يعتقد شىء بسيط لكن بيترك أثــــرًا .. وده اللى بتكلم عنه الأثــــــــــــر .. :) ياترى احنا بنحاول نترك أثرًا ولاعادى مش بتفرق ؟!! قس على ذلك وجودك في أى مكـــان بقى مش مجرد محل وبس انما احنا ليل نهار جوه أمــأكن كتير حتى منزلك .. بيتك ده أكتر مكان بتقعد فيه .. ياترى سيبت أثر ؟ هو أنا ممكن اسيب اثر ازاى ؟ .. واعرف منين انا مؤثر ولا لا ؟؟ وليه يعنى أسيب أثر ؟؟ ويعنى اصلا بقى كلمة أثر دى !! تعالوا نجاوب على كل ده بهــدوء الأثر ده فيه نوعين : أثر سىء .. وأثر حسن وأنا بتكلم على الأثر الحســـن طبعا :) الأثر الحسن ده أولا هو : كل شىء ممكن تعمله وتأخذ عليه ثواب .. أو تعمل شىء يحرك ولو حاجة بسيطه في نفس اللى قدامك الأثر يعنى اللى هسيبه وأمشى ولكن هو هيكون موجود بعد ما أمشى الأثر هو الحاجة اللى هتخلينى أعيش اكثر من حياة يعنى الأثر هو اللى هيكون بديلا عنى لما أرحل من الدنيا يعنى الأثر هو العمل الممتـــــــــــد ... يعنى حسنات جارية ان شاء الله يعنى أخلد لذكرى بعد مماتى .. يعنى معنى كده ناس تدعيلك .. في وقت تكون في حاجة لحسنة واحدة :( وفيه بيبتين بيلخصوا كل ده : دقات قلــب المــرء قائــلة لـه .. إن الحيــــاة دقائـــق وثـــواني فارفع لنفسك بعد موتك ذكرهـا .. فــالذكـــر للإنسان عمــر ثاني طيب السؤال التانى : ليه أترك أثر ؟ لان زى ما قولنا قد أكون في حاجة لحسنة واحدة انجو بها ولان الاثريعتبر عمر تانى ليا بس الاحلى انه هيكون عمر بدون سيئات كمان :) لان انت بتترك حاجة نافعة ومفيدة .. لان زى ما قولنا احنا نتحدث عن الأثر الحسن الحاجة دى هينتفع بيها غيرك بعد ما تموت ... او ممكن متكونش هتنفعه بس كفاية انه لما يفتكر اللى كنت بتعمله يدعيلك والمفروض تترك أثر عشان المؤمن لما بيحل في مكان لازم يسيبه أفضل من ما كـــان وأنت ممكن تسيب المكان افضل بكلمة طيبة او نصيحه أودعوة لغيرك في الخير وتذكر قول النبى صلى الله عليه وسلم : ((إذا مات ابن آدم انقطع عمله إلا من ثلاث : صدقة جارية ، وعلم ينتفع به ، وولد صالح يدعو له )) الراوي: - المحدث: ابن تيمية - المصدر: مجموع الفتاوى - الصفحة أو الرقم: 1/191 خلاصة حكم المحدث: صحيح طيب نيجى للمهم ... أترك أزاى أثر في النــاس ؟ انا معنديش قدرات , ولا مؤهلات , ولا بعرف اتعامل معاهم ؟ هقولك : مش مهم كل ده اوى يعنى المهم انك تنوى وتدعى تنوى : انك تصلح في كل مكان على قد ما تقدر تدعى : ربنا يقويك وتستعين به ليل نهــار على قد ما تقدر يعنى زى ما قولنا اقلها تبتسم في وجه اللى قدامك او تقوله كلمة كويســة أو انك ما تسكتش على الخطـــأ أو تنصحه أو لو شوفت حاجة فيها خير تدعى الناس ليها أو لو عندك علم تعلم اللى قدامك لازم الاثر بأى شكل كـــان هو لما حد بيموت الناس بتقول ايه ؟ بتعدد مآآثره ومناقبه ( محاسنــه يعنى ) بتقول ده كان بيعمل ويعمل و... :( فبالتلى يدعوله ... صح ؟ وومكن ما يكونش بيعمل حاجة بس يدعوله برضوو ماشى بس مين ذكراااه بتبقى أبقى ؟ مين الدعاء بيكون اكتر حاول لما تكون موجود في مكــان تغيره ومن فيه للافضل :) علم طفل أخلاق النبى .. اقرأ له حكاية جميلة .. اسأله دايما عن الصلاة من وهو صغير شوف أخواتك وقرايبك اهتم بيهم وحاول وحاول بجد تأثر فيهم متسبش حد بيعمل حاجة غلط وتكبر دماغك :( حاول تصلح فيه اخلاقه ومعاملاته حتى واحنا على النت .. ماهو مكــان برضو بلاش تكون مستفيد وبس .. لازم تفيد وتسيب أثر :) حاول تتعلم الكتابة او تنقل مواضيع مفيدة .. او انقل مواعيد دروس ومحاضرات او اى حاجة فيها خير شغل دماغك دايما وفكر وفكر وفكر ... كلما تفكر اكثر هتتوصل لطرق رائعة تكون مؤثر بيهــــــــا تعالى كده نفترض انك مت الآن ايه الصفات اللى ممكن يوصفك بها الناس دلوقتى ؟ تأمل مشوار حياتك كام واحد علّمته من الخير ؟ كام تائهاً إلى طريق الخير هديته ؟ كام كلمةً طيبة غرستها ؟ كام حديثاً عن النبي صلى الله عليه وسلم بلّغته ؟ كم مرةٍ بين متخاصمين أصلحت ؟ مش احنا عارفين الأيـــة دى : يقول الله عز وجل على لسان إبراهيم عليه السلام :- {رَبِّ هَبْ لِي حُكْماً وَأَلْحِقْنِي بِالصَّالِحِينَ * وَاجْعَل لِّي لِسَانَ صِدْقٍ فِي الآخِرِينَ} الشعراء83-84 يقول الطبري في تفسيرها : "واجعل لـي فـي الناس ذكراً جميلاً، وثناءً حسناً، بـاقـياً فـيـمن يجيء من القرون بعدي". والأيــة دى كمان : وقال تعالى: {إِنَّا نَحْنُ نُحْيِي الْمَوْتَى وَنَكْتُبُ مَاَ قَدَّمُواْ وَآثَارَهُمْ وَكُلَّ شيْءٍ أَحْصَيْنَاهُ فِي إِمَامٍ مُّبِينٍ }. معناهــــــا : نَكْتُبُ مَاَ قَدَّمُواْ أي في حياتهم وَآثَارَهُمْ أي ما تركوه بعد وفاتهم. طيب انتوا اكيد كلكم عارفين ان الرسول علمنا اننا نترك أثرا حتى في لحظات رحيل الدنيا كلها تخيلوا !! قال صلى الله عليه وسلم :- (إذا قامت الساعة وفي يد أحدكم فسيلة فاستطاع ألا تقوم حتى يغرسها فليغرسها).(السلسلة الصحيحة:9) أنت بداخلك عملاق ضخم يحن إلى أن تطلقه من أسره الطويل وتعلمه فنون الأثر.. أنت قادر على أن تصنع معجزات وتمضي على الأثر, لتصنع أثرا كما مضى الصحب الكرام ومن تبعهم.. فقط أيقظ ذلك العملاق وانطلق ولا تصغ السمع إلا لصوت الأمل وفنون الأثر.. وليكن شعارنا : [ مؤمنٌ كالغيث أينما حللت .. نفعت ] قد مات قومٌ وما ماتت مكارمهم .. وعاش قومٌ وهم في الناس أمواتُ .. ! من الأخر كده محتاجين ثورة للإيجــــابية .. بس تكون ثورة ايجابية ناجحـــة المرة دى :) |
||||||||||
|
| إعلانات google |
|
|
|
05-05-2012, 03:03 PM
|
#2 | ||||||||||
|
up
|
||||||||||
|
|
|
06-05-2012, 06:49 PM
|
#3 | ||||||||||||
  
|
مشكور يا كبير و جزاك الله كل خير
|
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
