تعالي هنا اكتب امنيتك ^_^

[YError]

السلام عليكم ورحمة الله وبركاته

اعضاء المنتدي الكرام

طبعا احنا هنا زي الاخوات وبنقضي الوقت في المنتدي عشان نستفيد ونتناقش وضحك شويه وممكن عشان لو حد عنده حاجه شاغله باله ومش لاقي حد يتكلم معاه ويتناقشوا فيها يكتبها هنا ويتناقش معانا ومع اعضاء المنتدي :)

وهي دي فكرة الموضوع ^_^ نبدا علي بركة الله :

طبعا كل واحد فينا جواه حلم وامنيه نفسه يحققها سواء لما يكبر او دلوقتي واكيد كتير مننا فيه حاجات شاغله باله عن مستقبله او عن حلمه اللي هوا عايز يحققه ومش عارف يعمل فيها ايه

فا انا عملت الموضوع ده علشان كل واحد يكتب حلمه وامنيته اللي نفسه يحققها ولو فيه اي حاجه مش عارف هيعملها ازاي هيبدا بايه نتناقش معاه فيه وممكن فعلا واحد ياخد بالنصيحه ويستفيد واهو بالمره نتجمع ونتكلم مع بعض شويه ونتعرف اكتر

وبالنسبه للناس الكبار اللي خلاص يعتبر حققوا امنيتهم مفيش مانع يقولو هيا ديه امنيتهم ولا كان نفسه في حاجه تانيه بس محصلتش ولو حقق امنيته فعلا يقولنا حققها ازاي وايه هيا الصعاب اللي واجها وايه الغلطات اللي عملها
واكيد في ناس كتير هتستفيد بس كده :)

ابدا انا :
الحكايه من زمان ان انا كنت فاكر ان الحياه سهله وان اي حاجه هتمناها هعملها بس لما كبرت شويه وبدات افهم الحياه شويه نظرت للمجتمع المصري بالذات لقيت ان 3/4 الشعب المصري بالذات مش بيحقق امنيته

المهم انا كان نفسي اطلع مهندس ولما دخلت ثانوي لقيت نفسي مبقتش زي الاول وحسيت ان حلمي بيضيع لغاية

اما مضيت استمارة الرغبات ادبي! وبكده حلمي ضاع هتقول طب ما انت اللي مضيت ادبي هقولك لقيت ان انا مش

همشي في العلمي ومش عارف اعمل ايه فدخلت الادبي وبرضوا مش عارف انا عايز اطلع ايه لدرجة ان انا في تانيه ثانوي اهو ومش عارف انا عايز ايه يعني الوقت بيمر وانا تفكيري وقف وكان متعلق بالهندسه ولما محققتهاش مبقتش بفكررررررررر

تانيه امنيه: طبعا انا بتكلم علي الاماني بتاعت الدنيا ميجيش واحد يقولي امنيتي اخش الجنه عشان كلنا اكيد نفسنا نخش الجنه المهم تاني امنيه اني لما اكبر اتجوز واحده من مصر تكون موزه وجسمها كرباج ^_^:evily: واعيش هنا في القاهره والاقي الشغلانه اللي تناسبني بس كده :)

وانتوا كده عرفتوا مشكلتي نبدا بقي نتكلم معا بعض في اطار ادبي وثقافي في مشكلة كل واحد وناخد الموضوع بجديه وسيبك بقي من النت والفيس وفكر بجد في مستقبلك


وياريت يا جدعان اللي مش عاجباه الفكره ومش حابب يشترك ميدخلش يبوظ الموضوع عشان انا عامل الموضوع للجد

وياريت برضه نحترم قوانين المنتدي للاخوه اللي هيتكلموا

والسلام ختام واسف علي عدم التنسيق والالطاله

[MịηaTσ]

أمنيتى باختصار

أخلص السنتين اللى فاضليين فى الكلية

و ما أدخلش الجيش عشان هضيع 3 سنين لو دخلته

و أشتغل فى شركة أدوية محترمو

[YError]

المشاركة الأصلية كتبت بواسطة ™_mostafa_™ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

أمنيتى باختصار

أخلص السنتين اللى فاضليين فى الكلية

و ما أدخلش الجيش عشان هضيع 3 سنين لو دخلته

و أشتغل فى شركة أدوية محترمو

طب فين المشكله ؟

لو معندكش مشكله عادي بس انا بقولك عشان لو عندك نتناقش

تسلم لردك

[hamada321]

مشكلتى بقى كان نفسى ابقى طيار بس للااسف طار الحلم ولم يبقى غير عقلى الذى كان يعيش الحلم ويبقى لى الواقع هل ابقى انا فى هذا الحلم بعد لم يتحقق.......... قولت لا. فكرت ابدا من جديد وا اشوف اكتر حاجه كانت مبدع فيها وا هى الهندسه والتكنولوجيه وا كل حاجه علميه وا بدائت اى ان جاتنى فكره وا هى مشروع علمى رهب ولم تسمح لى الظروف ان اكمل مشروع لانى دخلت الكليه وحدث لى احباط شديد بسبب وفاه والدى لكنى اليوم بعد 4 سنوات ابدا من جديد ولا يوجد دعم لى او احد يدعم افكارى قرارت اخير بعد توصلى لى اخر نجاح لى فى مشروعى ان اتوقف حتى انتهى من السنتين الباقين لى فى الكليه وا يارب يوفقنى وا يوفق الجميع

[Metro]

نفسي ارجع صغير تاني او حتي ايام الاعدادي لأن الواحد حاسس انة كبر

او اكون ممثل مشهور في هوليود بس من غير مشاهد ابيحة في الافلام

[♥ T๑ty♥]

نفسى اطير

نفسى قاعدى الثانوى بـــمجموع كبير

وده هيفتح الابواب المغلقة

[Step_By_Step]

نفسي حبيبتي تكون من نصيبي واهلها يغيرو فكرتهم عني و يوافقو عليا و يبقي عندي اكبر شركة صيانة كومبيوتر في مصر واقدر ابسط حبيبتي ومندمهاش علي حبها ليا

[YError]

المشاركة الأصلية كتبت بواسطة hamada321 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

مشكلتى بقى كان نفسى ابقى طيار بس للااسف طار الحلم ولم يبقى غير عقلى الذى كان يعيش الحلم ويبقى لى الواقع هل ابقى انا فى هذا الحلم بعد لم يتحقق.......... قولت لا. فكرت ابدا من جديد وا اشوف اكتر حاجه كانت مبدع فيها وا هى الهندسه والتكنولوجيه وا كل حاجه علميه وا بدائت اى ان جاتنى فكره وا هى مشروع علمى رهب ولم تسمح لى الظروف ان اكمل مشروع لانى دخلت الكليه وحدث لى احباط شديد بسبب وفاه والدى لكنى اليوم بعد 4 سنوات ابدا من جديد ولا يوجد دعم لى او احد يدعم افكارى قرارت اخير بعد توصلى لى اخر نجاح لى فى مشروعى ان اتوقف حتى انتهى من السنتين الباقين لى فى الكليه وا يارب يوفقنى وا يوفق الجميع

بنصحك انك تخلص الكليه اللي انت فيها وتبدا فعلا في المشروع وتنسي كل اللي فات وممكن لو تشوف الدكاتره اللي

في الكليه بتاعتك او حتي في اي جامعه تاني يكونوا متخصصين وان شاء الله يساعدوك في الموضوع وممكن لو الكتور

لقي ان المشروع فعلا جميل وانت جاد فيه يشوف اي حد يعرفه او جمعيات تدعمك وتنجح بفضل الله وتحقق حلمك

[RLOxyGeN]

نفسي ربنا يرضي عني

ادخل كليه هندسه-تكنلوجيا و معلومات

اجيب مجموع في اعدادي و ثانوي

لما اتخرج افتح اكبر شركه تكنولوجيا في العالم

و الاقي بنت الحلال ^^

[YError]

المشاركة الأصلية كتبت بواسطة step_by_step عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

نفسي حبيبتي تكون من نصيبي واهلها يغيرو فكرتهم عني و يوافقو عليا و يبقي عندي اكبر شركة صيانة كومبيوتر في مصر واقدر ابسط حبيبتي ومندمهاش علي حبها ليا

طب شوف هما واخدين عنك فكره ليه كده وحاول تجرب تغير للاحسن وطالما الموضوع معروف يا برنس واهلها عارفين انك بتحبها وتكلمها يبقي اتحلت باذن الله اقولك ازاي :

كل فتره كده ابقي كلم ابوها وامها واسال عليهم وتحاول تحسسهم انك فعلا جاد وبتحبها مش بتلعب بيها وفكر وشوف هما عايزينك تتغير من ناحية ايه مثلا وحاول تبقي للاحسن

وحوار الشركه ده سهلللللللللللل اوي يعني هما اللي فاتحين شركات احسن منك في ايه؟؟

فكر كده وجاوب علي نفسك

وانا هساعدك اهو: لازم تبقي قريب من ربنا وتدعي بتحقيق امنيتك وتحسس نفسك انك فعلا ممكن تقدر تبقي حاجه
ثانيا لازم تكون فاهم في الشغلانه وتتعلم روح اشتغل في محل يا عم بتاع تصليح اجهزه علي كام كتاب وبحث تقراهم من هنا هتبقي حلو شويه تروح تاخد قرص مثلا تعليمي يعلمك شوية كده لوز برضوا

ويا سلام بقي لو انت اساسا في كليه متخصصه تبقي عنب

بعد كده تبدا تشتغل في شركة صيانه بالشهاده بتاعت القرص والخبره اللي عندك وتتعلم بردوا من الشركه شويه وربنا هيفتحها عليك وتبقي بتصلح اجهزه لناس في البيت بعد كده محل وكده يعني

هتقولي يا سلام بالساهل كده

هقولك ايون باذن الله وبفضله بس بشرط تكون جاد في الموضوع مع نفسك وتكون جاد في علاقتك مع ربنا لحاد اخر يوم في حياتك لان اللي هيديك النعمه ديه ممكن ياخدها منك

وربنا يوفقك ويوفقنا ويوفق الجميع

[™_ EthereaL_™]

انا امنيتي ان ربنا يوفقني في حياتي
end
*ملحوظه: نفسي اشتري بغبغان زنجبارى
xd

[mohamed_1722]

بجد موضوع جميل وانا هتشجع واقول كلام عمر مل قولته لحد ولا حتى اهلى

بس اعذرنى عشان ردى هيبقى طويل شويه

انا اتولدت وحيد مليش اخوات وعائلتى كانت حالتها الماديه كويسه مش مليونير بس احسن من معظم اصحابى ( من الناحيه الماديه بس )

كنت طول عمرى طالب مستواى التعليمى ممتاز لحد سنه تانيه اعدادى فى السنه دى اعز صديق ليا بدا يشرب سجاير طبعا زعلت منه واتخانقت معاه فتره وبعد كده قولت اجرب ممكن تكون كويسه وفعلا شربت سجاير

بعدها بكام شهر لقيته بيشرب سجاره شكلها غريب سالته قالى حشيش يومها ضربته لاول مره فى حياتى مع انى من النوع الجبان اللى عمرى ما بعمل مشكله مع حد بس كنت خايف عليه قوى

بعدها شربت معاه بس كان فى واحد هو اللى بيدينا الحشيش ببلاش عشان كنت بصلحله الكمبيوتر تقريبا كل اسبوع مره ( كنت عبقرى كمبيوتر وانا صغير )

بعدها الاخ ده سافر الغردقه واضطرينا نشترى لنفسنا الحمد لله كان بيبقى معايا فلوس كتير بالنسبه لواحد فى سنى فكنت انا اللى بشترى وبشرب صاحبى عشان كنا فاكرين ان الحشيش ده حاجه حلوه وان كده بقينا رجاله

عدى كام شهر وبقيت بشرب السجاير فى الشارع مش بستخبى زى زمان وكام شهر كمان ومعظم اصحابى واهلهم عرفوا انى بشرب مخدرات لحد ما اتصدمت صدمه حياتى لما لقيت اعز اصحابى اللى عرفنى على المخدرات مش عايز يكلمنى عشان اهله بيضربوه ويقولوه يبعد عنى

ساعتها بدات افوق وقولت خلاص هبطل المخدرات مش عشان نفسى بس عشان علاقتى مع اصحابى ترجع زى الاول

وقعدت سنه ونص لحد ما قدرت اغير فكره الناس عنى ( كانت فكرتهم عنى وحشه اوى ) والحمد لله بقيت كويس بس بعد ما تقريبا دمرت مستقبلى بعد ما كنت بطلع الاول على مدرستى اتفاجئت فى تانيه ثانوى انى عندى ملحقين رياضه وكيميا ورجعت الفكره الوحشه عنى تانى بس المره دى عشان ساقط ومش بذاكر

قررت امتحن المادتين دول فى سنه لوحدهم عشان اخد الدرجه كامله ( رجاله الثانويه هيفهمونى ) وكانت صدمه اكبر لما جيت يوم امتحان الكيميا واكتشفت انى مش عارف ولا حرف وهسقط تانى وقولت خلاص هاخدها معايا سنه تالته

دلوقتى اصحابى كلهم فى كليات وانا فى الثانوى لسه بس مش دى المشكله المشكله ان البنت اللى حبيتها باعتنى لما دخلت كليه طب وانا لسه فى ثانوى ووافقت على اول عريس اتقدملها بحجه انى لسه قدامى سنين على ما اخلص دراسه واجهز نفسى للجواز وكده

انا جدا من نظره اناس ليا كل حلمى ان الناس ترجع تحترمنى زى زمان

[™ luffy-san ™]

بصراحة انا مليش أمنية (بلا هدف )

نفسى ربن يرضى عنى و يصلحلى نفسى و يهدينى و يبعد عنى الأفكار الوحشة دى

و أجيب كلية كويسة أقدر أعيش بيها و أساعد نفسى فى الجواز و المعيشة و أساعد بابا و ماما فى الحج او عمرة على أد مقدر على شان يكفرو عن الزنوب اى زنوب أرتكبوها فى طريق كسب المال لينا للعيش فقط مش لحاجة تانية بأذن الله

[YError]

والله يا جدعان الواحد ما عارف يعمل ايه وانا اللي كنت فاكر نفسي مخنوق ومستقبلي بيضيع لقيت ان معظمنا كده

ربنا يهدينا ويريحنا وانا بجد مش عارف لحد دلوقتي انا عايز ابقي ايه

[_lala_]

نفسى اتجوز بسرعه

نفسى ربنا يصلح حالى وحالنا جميعاا
ونفسى البلد دى يكون فيها مكان لاولادها يعيشوا فيها
لانى من اول الناس الى نفسها تهاجر