شـريـط الاهـداءات |
|
|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
13-09-2012, 03:51 AM
|
#1 | ||||||||||||
   
|
  الأخوه الأعضاء والزوار اقدم بين يديكم الأن الجزء الخامس من قصه او روايه او اى حاجه ^^ ®©[♥]®][ حـــد لـــيـه شـــوق يـــســـافــر الــمــستــقـبل تـــانـــــى !! ][®[♥]©® وده الجزء الأول للى ما تبعش عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وده الجزء الثانى : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وده الجزء الثالث : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وده الجزء الرابع : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]  المكان : اشمون الزمان : 5.00 مساءا أحمد: هنروح على أنس ولا هنروح نجيب حاجات ؟ محمد: لا يلا نروح نظبط حالنا ونطلع على أنس عبدالله: انا عاوز افهم يا جدعان أحمد: طيب ما تستنى نشترى حاجات محمد: وبالمره يا عم احنا مش جايبين حاجه من جيبنا عبدالله: اه صحيح احنا معانا فلوس ولا بتاعتنا ولا اى حاجه سيبك من انس والمهمه دى ويلا نصرف الفلوس اهم حاجه أحمد: تعجبنى يا زميل ^^ محمد: امال ايه يبنى مش لازم نعمل الفنش ^^ عبدالله: امال جايين بلوشى احنا ولا ايه ؟ أحمد: انا اعرف يا خويا محمد: يا خوفى لا نلاقى فلوس تعبانه فى الأخر أحمد: لا يا عم متخفش دى مخابراااااات يابا عبدالله: بس بس هتفضحونا يخرب بيتكم وطى صوتك يا عم أحمد: خلاص يا عم قفلنا السرينه محمد: احنا فين دلوقتى ؟ أحمد: تقريبا فى الشارع الى كان بيودى على قسم الشرطه زمان عبدالله: ومتهيألى كمان اننا قربنا عليه محمد: بس هو فين مش باين ؟ ده كان كبير ايامنا أحمد: اكيد راح مكان تانى احسن ومؤمن اكتر عبدالله: تيجى نسأل ؟ أحمد: لأ يا عم يطلع لينا اشكال غريبه زى الى الواحد شافها فى الأهرامات ولما وصل هنا فكك محمد:على رأيك دول معوقين يا عم عبدالله: ((مستشفى الدكتور أحمد أسامه الفيومى )) ..... محمد: احمد الفيومى ؟ أحمد: مش ممكن ؟ بسم الله ما شاء الله المستشفى بتشغى زباين واحنا واقفين عبدالله: يا عم احمد حبيبنا وطول عمره مجتهد من صغره اكيد ربنا اداه أحمد: مش بنق والله ^^ ده انا بحسد بس محمد : يخرب بيتك اسكت العماره هتقع أحمد: خلاص يا عم سكتنا عبدالله: تيجى نخش نسلم عليه ؟ محمد: اه صحيح متيجى نخش نسلم عليه ؟ أحمد: يلا بينا  يدخل الثلاثه المستشفى ومن ثم يذهبون للأستقبال أحمد: لو سمحت يا أنسه ... المتحدثه : أنسه فى عينك أحمد: يخرب بيت البلاطه الى لسه فى دمكم محمد: معلش يا مدام ... المتحدثه : مدام فى عينك عبدالله: يا حول الله يارب امال نقول ليكى ايه ؟ مدام مش عجبك ولا أنسه عجبك ؟ امال نقولك يا برعى ؟ المتحدثه : برعى فى عينك قليل الأدب أحمد: يعنى مين معانا فى الأخر ؟ اذاعه الأف ام ؟ عبدالله: لا يا عم هتلاقيها من بتوع هنا القاهره ابو صوت طخين ده محمد: استنى يبنى انت وهو , احنا اسفين نقول لحضرتك ايه ؟ المتحدثه : انا أستاذه أعتماد أحمد: امال لو كنتى انجلينا جولى كنتى عاملتى فينا ايه ؟ عبدالله : وكمان اعتماد !! لا حول الله ومش عجبك برعى ؟ دول انقرضوا !! أعتماد : مين دول الى انقرضوا ,ومين انجلينا جولى دى هى كمان ؟ محمد: معلش خليكى معايا وسيبك من العيال دى أعتماد : أؤمر انت يا كابتن انت الوحيد الى مستريحالك من العيال دى عبدالله: اللهم ما طولك يا روح , عيال !! أحمد: يا عم عبدالله تعالى بدل ما الواحد يرتكب جنايه فى الست دى ويخش النار بسببها عبدالله: انا مش عارف احمد عينها هنا ازاى ؟ أحمد: معلش تلاقى ازمه بس فى المرور بتاع الستات مع ان شكلها يدى انه ست !! محمد: خلاص يبنى انت وهو روح روحوا استنوا هناك يذهب احمد وعبدالله الى كرسيين  عبدالله : شفت يبنى حتى الكرسى رابطينه هنا أحمد: طبعا ماهو الى يشوفها يهرب دى هتاكلنا محمد: لو سمحتى ممكن تدخلينا عند الدكتور أحمد يا استاذه أعتماد ؟ أعتماد : ممكن بس كشف ولا استشاره ؟ محمد: لأ قولى ليه بس اننا ولاد ناس قرايبه انا بن بن عمه أعتماد : طب اتفضل استريح بس بعيد عن الأشكال دى محمد: معلش اشكال واتحدفت علينا هنعمل ايه ^^ أعتماد : ربنا يكون فى عونك اعتماد تدخل الى داخل غرفه الكشف بينما يتوجه محمد الى عبدالله واحمد أحمد: ايه الخنقه دى يا عم ؟ محمد: ادينا عاوزنها تدخلنا بعد كده نمشى عبدالله: دى بسم الله ما شاء الله بربنط فى الكلام ! محمد: فككوا منها ....... مره واحد يضىء الجهاز فى يد احمد ويصدر صوت شبه تحذيرى ويظهر على الشاشه أنس أنس: ايه الى انتوا بتعملوه ده ؟ أحمد: ايه فى ايه ؟ عبدالله: جيت فى وقتك انا عاو..... أنس: سيبكم من اى حوار دلوقتى محمد: فى ايه ؟ أنس: مش لازم اى حد يعرفكم فى الماضى يعرف انكم موجودين دلوقتى نهائى مهما كان الظروف أحمد:بس ... أنس: مفيش بس انا اسف بس دى التوجيهات انتوا تخرجوا دلوقتى فورا وتيجوا هنا او تشوفوا هتعملوا ايه عبدالله: حاضر ما دام دى التوجيهات يخرج الثلاثه على الفور من المستشفى بينما تخرج أعتماد من الغرفه وتنظر اليهم بأندهاش وهم يغادرون أعتماد : ايه حركات العيال دى بقى ؟ كده بقى شكلى زباله الدكتور أحمد : فين دول ؟ أعتماد : جريوا الدكتور أحمد : نعم ؟ طب شوفى شغلك يا أعتماد أعتماد : أسفه يا دكتور الدكتور احمد : بس برده مين دول وقرايبى ؟  المكان : المخابرات العامه , غرفة التجارب المغطاه الزمان : 5.30 مساءا أنور : كله تمام يا فندم اتفضل حضرتك فى الغرفه دى اللواء محمود: تمام اتفضلوا يا حضرات الجميع يذهب الى الغرفه للمشاهدة التجربه اللواء محمود: لو سمحت الى فى غرفة التحكم يبدأ التجربه متحدث : دلوقتى يا فندم هيتم تشغيل اجهزة المراقبه زى الى عندهم تمام وبعد كده يا فندم هيتم تشغيل الهلوموفان الى طوله الموجى اقل من النانو متر اللواء محمود: بس فيه اصغر بكتير زى انتا تعرف اصغر طول موجى حاليا كام 1.616×10 ــ 35 يعنى 1.616 × عشره أس سالب 35 اللى انتا تعرفه بإسم ( ثابت بلانك ) طبعا الرقم ده تعدى النانومتر بمراحل المتحدث : وهى دى الفكره يا فندم اللواء محمود: ازاى ؟ المتحدث : بمعنى يا فندم اننا دلوقتى بنشتغل على الى هما عمرهم ما يتوقعوه لأن الكل فاكر اننا بنصغر فى الطول الموجى للموجات الى بتصدر من الهلوموفان واحنا بنعمل العكس بمعنى اخر ان الهلوموفان هنخليه يخالف كل التوقيعات وهى دى الفكره اللواء محمود: فهمت .. بس ده مش هيأثر على شغله ؟ المتحدث : اطلاقا يا فندم لأن ده قبل ما يتم تشغيله وبعد ما يتم تشغيله كله بيختلف حضرتك لأن المواد المشعه الى بتكون فيه وقت ما بيكون ساكن بتختلف لما بتشتغل ولما هتشتغل عمر ما حد هيعرف يوقفه بأذن الله اللواء محمود: على بركة الله... ابدأ التجربه يا ولدى المتحدث : تمام يا فندم دلوقتى هيتم اطلاق جهاز الهلوموفان وكأنه فى ايد احد عملائنا بعد ذلك هيتم فتحه اللواء محمود: على بركة الله يدخل احد الرجال الألين غرفه التجربه ويمر الى الداخل بجهاز الهلوموفان الشبيه بالكره البيضاويه ومن ثم يضعه منتصف الغرفه ويتركه ويذهب من حيث أتى المتحدث : نجحت اول خطوه هيتم الأن تشغيل الجهاز يصدر من الهلوموفان اشعة ولكنها ليست بصفراء بل اشبه باللون البنفسجى الخفيف وينتشر على هيئة موجات دائريه مسطحه فى كل مكان حوله المتحدث : وتم نجاح هذه ايضا اللواء محمود يصفق ومن ثم يتبعه الجميع فرحا بنجاح هذه التجربه اللواء محمود: مكافأه كبيره للفريق الى أشرف على تطوير الهلوموفان المتحدث : شكرا يا فندم هذا واجبى وليس أكثر اللواء محمود: انتم عملتم مجهود لازم تتكافئم عليه المتحدث : شكرا مره اخرى يا سيادة اللواء أنور : فيه مكالمة هامه لحضرتك يا فندم اللواء محمود: ادهالى أنور : مينفعش يا فندم لازم فى الغرفه المأمنه يذهباللواء محمود على عجلة من امره الى الغرفة المأمنه لتلقى المكالمه ويتبعه أنور الى غرفة المدير العام المكان : اشمون الزمان : 5.40 مساءا أحمد: انا عاوز اروح لأنس عبدالله: اخلص الفلوس الأول محمد: ده ببلاش يا عم تعالى بس نشوف نجيب حاجه عبدالله: يلا نروح المول أحمد: بس انا عاوز افهم ايه ده ؟ انا مش فاهم اى حاجه محمد: نخلص بس وبعد كده نروح ليه أحمد: خلاص طيب ماشى هتروحوا المول الى احنا شفناه واحنا جايين ؟ عبدالله: ايوه نخش نشترى كام طقم كده على كام حاجه نظيفه كده وناكل ونخلع محمد: ويا سلام لو فى سينما بقى أحمد: لا سينما ايه ؟ احنا نشترى ونخلع عبدالله: ماشى يلا بينا يمشى الثلاثه حتى يصلوا الى(( المول )) ومن ثم يدخلوه محمد: واااااااااو روعه اوى يا جدعان أحمد: فعلا ايه الأناره الجميله دى جايه منين دى ؟ عبدالله: مش عارف ولا كأن الجدران ذات نفسها الى بتنور محمد: طب سبكم من الأنبهار ده عشان الناس بتبص علينا عبدالله: معايا فلوس يا عم الى يبص يبص أحمد: عليا النعمه شكلنا هنمسح البلاط فى الأخر محمد: بلاط ؟ اه صحيح ايه الى احنا ماشيين عليه ده ؟ أحمد: ايه ده ؟ ده ولا كأنه بحر بنمشى عليه واحنا مش حاسيين عبدالله: ده زى ما يكون فيه بحر تحتينا بيفصله عننا ازاز بس وهو تحتينا أحمد: روعه الجمال ده .... يااااااااه يا جدى لو تشوف الحاجات دى محمد: جدك مين يا عم ؟ أحمد: يا عم بتخيل عبدالله: طب بلاش تتخيل وحيات ابوك ده لو شافه كان ممكن يجرى ليه حاجه أذكان احنا من كتر الجمال والدهشه دى مش ماسكين نفسنا امال جدك كان هيجرى ليه ايه أحمد: خلاص يا عم مكنش جدى يعنى ده جدى يا جدعان مش حد غريب محمد: طب هنروح فين دلوقتى ؟ أحمد: يلا نروح نشوف محلات اللبس عبدالله: بس يا ترى هى فين اصلا انا مش شايف حاجه ؟ محمد: فيه شاشة كبيره هناك فيه ناس عليها أحمد: ايه ده ؟ دول بيختفوا ؟ عبدالله: تعالى نشوف كده يذهب الثلاثه تجاه الشاشه ويروا قائمه كبيره بأسماء المحلات أحمد: فهمت انت بتختار وهو بيتم نقلك الى المحل على طول عبدالله: يا حلاوه يا ولاد ... فينك يا جدى محمد: ابو جدك على جده ما تسكت بقى يا عم اشكال ضاله على رأى اعتماد أحمد: يا عم اقعد افتكر سيره عدله ده حتى بيقولك المرأه كالفاكه لكل امرأه طعم ولون مميز دى عديمه اللون والطعم وحتى الرائحه محمد: بس المشكله ان الرجال بتحب سلطة الفواكه أحمد: ودينى ما تيجى عندى لمونه ارشها عليها لو عندى السلطه دى فعلا ... هى ناقصه يا عم انت شايفها كانت شبه المخبرين ازاى ؟ عبدالله: اه وحياتك شبه بتوع الغفر محمد: طب سبكم منها يلا هنروح اى محل طيب ؟ أحمد: اتكل على الله عاوزين نروح محلات الهدوم محمد: هممم .... اهوت النور سنتر ..... محمد يختفى عند ملامسته للشاشه عبدالله: يا صلاة النبى أحمد: يا حلاوه الواد اختفى بحجمه العائلى ده عبدالله: يلا يا عم وراه هو قال النور سنتر الى هو ده أحمد: يلا انت الأول عبدالله: عليا النعمه ما يحصل أحمد: يا راجل انت الكبير عبدالله: احم احم ماشى ماشى انا قلت كده برده أحمد: اتكل على الله يختفى عبدالله أحمد: استعنى على الشقى بالله ويليه أحمد ^_^ المكان : المخابرات العامه , الغرفة المؤمنه الزمان : 6.00 مساءا اللواء محمود: تحت امرك يا فندم المتحدث : ايه الأخبار يا محمود اللواء محمود: كله تمام يا سيادة الرئيس الرئيس : وبالنسبه للتجربه ايه نسبه نجاحها ؟ اللواء محمود: الحمد لله تمت يا فندم بنجاح ومفيش فيها عيوب الرئيس : طب نحمد الله اللواء محمود: بالنسبه يا فندم للجيش هل تم تجهيز الخطوط الدفاعيه التانيه ؟ الرئيس : يتم الأعداد ليها حاليا وتقدر تقول خلصت وبأذن الله هيكون كله تمام اللواء محمود: طب الحمد لله كده بقى عندنا 3 خطوط دفاع منهم 2 احتطياطى الرئيس : بس مش ده كله الى عندنا بس اللواء محمود: هل فيه جديد تانى يا فندم ؟ الرئيس : اكيد وهتعرف كل شىء فى وقته وانتهى الأتصال المكان : المول , اشمون الزمان : 6.00 مساءا أحمد: ايه ده انتوا فين يا جدعان ؟ عبدالله: الله يخرب بيتك هتفضحنا تعالى محمد: الواحد اتشفط وجه تانى أحمد: زحاليق مقضينها احنا بس تصدق حلوه محمد: طب يلا نشترى حاجتنا خلينا نروح لأنس نفسى افهم ايه الى احنا فيه ؟ عبدالله: ربنا يسهل يلا نخش نشترى شوية حاجات حلوه كده يدخل الثلاثه المحل ويقفون امام احد البروفات ومن ثم يشترون ثم يذهبون مغادرين المكان أحمد: انا هروح عند أنس مش هاكل ولا هعمل بتاع عبدالله: وانا كمان محمد: بس ... أحمد: مفيش بس بعد كده نشوف كرشك ده نأكله حاجه عبدالله: يلا بينا ندوس بقى على ايه عشان نخرج ؟ أحمد: تعالى نشوف الشاشه دى ونشوف الخروج يذهب الثلاثه الى الشاشه ومن ثم يغادرون المول خارجين الى الطرقات متجهين الى بيت أنس وبعد عشر دقائق يقف الجميع امام المنزل محمد: نرن ازاى طيب ؟ عبدالله: فى طريقه أسهل أحمد: فهمت ..... يا عمرررررررررررررررررر محمد: يخرب بيتك انت وهو ايه يبنى بتنده كده ليه ؟ أحمد: ياعم هيرد متخفش يخرج عمر من النافذه وينزل ليفتح لهم الباب عبدالله: شفت يبنى مفيش اسهل من كده بلا نرن ازاى بلا بتاع عمر : لحقتوا تخرجوا وتيجوا ؟ أحمد: عادى بقى جوله سريعه وجينا عمر : طب حمدالله على السلامه خشوا بيقول ليكم بابا فى الدور الأول واستنوه هو هيجى ليكم محمد: طيب تعالى دخلنا وقوله لو سمحت ينزل بسرعه عشان عاوزينه يصعد عمر السلالم بينما يدخل الثلاثه الدور الأول يمر 10 دقائق ويدخل أنس ويغلق الباب أنس: دلوقتى بقى ايه الى انتوا عملتوه ده ؟ أحمد: ايه الى حصل يعنى ؟ أنس: دخلتم المستشفى ليه وده واحد يعرفكم ؟ عبدالله: ايه الى هيحصل يعنى ؟ أنس: مينفعش حد فى المستقبل يعرف انكم موجودين هنا نهائى عشا... محمد: كمل عشان ايه بقى ؟ أنس: فى الأخر هتفهموا عبدالله: لا بقى ماهو مش هينفع شغل الألغاز ده أنس: ماهو لو انتوا عرفتوا كل حاجه هتبوظ فا لازم كل حاجه تيجى فى وقتها أحمد: وايه عيسى علوان دى ؟ ايه العصابه دى ؟ سيبك من الى فات انت مقولتش لينا على حاجه زى دى ليه ؟ عبدالله: ايوه صحيح ده الى عاوز اعرفه أنس: ده انتوا تحمدوا ربنا انكم معرفتوش اكتر من كده ومن حد تعرفوه كمان محمد: ايه ده يا عم فسر مش لغز هو احنا فيه ؟ أنس: انتم كنتم على بعد خطوات من بيت زميلكم القديم الى اسمه أحمد سالم ومن الممكن كان يشوفكم أحمد: طب وليه ممنوع ؟ أنس: بصوا هقولكم ... انتم مينفعش حد يعرفكم زمان يشوفكم عشان متغيروش المستقبل أحمد: بمعنى ؟ أنس: المعنى ده هتشوفوه فى الأخر عبدالله: يعنى ايه مش هعرف قصتى ؟ أنس: لا هتعرفها بس بعد ما تهدوا شويه عبدالله: مش عاوز اهدأ عاوز اعرف أنس: بس انتوا بقالكم يومين منمتوش تقريبا !! أحمد : عادى بس قول ايه الحوار ده أنس: انى حوار ؟ عبدالله: حوار العصابه الى انا فيه ده أنس: اها.. دى من حقكم تعرفوها محمد: طب احكى طيب أنس: تمام بصوا من حوالى 48 سنه كده عبدالله كلكم نسيتوه تقريبا ما عدا قليل وبقيتوا تسألوا عليه كل فتره وحتى اهلوا سفروا وفى نفس الوقت بدأ يتعرف على ناس مش تمام عبدالله: تجار السلاح ؟ أنس: مش للدرجه دى أحمد: امال ازاى ؟ أنس: بدأ يتعرف على اشخاص جروه للطرق الى بتودى على السلاح وهو من صغره اصلا زى ما انا اعرف على حد علمى انه بيحب السلاح محمد: انت هتقولى ده متشرد أنس: هو بقى ومحمد علوان دخلوا طريق السلاح ده عن طريق واحد تانى دخل معاهم وبدأو الطريق واحده واحده عبدالله: قصدك طريق الأتجار بالسلاح ؟ أنس: ايوه تمام ... وساعتها الى كان بيحاربك فى الكلام ده احمد ومحمد محمد: احنا ؟ طب ازاى ؟ أنس: قصدى ضده انه يرجع للصوابه تانى عبدالله: ونعم يبنى ^^ طيب وايه الى حصل ؟ أنس: ساعتها بقى انت كنت جبت انت ومحمد علوان اكبر صفقه تعتبر فى تاريخكم وجبتوا اسلحه جديده لسه وكانت من الممكن تعمل مشكله كبيره والأسلحه دى مش هنا فى اشمون دى بره بس فى حد عرف الكلام ده محمد: مين ؟ أنس: احمد هو الى عرف وساعتها بلغ على عبدالله عبدالله: اه يا بن التيت بتبلغ عليا الحكومه ياض ؟ أحمد: انا ؟ أنس: بلغ عليك يا عبدالله بس بلغ عليك المخابرات الى هو تابع ليها محمد: وساعتها زى ما البواب قال انه جت قوه من الشرطه اخدتهم ؟ أنس: لا مش بالظبط كده عبدالله: امال ازاى ؟ أنس: اتخطف ..... تم انتهاء الجزء الخامس بحمد الله الى اللقاء فى الجزء السادس قريبا جدا بأذن الله تعالى |
||||||||||||
|
| إعلانات google |
|
|
|
13-09-2012, 04:12 AM
|
#2 | ||||||||||||
  
|
الصراحه انا مقريتهاش كلها هبقي اكملها لما اجي من السفر بس والله بجد تسلم ايدك يا باشا مش عارف اقولك ايه والله انت قليل عليك كلمت فنان بجد تحفه تحفه |
||||||||||||
|
|
|
13-09-2012, 04:25 AM
|
#3 | |||||||||||||
|
اقتباس:
ثانيا توصل بالسلامه ثالثا بقى ^^ كملها براحتك ^^ |
|||||||||||||
|
|
|
13-09-2012, 05:37 AM
|
#4 | ||||||||||||
  
|
انا لسه مكملتش اما اكمل هديك اللي فيه النصيب 
|
||||||||||||
|
|
|
13-09-2012, 05:46 AM
|
#5 | |||||||||||||
|
اقتباس:
ماشى خد راحتك خالص |
|||||||||||||
|
|
|
13-09-2012, 05:53 AM
|
#6 | ||||||||||||
 
|
محجوز شوية و ملحوظة قرب الفترة بين الأجزاء , عشان كده بننسى خالص اللى فات 
|
||||||||||||
|
|
|
13-09-2012, 06:07 AM
|
#7 | ||||||||||||
  
|
انت مبدع .. كالعادة ابداع رائع جزء يستحق التقدير .. شكراً لك موري |
||||||||||||
|
|
|
13-09-2012, 06:49 AM
|
#8 | ||||||||||||||
|
اقتباس:
بس الحمد لله انا تمام دلوقتى وان شاء الله الجزء الى جاى يوم السبت بأذن الله اقتباس:
من بعض ما عندكم وشكرا لك على ذوقك وتقديرك للموضوع |
||||||||||||||
|
|
|
13-09-2012, 07:31 AM
|
#9 | ||||||||||||
|
تسلم صوابعك انت كل مره والله العظيم بتجييب حاجه احسن من الى قبلها بس يارب يكون الجزء السادس قبل يوم الاحد عشان المدارس :) تسلم بجد |
||||||||||||
|
|
|
13-09-2012, 07:33 AM
|
#10 | ||||||||||
  
|
قـمـ ـة الإبـداع والله
|
||||||||||
|
|
|
13-09-2012, 07:43 AM
|
#11 | ||||||||||||||
|
اقتباس:
وان شاء الله الجزء السادس هيبقى يوم السبت بأذن الله اقتباس:
تسلم |
||||||||||||||
|
|
|
13-09-2012, 08:38 AM
|
#12 | ||||||||||||
  
|
روعة ااستمر
|
||||||||||||
|
|
|
13-09-2012, 09:03 AM
|
#13 | ||||||||||||
 
|
معلم و تسلم
|
||||||||||||
|
|
|
13-09-2012, 09:22 AM
|
#14 | ||||||||||||
   Different
|
قمة الأبداع والله و في غاية الروعة .. بجد انتا مؤلف جااامد
|
||||||||||||
|
|
|
13-09-2012, 09:31 AM
|
#15 | ||||||||||||
 
|
ابداع
|
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
