.•°« كل ما تريد معرفته عن الـ Nuker تحت عنوان "جبروت مشرف" »°•.

[kastel]

حكومة و مشاغبي سيلك رود فور عرب ،،

اقدم لكم اقوى شرح لـ شخصية الـ Nuker بكل انواعها مفصله بين ايديكم تفصيلا دقيقا .





في البداية احب اوضح نظره عامه عن شخصية الـ Nuker :

الـ Nuker هو صاحب اعلى Damage في الشخصيات الصينيه كلها لانه بيعتمد اعتمادا اساسيا على القوى السحرية التي توجت تلك الشخصيه على عرش القوة الصينيه .

يتمتع الـ Nuker بالقدره على استخدام بل و التحكم في القوى الطبيعيه و السحريه و التي تتمثل في :
Fire - Lightening - Cold

كما اصبح الآن يمثل ركنا اساسيا من اركان البارتي بعد التحديث التي اجرته جوي ماكس على الـ Mastery Level الخاص بالشخصيات الصينيه و الذي سوف اتناول شرحه في هذا الموضوع .

تمتاز الشخصيات الصينيه عامة بالقدره على استخدام الـ Potions بسرعه فائقه تمكنه من البقاء حيا لاطول فتره ممكنه كما وضعت الشركة القابضه للعبه JoyMax الشخصيات الاوروبيه بين شقي الرحى ديفنس عالي و اتاك اعلى .

و تمتعت الشخصيات الصينيه عموما في الاآونه الاخيره بسكيلات كتير جدا تقدر تستخدمها و على رأسها شخصية الـ Nuker تحمل تتويجها على العرش بالاضافه الى Buffs مساعد اكتر مما كانت تستخدمه .





اطلقت JoyMax انفجارا في الشخصيات الاوروبيه بعد اعادة هيكلة نظام الـ Skills عند الشخصيات الصينيه و التي انقسمت الى الآتي :

1) Weapon : و تنقسم الى :
Bicheon - Heuksal - Pacheon

2) Force : و تعد كتله واحده الآن بحيث انك لو فتحت اي حجاه منها تلاقيها كلها اتفحت و تتفرع الى :
Cold - Lightening - Fire

3) Recovery : و التي تحمل اسم الـ Force قديما مع زياده في الـ Skills قمه في الروعه .

و حددت الشركة لكل لاعب حريته في اختيار اختيارين فقط لا ثالث لهما فمثلا اما ان يستخدم مثلا :
Bicheon - Recovery
او يستخدم Bicheon - Force و يعتبر هذا مسمى باطني لانه في الحقيقه اذا استخدم هذا البيلد سيصبح يتحكم في :
Bicheon - Fire - Cold - Lightening

اي تم فتح الاختيار اما الشخصيات الصينيه باختيار اربع انواع من الـ Skills للعب و التميز بيهم في حين انا الاوروبي يتحكم في اثنين فقط ! فيا لها مقارنه .





القوى الاساسيه التي يستخدمها الـ Nuker :

لا يوجد Nuker بلا Nukes ولا تتوافر الـ Nukes الا بالـ Force وبالتالي كل من اختار ان يحمل لفظ الـ Nuker فهو مجبر على اختيار الـ Force كقوى اساسيه للتمتع بما بها من مميزات و هبدأ في شرحها و بعدين هنريح من شرح الـ Skills شويه و ناخد مميزات و عيوب الـ Nuker عامة و من ثم شرح انواع الـ Nuker و ايه الـ Mastery المناسب اللي تقدر تستخدمه مع الـ Force .



اولا : الـ Cold : اساس بنية النيوكر الدفاعيه و تمثل ركنا هاما من اركان شخصية الـ Nuker و هيتم شرح الـ Skills شرحا تفصيليا ان شاء الله باللي هتحتاجه و اللي مش هتحتاجه .



ديه صوره عامه للـ Skills الخاصه بالـ Cold و التفصيل بين ايديكم :



Imbue الكولد و الـ Imbue هو عباره عن قوة بتستخدمها بتزود الدامج الواقع على عدوك و فيه 3 انواع من الـ Imbue واحد للـ Cold و ده و ظيفته انه بيجمد اللي قدامك او يبطأ حركته و بيوصل الدامج بتاعه لما تخليهم كلهم Max لـ 1445~2167 و ده احنا مش هنستخدمه لأ احنا هنستخدم واحد من اللي اتنين اللي جايين و لو معاك Sp زياده و مش عارف توديهم فين تقدر تفتحه و تغلس بيه عـ الناس و انت بتلعب Pvp . (اختياري)



سلسلة الـ Frost Guard مهمه جدا جدا جدا للشخصيات الصينيه عموما و الشخصيات الـ Int على وجه الخصوص اللي هيا الـ Nukers يعني بتسد عندك نقطة ضعف مهمه جدا و هي ان الـ Physical Defense عندك قليل الى حد ما و بالتالي هي بتلعب على انها تزود الـ Physical Defense بتاعك و بيوصل لـ 314 نقطة بتزيد في لفل 120 اذا كنت فاتح الـ skills بتاعتها كلها Max . (مهمه جدا و كلها Max)



سلسلة الـ Cold Wave و ديه عبارة عن موجه بترزعها في عدوك و بتصيب بنسبة 100% و بتبطأ حركته لفتره وجيزه . (لك حرية الاختيار في انك تنزلها او لأ بس انا شخصيا بستعملها لما بتزنق)



سلسلة الـ Frost Wall و ديه على حسب وجهة نظر اللي بيلعب بالشخصيه لان في ناس كتير جدا بتقول الـ Skill ديه مش مهمه لكن انا برضو بحبها طب واحد هيقولي بتحبها ليه انت تختلف عنهم فـ ايه ؟ اقولك لأ انا بحبها لانها بتعمل بلوره حوليك هي اه بتمنعك من الحركه لكن بتمتص كل الدامج الواقع عليك و لا كأن حد بيضربك و ليها HP معين ساعة ما ينتهي يبدأ الاتاك يجي فيك و لو شغلتها تاني ولا كأنك بتضرب و بيوصل الـ HP بتاعها في لفل 120 لما تبقى الـ Skill ماكس لـ 33509 تخيل انت رقم ظي ده انت تتفاديه و ميجيش فيك ! (ليك حرية الاختيار)



سلسلة الـ Frost Nova و ديه انا مش بحبها بس هشرحها ديه سكيل بتجمد اللي حوليك لمسافه قصيره و لفتره قصيره بتبطأ اللي واقف في الـ Range بتاعها بنسبة 100% و بتجمد حركته بنسبة 50% و برضو بتعتمد على المدى يعني انت و حظك يا صابت يا خابت . (بلاش منها احسن)



سلسة نيوكات الكولد و بكده بدأنا نتعمق في البيلد اللي احنا اخترناه لان النيوكات زي ما اتفقنا هي مهاراتك الاساسيه اللي هتعتمد عليها و نيوكات الكولد بتقسم لـ 3 انواع :

1) Snow Storm Ice Shot - Snow Storm Double Shot : و دول اللي هما الاولى و التالته و دول فكك منهم خالص ضعاف جدا و بلا فائده و حتى منظرهم معفن و انت بتستخدمهم بتبقى عباره عن كتلة تلج انت بتحدفها في العدو . (هتفتح اول واحده بس مره واحده بس عشان تعرف تفتح باقي الـ Nukes)

2) Snow Storm Ice Rain - Snow Storm Multi Shot : و دول مهمين جدا جدا جدا هما اه اقل دامجا من نيوكات الـ Fire & Lightening لكن النيوكات ديه بتصيب كذا و حش جنب بعض و لما Snow Storm Multi Shot تبقى ماكس ساعتها تقدر تصيب وحوش في مساحة 7 متر حوليك بمعدل 5 وحوحش و بتسبب 15% تثبيت و شل كامل للحركه و 30% تبطيء للحركه و بيصل الدامج بتاعها لـ 1072~1608 . (ماكس)

3) Snow Storm Destruction : و ديه سكيل عبيطه سيبك منها ما بتعملش الا دايرة جليد حوليك قال بتدمر قال ^^ و الدامج بتاعها ضعيف جدا ولا كأنك بتضرب Norma Attacks . (فكك منها)



الـ Snow Shield هي ديه دعامة الـ Cold كله ! اه يا سيدي والله هي الدعامه هي اللي الـ Cold اصلا بيتفتح عشانها طب ليه هي مهمه كده ؟
لانها بتمتص جزء من الدامج الواقع عليك و بيوصل لـ 66% من الدامج اللي واقع عليك بيتحول لـ نقص فـ الـ MP ة طبعا انت شخصية ماجيكال عندك MP كتير لكن المصيبه في الـ HP قليل جدا و بالتالي الـ Snow Shield هي اللي بتعوضك عن ده تخيل انت الـ HP بتاعك 10k و نازل عليك دامج بـ 10k برضو يبقى انت كده مع السلامه ميت طب لو فاتح الـ Snow Shield هتلاقي الدامج اللي واقع عليك بقى 4.4k فقط يعني اقل من نص الـ HP بتاعك . (مهمه جدا جدا جدا و كلها Max)



الـ Skill الـ Passive بتاعتنا و ديه غير قابله انك تستخدمها لكن هي قايمة بدورها طول الوقت و هو نفس دور الـ Frost Guard و لما تبقى Max بتزود الـ Physical Defense بتاعك بمقدار 314 نقطه . (Max)

كده انتهى شرح الـ Cold و تقريبا احنا عرفنا قد ايه هو مهم في انه يحافظ على الـ Defense بتاعنا و خاصة الـ Physical Defense على عكس الـ Fire اللي هنلاقيه بيزودلنا الـ Magical Defense و بكده انت محقق توازن من ناحيتين و لسه ناحية اللبس و السلاح كمان - هتفهم بعدين - و تبقى موسطن نفسك بين الـ Magical Defense & Physical Defense لكن بالطبع الـ Magical Defense هيكون اعلى من الـ Physical Defense وهتفهم ليه بس مش دلوقتي لما نخلص باقي الـ Force .





ثانيا : الـ Lightening : اساس سرعة الـ Nuker و كمان مسؤال عن رفع الـ Parry Ratio عند شخصية الـ Nuker بالاضافه طبعا للـ Nukes الجباره بتاعته .



صورة عامة للـ Skills الخاصه بالـ Lightening و التفصيل بين ايديكم :



Imbue الـ Lightening و ده اعلى في الدامج من الـ Imbue بيسبب الـ Electric Shock status و كمان قادر على انه يصيب اكتر من وحش في نفس الوقت و بيوصل الدامج بتاع و هو Max في لفل 120 لـ 1404~2607 . (بلاش منه)



سلسلة الـ Piercing Force و ديه مهمه جدا لانها بتزود الـ Magical Damage بتاعك و بيوصل لـ 22% زياده لما تبقى الـ Skills ماكس في لفل 120 . (مهمه جدا و لازم Max)



الـ Thunder Walk Series و من اسمها باين انها بتاعة حركه و مهمه جدا و هي نوعين :

1) Grass Walk Flow - Grass Walk Speed - Grass Walk God : و ديه Skill خاصه بسرعة الشخصية و مهمه جدا و لازم تزودها لانها بتخليك اخف في الحركه و تقدر تزوغ بسرعه كمان ^^ و بتوصل في لفل 120 ماكس لـ 120% زياده في سرعة حركتك . (Max)

2) Ghost Walk Phantom - Ghost Walk Shadow : و ديه سكيل لذيذه دا بتبقى شبة السحبه بل بالعكس هي اسمها بالعاميه السحبه بتاعة اللايت و ديه بتحسبك مسافه طويله بتوصل لـ 250 متر في لفل 120 لما تبقى ماكس في زمن اقل من الثانيه الواحده ! تخيل انت بقى . (Max)



سلسلة الـ Lion Shout و ديه اسرع ضربه فيكي يا سيلك رود سريعه جدا جدا جدا و مهمه جدا في انك تخلص على الوحش بسرعه اذا كان دمه بيخلص او تستعملها و انت بتعمل تاكسي لناس اقل منك هتطيرهم في اللفل بسبب سرعتك في الاتاك هي اتاكها مش جامد اوي بس سرعتها برقبة اي سكيل في سيلك رود كلها حتى البارد نفسه و بيوصل الدامج بتاعها لـ 1877~3485 في لفل 120 ماكس . (مهمه و كلها Max)



وصلنا لمهمة الـ Lightening وهي سلسلة الـ Concentration و ديه المسؤله عن رفع الـ Parry Ratio بتاعك و بيوصل لـ 43 نقطه زياده في لفل 120 لما تبقى ماكس . (مهمه جدا و Max)
طب ايه يا عم هو الـ Parry Ratio ده ؟
ده مقدار ما تفتديه من كريتكال بيجي عليك و الكرتكال بيبقى زي ضربه قيمتها مضاعفه و بتقع عليك بدامج عالي جدا ممكن تجيبك من ضربه واحده و وظيفة الـ Skill ديه انها بتعليلك الـ Parry Ratio عشان تققل نسبة الكريتكال اللي بتيجي عليك .



شغلتك وصلت ،، ديه تاني انواع الـ Nukes اللي هتلعب بيها و ديه اهم من نيوكات الكولد لانها اعلى في الدامج و بتصيب كذا وحش برضو زي الكولد بس ديه الدامج بتاعها بيوصل لـ 2364~4356 في لفل 120 . (كلها Max منغير ما تفكر)



سكيل الـ Passive اللي زي بتاعة الكولد كده بس ديه بتزود الـ Parry Ratio بمقدار 39 نقطه في لفل 120 لو كانت ماكس (و طبعا كلها ماااااكس)

كده انتهى شرح الـ Lightening و برضو عرفنا انه بيسيطر على السرعه من حيث نيوكاته السريعه و لعنات الاسد اللي هي اسرع سكيلات في اللعبه كلها بالاضافه للسحبه و السرعه و بيمحور الـ Lightening من حيث الـ Defense حول الـ Parry Ratio و عرفنا معناها .





ثالثا : الـ Fire : اقوى Imbue ،، اقوى Nukes ،، يقوم بالعمليات الثانويه للشخصيه و العمليات الثانويه اللي هي زي كشف المختفي ،، علاج الـ abnormal status و هكذا لكنه يعتبر هو عمود القوة بتاعتك .



صورة عامه للـ Skills الخاصه بالـ Fire و التفصيل بين ايديكم :



Imbue الـ Fire وهو ده الي احنا هنعتمد عليه لما يتمتع به من قوة خارقه تصل الى 1769~2949 في لفل 120 لما يبقى ماكس بالاضافه الى انه بيدي Burn abnormal status و على فكره الـ Imbue ممكن يستخدم بجانب اي سكيل عادي بهدف زيادة الدامج . (Max)



سلسلة الـ Fire Shield و ديه مهمه جدا بتقلل من نسبة الاصابه بالـ abnormal status مثلا :
Weakening Series - Restriction Series - Curse Series
و لما تعوذ تشغلها لازم تمسك Shield بعدين ممكن تشيل الـ Shield تاني عادي (مهمه جدا و Max)



سلسلة الـ Flame Body و ديه بتزود الـ Physical Attack بتاعك و قدامك اختيارين :

1) لو بتلعب Bicheon او Heuksal مع الـ Force يبقى لازم تفتحها عشان اللي اتنين دوول بيعتمدو على الـ Physical Attack Power و بتزودهولك و بتوصل لـ 11% زياده على الـ Physical Damage في لفل 120 . (ماكس)

2) لو اخترت تلعب Recovery مع الـ Force فـ في الحاله ديه ولا تلزمك بأي شيء لان اعتمادك كله هيبقى على الـ Nukes و مش هيبقى معاك اي Skill لـ Physical Attack من الاساس . (مرفوضه)



سلسلة الـ Fire Protection و ديه مهمه جدا لانها يتزودلك الـ Magical Defense ومهما كان عالي عندك برضو انت محتاج اي حاجه تزودلك Defense و خلاص و مهمه جدا جدا يا رجاله و بتوصل لـ 503 نقطة زيادة في لفل 120 و هي ماكس . (مهمه جدا Max)



سلسلة الـ Fire Wall بتقوم بنفس عمل الـ Frost Wall مع مراعاة ان الـ Frost Wall مع الـ Physical Damage فقط اما الـ Fire Wall مع الـ Magical Damage و بيوصل الـ HP بتاعها لـ 31701 في لفل 120 لما تبقى ماكس . (اختياري لو عايزها نزلها بس انا بفضلها عشان لو هتلعب مع واحد نيوكر زيك و اتزنق استخدمها)



اقوى نيوكات في الجيم كلها هي نيوكات الـ Fire بتحقق دامج عالي في الخصم و بتنقسم لـ 3 انواع :

1) Flame Wave Arrow - Flame Wave Bomb - Flame Wave God اول نيوك و عباره عن كتلة من نار بتحدفها على عدوك و لازم تفتحه عشان تعرف تفتح الباقي بالاضافه انك مجبر انك تفتح اول اتنين عشان توصل لاعلى نيوك في الفاير و آخر نيوك هينزلك و هو الـ Flame Wave God و بيوصل الدامج بتاعه لـ 2513~4189 في لفل 120 . (Max)

2) Flame Wave Burning - Flame Wave Hell Fire : تاني نيوكات هتنزلك في الـ Fire وديه برضو عباره عن كتله من نار بتحدفها بس كتله اكبر شويه و ممكن تصيب بيها كذا خصم . (Max)

3) Flame Wave Wide - Flame Wave Disintegrate : اهم انواع نيوكات الـ Fire و دول النزيك يعني ايه !
يعني كتلة نااار كبيرة جدا بتنزل على الخصم من السماء و بتصيب اكتر من خصم و لمسافه مش صغيره و مهمه جدا جدا جدا و الدامج بتاعه بيوصل لـ 2513~4189 في لفل 120 . (Max ومهمه جدا)



سلسلة الـ Fire Combustion و ديه مهمتها انها بتكشف الناس اللي يتختفي زي الويزارد و الداجر . (اختياريه عايزها عايزها مش عايزها افكس منها)



ديه الـ Passive بتاعة الـ Fire وبتزود الـ Physical Damage و بيوصل لـ 12% زياده قي الدامج و برضو قدامك طريقين :

1) لو بتلعب Bicheon او Heuksal مع الـ Force يبقى لازم تفتحها عشان اللي اتنين دوول بيعتمدو على الـ Physical Attack Power و بتزودهولك و بتوصل لـ 12% زياده على الـ Physical Damage في لفل 120 . (ماكس)

2) لو اخترت تلعب Recovery مع الـ Force فـ في الحاله ديه ولا تلزمك بأي شيء لان اعتمادك كله هيبقى على الـ Nukes و مش هيبقى معاك اي Skill لـ Physical Attack من الاساس . (مرفوضه)

و بـ انتهاء الـ Fire اللي اكتشفنا انو بيلعب على 3 حاجات اساسيه و هما الـ Physical Attack و بيزوده بالاضافه لما يتمتع به من Magical Damage و كمان العمليات الثانويه للشخصيه زي ما قولتلكو .



الى هنا انتهى الجزء الاول من الموضوع و هو شرح القوى الاساسية التي يعتمد عليها الـ Nuker .

هيتم بقى شرح اهم المميزات و العيوب في شخصية الـ Nuker عامة بعدين نفصص انواع الـ Nukers حسب القوى الاخرى اللي هيعتمد عليها و حسب بناء الشخصيه و لبسها و سلاحها في المشاركه القادمه بإذن الله ....

[kastel]

اولا : المميزات : تتميز شخصية الـ Nuker بعديد من المييزات توجتها على عرش الشخصيات الصينيه اجمعين بل و تفوقت على بعض الشخصيات الاوروبيه المماثله لها في النوع .

1) يحقق Magical Damage ساحق بالخصم حيث يتمتع باستخدام القوى السحريه .
2) اصبح ركنا اساسيا من اركان الـ Party بكل انواعه .
3) تقدر تسيبه بوت مع نفسه و لوحده لان الـ Defense عنده متوازن و كمان معاه Buffs مساعده كتير .
4) جاحد في التاكسيات بسبب الدامج العالي و الـ Lion Shout .
5) بالاضافه الى انه يشبه الويزارد معاه نوع تاني من الـ Skills بساعده و انت بتختار من بين :
Bicheon - Heuksal - Recovery
6) معاه Buffs لكل حاجه :
Magical Attack - Magical Defense - Physical Attack - Physical Defense - Parry Ratio - Speed - Abnormal Status Reducer
7) استنتج الباقي لوحدك :gossip:

ثانيا : العيوب : العيوب طفيفه لا تذكر ولكن لابد منها انهار تتكتب

1) الـ HP بتاع الشخصيه بيبقى قليل نسبيا .
2) الـ Defense بتاع الشخصية بيبقى قليل نسبيا لو انت مش مظبطه .
3) استنتج الباقي بس على ما أظن مش هتلاقي .





انواع الـ Nukers :

وصلنا لاهم جزء في الموضوع و هو شرح الـ Nuker نوع نوع بالتفصيل الممل و الـ Nuker يمكن تقسيمه حسب :

1) الـ Skill اللي انت هتلعب بيه و تقدر تختار بين 3 انواع زي منا وضحت فوق و ده انا مش همشي بيه .

2) البناء اللي انت هتسخدمه للشخصيه و هو ده اللي هشرح عليه .

بناء شخصية الـ Nuker بينقسم لجزئين اتنين لا ثالث لهما و هو انك تعمله :
Full Int - Or - Hybrid

طب معناه ايه الكلام ده ؟



Full Int : و هو انك ترفع كل نقط الشخصيه في الـ Int اللي هو الشريط الازرق و انت بتاخد 3 نقط اختياري في كل لفل و دول اللي انت هتوزعهم في الـ Int بالاضافه انك بتاخد نقطه في الـ Int و نقطه في الـ Str بتتحط تلقائي لما بتعلى لفل .

Hybrid : و ده بيبقى نسبه او نسب معينه بتحط شوية نقط في الـ Int و بتبقى الغالبيه و شوية نقط قليلين في الـ Str عشان يزود من الـ Defense بتاعك و الـ HP و لكن على حساب الـ Damage و هشرحه بعدين .





الـ Full Int عامة بيحقق Damage علي جدا لانه Pure بيزود نقاطه كلها في الـ Magic و بالتالي الـ Magical Damage عندو بيبقى ساحق و ده بينقسم لـ 3 فروع :

1) Bicheon - Force : و ده اللي هو S&S .
2) Heuksal - Force : و ده الـ Spear .
3) Recovery - Force : وده بيلعب بكل الاسلحه .





اولا : المميزات :

1) معاه Shield بتزود الـ Physical & Magical Defense بنسبة عاليه مش قليله .
2) الـ Shield ممكن تدي بلوك يعني الضربه متجيش فيك اصلا .
3) معاه Skills مفيده جدا في الـ Bicheon و هتتشرح كلها بإذن الله بالاضافه الى الـ Passive بتاعته بتزود نسبة الـ Block اللي الـ Shield بيجبها .

ثانيا : العيوب :

ليس الا ان Skills الخاصه بالـ Bicheon عباره عن مهارات Physical وانت الـ Physical عندك قليل لانك رافع كل النقط في الـ Int و لكن انت بتستخدم الـ Skills بتاعته مش عشان الـ Damage لأ عشان المميزات اللي فيها .

ثالثا : اللبس :

1) Protector : وده اللي يفضل انك تستخدمه لانه بيوازن بين الـ Physical & Magical Defense وبيديك سرعه متوسطه .



2) Garment : و ده بيحققلك الافاده القصوى من الـ Magical Defense اللي عندك لانه بيزود الـ Magical Defense زياده رهيبه لكن على حساب الـ Physical Defense بالاضافه الى انه بيديك سرعه قصوى .



رابعا : السلاح :

Sowrd & Shield

1) Sword : بيحقق دامج مش قليل في الخصم اللي قصادك .



2) Shield : بتزودك Physical & Magical Defense بالاضافه الى الـ Block اللي بتحققه .





خامسا : الـ Skills

هتفتح الـ Bicheon و الـ Force وانا شرحت الـ Force فوق يبقى فاضلك عندي الـ Bicheon .



الـ Bicheon : هو شبة اعتمادك الاساسي في الـ Pvp و هيلحقك مع الـ Giants & GP كمان عشان مميزات الـ Skills اللي فيه وليس الـ Damage .



ديه صورة عامه للـ Skills الخاصه بالـ Bicheon و التفصيل بين ايديكم :



سلسلة الـ Smashing Sword و هي عباره عن ضربتين بدائيتين لكن هتتضر انك تفتحها عشان بعد لفل 70 بداية من الـ Skill الرابع بتسبب نسبة Bleed في الخصم بتاعك بيوصل في لفل 120 لنسبة 25% لمده 30 ثانيه . (Max)



سلسلة الـ Chain Sword و ديه الـ Combo بتاعتنا بتوصل لـ 7 ضربات ورا بعض بسرعه كبيره بتسبب ضرر جامد في الخصم بالاضافه الى انها بتدي Bleed في لفل 120 بنسبة 15% لمدة 30 ثانيه . (Max)



سلسلة الـ Shield Technique و ديه بتنقسم الى نوعين :

1) Castle Shield - IronWall Shield - IronCastle Shield : و الـ 3 انواع دول بيزودو الـ Physical Defense بطريقة رهيبه جدا يستحيل تموت من شخص Physical لو انت فاتحها لمدة 15 ثانيه و بتوصل لـ 3056 نقطة زياده في لفل 120 . (مهمه جدا جدا و كلها Max)

2) Mountain Shield - Giant Shield - Sun Guard Shield : دول بيزودو الـ Block Ratio ضد الضربات الـ Physical بتوصل لـ 7 نقط لمدة 15 ثانيه زياده في لفل 120 و طبعا ملهاش اي لازمه لانك اولى انك تستخدم النوع الاول منها و كده كده اللي اتنين للضربات الـ Physical . (مرفوضه)



سلسلة الـ Blade Force و ديه حدفة سريعه جدا الـ Sword بتحدف الـ Sword بتاعك على الخصم و بتوصل في لفل 120 لـ 3 حدفات ورا بعض و بتصيب اكتر من خصم لو جنب بعض . (Max)



سلسلة الـ Hidden Blade و عندما نتكلم عن تلك السلسلة لابد من ذكر كلمة مهمه جدا جدا جدا و اعتمادك الاساسي في الـ Pvp لانها بتسبب Knock Down للخصم بنسبة 50% عدا الـ Skill الاخير متفتحهوش مفهوش Knock Down و بيتبعها سلسلة مهمه جدا و اللي هي الغزات و بتقدر تغز بيها اللي انت وقعته في الارض . (مهمه جدا و كلها Max فيما عدا الـ Skill الاخير)



سلسلة الـ Killing Heaven Blade و ديه سلسلة مهمه جدا تتبع سلسلة الـ Hidden Blade و بتغز بيها الخصم اللي انت وقعته على الارض بزيادة في الـ Damage بنسبة 150% لو الخصم واقع على الارض مع زياده في الـ Critical تصل لـ 15 نقطة . (مهمه جدا جدا جدا و كلها Max)



سلسلة الـ Sword Dance كل ميزتها انها ممكن تضرب من بعيد و انت معاك الـ Nukes بتضرب من مسافه ابعد منها و بـ Damage اعلى منها بكتيــــــــــــــــــر جدا . (مرفوضه)



سلسلة الـ Bicheon Force و ديه فكك منها خاااااااالص لانها بتسحب نسبة من الـ Physical Defense عندك و تزودلك الـ Physical Attack و انت اصلا الـ Physical Defense عندك قليل فملهاش لازمه خالص . (مرفوضه)



الـ Passive بتاعتنا و مهمه جدا جدا لانها بتزود الـ Block Ratio اللي بتنزل على الـ Shield بتوصل لـ 15 نقطه زياده في لفل 120 . (مهمه جدا و Max)



Celestial Protection و الـ Skill ديه مهمه جدا بس مش ليك لأ لـ افراد البارتي بتديها لـ اتنين من افراد البارتي بتوزع 60% من الـ Damage الواقع عليهم على افراد البارتي كلهم لمدة 5 دقايق قابله للتجديد . (مهمه جدا و Max الصيني بقى يدخل باتري بسببها)

كده انتهى شرح الـ Bicheon و اللي اكتشفنا انه عنصر مهم في الـ Pvp لما يميز الـ Skills بتاعته عن الـ Nukes بالـ Division و الـ Knock Down و كمان كانت الـ Skill الاخيره فيه هي السبب في دخول الشخصيات الصينيه للبارتي .





اولا : المميزات :

1) بيحقق Damage عالي جدا في الخصم اللي قصادك .
2) اعلى في الـ HP من الـ S&S لانه معاه Passive Skill بتزود الـ HP بتاعك .
3) معاه شوية Skills كويسه بتدي Stun و Knock Back .
4) استنتج الباقي بنفسك .

ثانيا : العيوب :

1) للأسف ممعهوش Shield تدي بلوكات او تزود الـ Defense .
2) استنتج الباقي بس برضو على ما أظن مفيش .

ثالثا : اللبس :

Protector : مفيش خيار قدامك غيره عشان تقدر تعوض النقص في الـ Physical Defense اللي بتسببه اختفاء الـ Shield من شخصيتك .



رابعا : السلاح :

Spear : سلاح كويس شكله نضيف و بيتميز بـ Damage عالي .





خامسا : الـ Skills :

هتفتح الـ Heuksal و الـ Force وانا شرحت الـ Force فوق يبقى فاضلك عندي الـ Heuksal .



الـ Heuksal : هو شبة اعتمادك الاساسي في الـ Pvp و هيلحقك مع الـ Giants & GP كمان عشان مميزات الـ Skills اللي فيه بالاضافه الى الـ Damage .



ديه صورة عامة للـ Skills الخاصه بالـ Heuksal و التفصيل بين ايديكم :



سلسلة الـ Annihilating Blade و هي عباره عن ضربه بدائيه مش قوية اوي يعني بتغز بيها اللي قدامك . (سيبك منها ملهاش لازمه)



سلسلة الـ Fanning Spear و ديه عباره عن Buff وبنتقسم لنوعين :

1) Bloody Fan Storm - Bloody Snake Storm - Bloody Ghost Storm : و الـ 3 انواع دوول بيزودو الـ Magical Defense بطريقة رهيبه لمدة 15 ثانيه مش هتموت و هي شغاله و اللي قصادك بيلعب ماجيكال و بتوصل لـ 3056 نقطه زياده في لفل 120 . (مهمه جدا و Max)

2) Bloody Wolf Storm - Bloody Demon Storm - Bloody Emperor Storm : و الـ 3 انواع دوول بيدوك Block Ratio ضد الضربات الـ Magical لمدة 15 ثانيه و بتوصل لـ 11 نقطة في لفل 120 ومنغير Shield على فكره لأ ده بتعمل سحابة من الرياح هي اللي بتسبب الـ Block و وطبعا ملهاش لازمه لانك اولى انك تستخدم النوع الاول كده كده اللي اتنين للـ Magical . (مرفوضه)



سلسلة الـ Heuksal Spear و دول عباره عن ضربتين جامدين جدا ورا بعض و مهمه جدا انك تفتحها و آخر اتنين بتسبب Dull بنسبة 10% في لفل 120 . (مهمه جدا و Max)



سلسلة الـ Soul Departs Spear و ديه من اهم الـ Skills اللي انت محتاجها و هتستخدمها كتير في الـ Pvp لانها بتدي Stun بتشل بيها حركة اللي قدامك بنسة توصل لـ 10% لمدة 5 ثواني في لفل 120 بالاضافه الى الـ Damage اللي بتحققه . (مهمه جدا و Max)



سلسلة الـ Ghost Spear Attack و ديه ضربة قويه جدا لازم كلها تبقى ماكس لانها بتسبب Knock Back للخصم بنسبة تصل لـ 40% و ممكن كمان توصل لـ 60% في لفل 120 . (مهمه جدا و كلها Max)



سلسلة الـ Chain Spear Attack و ديه الكومبو بتاعة الـ Spear بس فيها مشكله هي 7 ضربات ورا بعض بس لو دوست على اي Skill و هي شغال الـكومبو هيوقف و تعمل الـ Skill التانيه فـ سيبك منها انت اولى بوقتها تضرب فيه Skills اجمد منها . (مرفوضه)



سلسلة الـ Flying Dragon Spear حدفه مميته و قوية جدا بتحقق Damage عالي جدا في الخصم و هي عباره عن انك بتحدف الـ Spear بتاعك في الخصم و هتحتاجها جدا كـ استفتاح في الـ Pvp او استفتاح لقتل الوحش . (مهمه جدا جدا و كلها Max)



سكيل الـ Passive بتاعة الـ Spear و ديه مهمه جدا لان هي ديه اللي بتزودلك الـ HP بتاعك تعويضا لعدم وجود الـ Shield و بتوصل لـ HP زياده 6702 في لفل 120 لما تبقى Max . (مهمه جدا و Max)



Immortal Victor و الـ Skill ديه مهمه جدا بس مش ليك لأ لـ افراد البارتي بتديها لـ اتنين من افراد البارتي بتوزع 60% من الـ Damage الواقع عليهم على افراد البارتي كلهم لمدة 5 دقايق قابله للتجديد . (مهمه جدا و Max الصيني بقى يدخل باتري بسببها)

كده انتهى شرح الـ Heuksal و اللي اكتشفنا انه عنصر مهم في الـ Pvp لما يميز الـ Skills بتاعته عن الـ Nukes بالـ Division و الـ Knock Back و كمان كانت الـ Skill الاخيره فيه هي السبب في دخول الشخصيات الصينيه للبارتي .

[kastel]

[DeMooN_Hell]

انتا اللي عامل الفواصل ؟

[ScAry_MAN]

خرااااااااااااااافة متميز مع وسام التميز
5 نجوم و الله

[MịηaTσ]

مش خسارة فيكـ التقييمـ

رووووعـة يا حبى

استمــر

[™_ EthereaL_™]

جميل روعه


ناوي يكسب نفسه

[Ultra Games]

تسلم

[kastel]

تم شرح 30% من الجزء الثاني ^^

[HandSome]

لا جـــبروت جـــبروت

[manhard]

رائع تسلم ايدك
الي الامام

[Born_2_Chill]

ههههه ايه التميز ده.... دانتا غطيت علينا كلنا يا عم

[Born_2_Chill]

الحمد لله انك ما ينفعش تكسب

[_TheDevil_99]

فلللله شمعه منوره ‏‎:d

[kastel]

المشاركة الأصلية كتبت بواسطة _TheDevil_99 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

فلللله شمعه منوره ‏‎:d

نورت يا برنس

المشاركة الأصلية كتبت بواسطة Born_2_Chill عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الحمد لله انك ما ينفعش تكسب

المشاركة الأصلية كتبت بواسطة Born_2_Chill عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ههههه ايه التميز ده.... دانتا غطيت علينا كلنا يا عم

ده انا بشجعكو بس لكن محدش يقلق انا مش داخل ضمن المراكز ولا انا ولا المشرفين اللي معايا xD

المشاركة الأصلية كتبت بواسطة manhard عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

رائع تسلم ايدك
الي الامام

تسلم

المشاركة الأصلية كتبت بواسطة Out_Law عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

لا جـــبروت جـــبروت

طول عمري جبار يا قلبي

المشاركة الأصلية كتبت بواسطة ™spidy™ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تسلم

نورت

المشاركة الأصلية كتبت بواسطة Tiger_Man عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

جميل روعه


ناوي يكسب نفسه

تسلم لمرورك

المشاركة الأصلية كتبت بواسطة ™_Mostafa_™ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

مش خسارة فيكـ التقييمـ

رووووعـة يا حبى

استمــر

يا قلبي انت احن واحد في المنتدى و فاهمني ^^

المشاركة الأصلية كتبت بواسطة ScAry_MAN عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

خرااااااااااااااافة متميز مع وسام التميز
5 نجوم و الله

الاوسمه للاعضاء بس المشرفين كخه هههههههههههههههههه

المشاركة الأصلية كتبت بواسطة DeMooN_Hell عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انتا اللي عامل الفواصل ؟

اه انا هو ده اللي همك
طب اخلع بقى