الفرح فرحنا .. ولازم نجامل العروسة وأم العروسة كمان :)

[The_Mask]

لفترة دي فترة الافراح ..

والناس بتروح بتحضر حتى لو عندها ثانوية عامة !

فقولت لازم ننبه على الموضوع ده ..

موضوع ايه بقى ..؟؟؟

تعالوا نعرف مع بعض ..

الاول : ناس كتير عايزة تعرف ايه هو حكم اجابة الدعوة وخاصة في الافراح ؟؟؟

ادخلوا هنا وهتلاقوا الجواب الشافي ..

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]







ننتقل بقى للنقظة اللي انا عامل الموضوع علشانها ..

ألا وهي ..


رقص البنات في الافراح !!!


وطبعا ً.. هنحسن الظن في البنات ..

وهنقول انهم عمرهم نيفر ايفر ما هيرقصوا في أفراح مختلطة قدام شباب ..

ولكن المشكلة.. لما بيبقى البنات لوحدهم مع العروسة .. بتبدأ المهازل !

وطبعا مش محتاج أوضح لكم طبيعة المهازل دي ..

ولكن الموضوع بيتطور من الرقص الى خلع الحجاب وبعض الملابس والهزار السئ وما إلى ذلك ..

وده مش كلامي ..ده على حسب رواية شهود عيان من الافراح ..


وكل ده بحجة انهم بنات وسط بعض .. عادي يعني .. بييييس يا مان ..

لازم نفرّح العروسة .. هي هتتجوز كام مرة في عمرها ..؟؟!!

خلونا نرقص شوية ونفرفش حبتين ..

ونسيت البنت ان فيه واحدة صاحبتها واقفة في ركن الاوضة وماسكة الموبايل وعمالة تصور !!


البنت دي هتقولى : وايه يعني ؟؟ صاحبتي وبتصورني ؟؟

انت مالك انت يا عم الخنيق ؟؟!!


انا مش هرد عليكي ..
بس بعد كام يوم ..لما تلاقي الفديو بتاعك وانتي بترقصي مرفوع ومتشير على الفيس ومليون واحد شافوه ..هتعرفي ساعتها انا مالى ..

هتقولي : أبدا ً.. ده مش ممكن يحصل .. ده صاحبتي الانتيم ومش ممكن تعمل كده أبداااااااااا !!!

هقولك وهو صاحبتك بس اللي كانت بتصور ؟؟؟
يمكن انتي اخدتي بالك من صاحبتك ..
كان فيه عيل صغير بتاع 60 سم كده مش باين من الارض أصلا ..وسبحان الله تلاقيه ماسك n 95 وعمال بيصور !!!
وتلاقي برده الواد ده اللي لسه مطلعش من البيضة ده .. هو اللي مشير الفديو على الفيس تاني يوم ..!!


بلاش كده .. هنقول ان صاحبتك هي الوحيدة اللي كانت بتصور .. وصاحبتك دي فعلا مش ممكن تعمل كده معاكي ..

ولكن ..أخوها وهو بينقل نغمة من عندها ..شاف الفديو بتاعك ..قام نقله ع الموبايل بتاعه .. ودخل على الفيس ..
وشييييييييييييير يا رجالة ..




تخيلي لما أمة لا إله إلا اله والأمم الاخر تتفرج عليكي وانتي بترقصي ..؟؟؟!!!

انا مش هتكلم عن الذنوب والوزر وان كل واحد شافك والكلام ده كله ..

انا هقولك هل فيه شاب محترم بعد كده هيفكر فيكي كزوجة ؟؟؟؟

ولو كنتي متزوجة .. زوجك لو شاف الفديو ده ممكن يعمل فيكي ايه ؟؟؟؟

كل ده علشان ايييييييييه ؟؟؟

ليه تعملي كده ...؟؟؟

علشان صاحبتك هتزعل لو مش رقصتي معاها ؟؟؟

علشان طنط ام فاروق هتزعل منك لو مرقصتيش في فرح بنتها ؟؟؟



الكلام ده أنا مش بقوله من فراغ والله..
احنا عايشين الواقع المرير ده للأسف .. وكل شوية بنلاقي مشاكل ومصايب للبنات بسبب الموضوع ده ..!!


لسه من فترة أخت واحد زمليلي حصلها مشكلة وكان الموضوع هييتطور لخناقة كبيرة بين عيليتن ..
كانت في فرح واحدة صاحبتها .. وكان البنات في قاعة لوحدهم
وهي قامت بالواجب وزيادة يعني ..

وبعدها بكام يوم ..
لقت واحد بيتصل عليها وبيقولها انه معاه فديو ليها وهي بترقص ولو مقابلتوش في المكان الفلاني هينشره على اليوتيوب والفيس بوك ..
البنت طبعا خافت جداااااااا ..
ولما أتاكدت من الفديو ..كانت هتروح تقابل الولد ..
لولا ان مامتها شافتها قلقانه فسألتها فالبنت قالتلها على الموضوع..

فباباها راح للولد واتخانق معاه وكانت مشكلة ..

والواد في الاخر حذف الفديو من عنده على الموبايل ..
بس الله أعلم ان كان عنده على الجهاز ولا حد عند واحد صاحبه ولا في أي حتة ..!!!!!

والله المستعان ..




يا أختي البنت = حياء

والرقص وسط الناس ده حتى لو كانوا بنات ميدلش إن البنت عندها ذرة حياء ..

عايزة تجاملي صاحبتك أو قرايبك .. فيه ألف طريقة وطريقة ..

محبكش الرقص يعني !!!!

مش متخيل واحدة تيجي يوم القيامة وفي صحيفتها :

رقص 10 بلدي !!!!


الله المستعان ..




صوني نفسك يا أختي ..
واحفظي نفسك من فضيحة على الفيس والتويتر واليوتيوب قدام العالم كله !

الموبايل بقى أسوأ سلاح بيستخدم في الفضايح ..ربنا يبعد عنه شره يارب..

وربنا يستر بناتنا ونساء المسلمين أجمعين ..

اللهم امين..


اللهم إني قد بلغت .. اللهم فاشهد ..



أخوكي .. هنعيشها صح..

اه نسيت صلى على النبى ياض منك ليه .

[Kemo Eagle]

موضوع فى منتهى الاهميه

ربنا يستر على بنات المسلمين

[☜ ĂиTaKą ☞]

وهي قامت بالواجب وزيادة يعني ..

احب انا الواجبات دى اوووووووووووووووووى

مش متخيل واحدة تيجي يوم القيامة وفي صحيفتها :

رقص 10 بلدي !!!!

اه نسيت صلى على النبى ياض منك ليه .

عليه افضــل الصــلاه والســلام