اسهل وافضل طريقة وابسط الصور للكرافت :)

[MFA1486]

بسم الله الرحمن الرحيم

السلام عليكم ورحمة الله وباركته


Crafting


ال crafting هو صناعة الشئ او صياغته .. في انظمة العاب RPg يعتبر تلك النظام معقد ولكن في أيون تم تقسيمة ليصبح اقل تقعيدا واكثر متعه في وقت واحد .. ويتم استخدام ال crafting عن طريق مصادر الطبيعة بالتصنيع
اذا كنت في حياتك الحقيقة تريد صنع حذاء فانت ستحتاج ال جلد وان كنت تريد ان تصنع ثوبا فستحتاج الى النسيج
وان كنت تريد ان تصنع اسلحة ومعدات ستحتاج لمصادر مثل الحديد والمعادن واخري وهكذا في اساليب الحياة .. وفي لعبة Aion يوجد بها ايضا
تلك المصادر لان تدرس ايضا طريق الواقع والخيال .. ومن هنا تاتى فكرة crafting .. لذا ان كنت تريد صياغة وصنع شئ عليك جمع الموارد ( materials ) اللازمة لصياغة وصنع الشئ .. وتجميع تلك الموارد او طريقة الحصول عليها ليها طرق عديدة .. وايضا له مهارته الخاصة بمستوها الخاص ومطلوب منك ترقية تلك المهارات ايضا لذا هو يعتبر لعبة داخل للعبة
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اية التعقيد ده ... ؟ ممكن تبيسيط ..... ؟

حاضر هبسط الامور جدا .. بس الاول لازم تقراء الموضوع ده عشان لما اقول مصطلح تفهمة ودى نظره عامة مفصلة هتفيدك بكل التاكيد في موضوعنا وبشكل عام ايضا

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

خلاص ياعم عرفناه .. بسط الكرافت وهات من الاخر

بعد ما عرفت ان في مهارت للجمع .. هبسط الامر


تجميع الموارد بتحتاجة في صنع اشياء يدوية من صنع ايدك بتحتاجها لتفيدك او للتجارة والربح وعرضها في السوق والمزاد

عرفنا برضو ان الجمع نفسه ليه مهارتين مهمتين .. والمهارتين دول ليهم مستويات ودول شكلهم وبتجيب تلك المهارتين بشكل خاص ومهارت الكرافت بشكل عام من حرف K واختيار Craft ودول شكل المهارتين .. ومن الاخر دول اهم اثنين لازم تتعلمهم :)



ياعم ده يبتدى يرغي ياعم اية فيدتهم لما يعلو يعنى ؟

المهارت دي لو لحظت بتعلي بنقاط .. يعنى في الصورة السابقة مكتوب وليكن مهارة ومستوي Journeyman Aethertapping وعدد نقاطها 300 نقطة .. بتحصل على النقاط دي من خلال الجمع بيديلك خبرة مكتسبة ونقاط

فايدتها

الموارد بتطلب عدد نقاط معين والموارد النادرة والغالية بتطلب عدد نقاط كبير لو مش معاك النقاط دي هتكلف فلوس كتير عشان تشتري الموارد المتطلبة لصنع شئ هام ليك او تتاجر بية

سرعة الجمع .. للجمع ثوانى بسيطة لتحميل لو المهارة عالية هتلاقي الجمع بقي سريع جداااا في اقل من ثانية

تفادي نسبة الفشل .. للجمع نسبة فشل اذا كان مستوي مهارة الجمع نفس مستوي النقاط التى يطلبه المورد ممكن يكون في فشل في الجمع

طيب ازاي اعليهم بسرعة ؟

بشكل عام لما تجمع موارد محتاجة 300 ن وانته معاك 304 نقطة مثلا مش زي لما تقعد تجمع موارد 250 ن وانته مهارتك وصلت 304 نقطة هنا هتلاقي بطئ شديد في ترقية المهارة باختصار لما تجمع موارد في نفس مستوي مهارتك كلما زادت المهارة بشكل اسرع

وانته ماشى في الخريطة هتلاقي اماكن قريبة من القري فيها الموارد وكلما بعدت زادت النقاط التى تطلبها الموارد .. لذا كل 10 نقاط او 20 نقطة ابحث عن مورد جديد يناسب نفس المستوي الخاص بمهارتك

بشكل خاص مهارة Aethertapping دي موجودة فوق كل مدينة .. انته فيها وبالصعود اكثر لسماء هتزاد عدد نقاطها ومع التنقل الى مدن جديدة ستجد مستوي اعلي منها ودي بتعلي اسرع لان كل مورد بيدلك 5 اجزاء منه وكل جزء بنقطة وممكن من خلالها تعمل حاجة اسمها morph وده ممكن يحول الموارد الخاصة بال Aethertapping ل موارد اخري انته كنت بتجمعها من الارض

انته قلت هتبسط الموضوع وخلاص فهمنا الجمع فين بقي المكان اللى بعمل فية كل ده ؟
كما عرفت في الموضوع السابق ان الكرافت انواع انته هتختار النوع اللى ينسابك ويناسب احتيجاتك لو عايز فلوس جرب الكيمياء مع شئ اخر الكيمياء بتنتج رسائل بتدي بفات وحجات بتباع غالية في البوركر بجانب بتنتج اسلحة سحرية ولكن ما علينا قلت انواع لية لان لكل نوع غرفة وموجودين في المكان ده لاليوس والاسمودين

المكان الاول للاليوس في مدينة Sanctum في اخر المدينة فوق

المكان التانى للاسمودين في مدينة Pandemonium





لحظة واحده بقي دخلت الغرفة ولقيت معلم وبائع بتوع اية دول .. ؟

المعلم ده عشان تتعلم منه الكرافت المخصص اللى انته دخلت غرفته سواء طبخ او حدادة او كيمياء .. الخ
البائع ده بتشتري منه الموارد الخاصة ب Work order وايضا التصاميم Designs


ابتديت تقول كلام مش مفهوم تانى .؟؟

Work orderاسهل طريقة للكرافت عشان تعلي مهارة الكرافت بسرعة بدون تكاليف عالية
وهيا عبارة عن مهام بتستلمها من المعلم .. ولكل مهمة بيطلب عدد معين من نقاط مهارة الكرافت وبالتالي انته مثلا بتاخد مهمة
عايزة في الهاند كرافت مثلا 5 نقط وانته معاك في مهارة الهاند كرافت 5 نقط بتشتري الموارد بتاع المهمة من البائع وتعمل المهمة لحد ما تبقي 10نقط بيديلك مهمة 10 نقط تعملها لحد ما تزيد 20 نقطة وهكذا .. لما بتعمل المهمة بتاخد مكفاءة تصاميم او موارد

التصاميم Designs دي اللى بتجبها او بتشتريها او بتلقيها بتكون شكلها كالتالي



لما بتضغط عليها 2 كليك بتلقيها في مهارة الكرافت الخاصة بيك وشرحنا الجزء ده بشكل مبسط جدا في الموضوع الخاص برحلة محترف الكرافت مش هيكون ليك اهتمام بيها وانته بتعلي مهارة الكرافت الخاصة بيك
لكن هتبدى تبحث عنها لما تيجى تعمل متاجرة لحاجة معينة تكسب منها بدور على تصميم ليها وتصنعه بنفسك
او لو عملت سلاح نادر او فاجر زي ما بيقولو

ثانية واحده انته بتقول في طريقة سهله وسريعة لتعلية مهارة الكرافت وقلت Work Order قولنا ازاي نستخدمة وفايدته ؟

مفيش هتستلم المهمة وتشتري مواردها
بس لما تشتري اشتري كمية واعمل نفس المهمة مرة واثنين وثلاثة وكل 10 نقط بيديلك مهمة جديدة بمستوي اعلي يعنى مثلا
10 ل 20 ومن 20 ل 30 ومن 30 ل 40 وهكذا لحد ما تبقي 99 وترقي مهارة الكرافت بتعتك من عند المعلم
والكرافت ليه مستوايات واكيد عرفت ده في شرح الموضوع السابق للكرافت

فايدته

اول شئ تكليف اقل بدون تعب
البائع جنبك يعنى لا هتروح تدور على موارد
ولا هتروح تشتري من البوركر لو مكسل كل الموارد % موجودة مع البائع بنفس الغرفة
اسرع من نظام الافتراضى انك تعمل تصاميم وتعلي بيها
ارخص لانه التصمايم اللى بتنتجها في اول الفلات مش بتباع بسعر حلو في البوركر ومش هيكون ليها فايدة كبيرة معاك
وارخص ايضا لان الموارد ريخصة بنتى ^_^
بس ده هيعليك لحد 400 نقطة بعدها هتعلي بانك تشتري تصاميم وتعمل منها كمية

طيب انا بعد 400 نقطة اشتريت تصاميم وهعلي برضو اية الفايدة بقي ؟

في الحالة دى انته عليت بسرعة جدا وكسبت وقت
تانى شئ تكاليف اقل برضو بكتير مما كنت تتخيلة
ثالث شئ الشئ بقي اللى هتنتجه هيتباع معاك بمكسب مش بخسارة لان من 380 نقطة الاتيم والحجات اللى بتعملها بايدك
بيكون ليها قيمة وبتباع بسهولة في البوركر وبتدي تحس بحلاوة الكرافت :)

طيب انا خلاص فهمت ... بس بما انى هعلي ب Work Order وبالموارد اللى مع البائع المتخصص بالكرافت في نفس الغرفة
اية لازمة اني اجمع موارد واعلي مهارات الجمع واشقي فيهم ؟

بعد 380 نقطة .. في موارد غالية جدا مش هتقدر تعتمد على الشراء بس وكمان حتى لو اقل من 380 نقطة
تكاليف الموارد كبيرة لو روحت اشترتها من البوركر عشان تعمل تصميم معين

لحظة واحدة واشتري لية ما البائع بتاع ال Work order موجود ؟


الموارد اللى مع البائع مش مخصصة لتصاميم العادية او التصاميم اللى تنتج منها شئ تستفاد منه او تتاجر بية
بس بتحتاج احيانا وده نادر منها مورد او اثنين بس ده ناااااادر وعلى كل هيا مخصصة لمهام ونظام Work order

اول حاجة النظام ده مش بينتج شئ ده بس بيعلي الكرافت بانك بتنتج صناديق بتديها للمعلم
ومعمول عشان تعلي الكرافت بسرعة

اما الموارد اللى بتلمها وتجمعها دي اللى مطلوبة في انتاج وتصميم شئ انته عايزة

في تصاميم ممكن تطلب موارد باكثر من 100 مليون لو مهارة الجمع عندك عالية مش هتصرف مليم وهتجمعهم في اقل من نص ساعة لو هتعمل سلاح جامد او تصميم شئ وخلي بالك راجع فوائد الكرافت في موضوع رحلة محترف الحلقة الاولي


طيب خلاص فهمنا شرحت انته كل ده ومقلتش ازاي ابتدى في الكرافت يعنى الطريقة ؟

في كل غرفة ليها معدات عشان تبدي عملية الكرافت لازم تكون جنب اي واحده فيهم هيا نفس وظيفة حرف K > Craft بس لما تدوس عليها 2 كليك بيجبلك نفس القائمة الغرض لازم تكون جنب واحدة منهم عشان تبدي عملية الكرافت

وبالتالي هتكون مجهز كل الموارد المطلوب للتصميم وتابع الصورة القادمة مثال على غرفة الكيمياء




الصورة دي بتوضح بداء العملية



1 - ده الجزء الخاص بمهام Work order و p 350 دي عدد النقاط المطلوبة لتلك المهمة وهو نفس نقاط مستويا الموجود فوق في الشريط الاخضر
2- دي عدد المرات اللى هينتج فيها نفس المنتج 20 مرة
ملحوظة في مهام Work order هو محدد لية عدد معين لكن في ال Design بيبقي مفتوح على كمية الموارد اللى انته جايبها
في نفس الوقت بتقدر تكرر نفس المهمة لكن عملية الانتاج محددة عشان كده بتستلم المهمة اكثر من مرة
3 - دي الموارد بتاع المهمة اللى ادهالك
4 - دي الموارد اللى انته اشتريتها وبكميتها
5 - ده المنتج الاخير
6 القائمة الاسماء دي بيحدللك التصاميم اللى انته اشتريتها في جدول خاص عشان متهوش
يعنى السكورلات لوحدها البوشن لوحدها الاسلحة لوحدها .. الخ بحيث تسهل عملية البحث عن شئ عايز تعملة


في اسفل الصورة على اليمين تحت في كلمة نسيت اعلم عليها اسمها Craft All دي مش هتظهر الا ما تكون
واقف جنب مكنه التصنيع في خلي بالك من الموضوع ده


طيب ياعم الف شكر .. بس شئ اخير لو اشتريت Design وعملته بيتمسح من القائمة بمجرد انى اصنع شئ . وبطر اشترية تانى بعد كده ؟


لا بيفضل موجود التصميم في القائمة الخاصة بنوع الكرافت الخاص بيك وانته اللى ممكن تمسحة في اخر الصورة
على الشمال هتلاقي Delete Design ودي بتحدد التصميم اللى ملوش لازمة وعلى فكرة نص القائمة اللى انتو شايفنها دي 90 % منها مش مهم بس انا كنت بجرب بيهم حجات


بكده انا خلصت الموضوع واي سال انا موجود :)

[ScAry_MAN]

شرح رائع يثبت فترة :)

[™Ëxplõd™]

شرح جميل استمر

[MFA1486]

يسلمو ياشباب وتم تعديل الرابط ووضع موضوع الكرافت بالتفاصيل في القسم وتحياتى لكم

[عابر سبيل1]

السلام عليكم ورحمة الله وبركاته

اولا: الف شكر لك يالغلاا على هذا المجهود الكبير..
ثانيا: انا وصلت الكرفت الى 499p ..(تخصص Alchemy) وقام الماستر باعطائي مهمة.. ولكني لم اعرف كيف اعمل المهمة .. فارجوا ان تفيدني من خبرتك..وشكرا.