"هام جداً" بخصوص لاج الـGame

[HlSOKA]

اللعبة بقالها يومين رجعلها اللاج بتاع الـPT Matching والـTeleport وخصوصاً في Alex/Baghdad .. والصراحة احنا زهقنا .. اللعبة مابتقعدش اسبوع على بعض كويسة .. لازم نشوف حل .. حد عنده اقتراحات؟

انا عن نفسي بقترح الآتي :
1. نخلي حد يكتب على جلوبال كل سيرفر بيان قصير نوضح فيه مشاكل اللعبة واننا محتاجين الناس ترشح حد يتكلم بإسم السيرفر ويكون بيعرف انجليزي كويس طبعا
2. نخلي اللاعبين اللي تم ترشحيهم للتحدث بإسم السيرفر تطلع بيان لجوي ماكس بمطالب اللاعبين "ممكن تضمن المطالب إعادة مهمة التاجر للعبة وغيرها من الحاجات اللي اللاعبين هيقرروها وهتكون بالإجماع"
3. لو جوي ماكس ماحددتش وقت معين لتنفيذ المطالب ناخد احنا خطواتنا كلاعبين ضد الشركة "نعمل يوم معين مثلا الناس كلها ماتدخلش فيه احتجاجاً على الخدمة الرديئة اللي بيتم تقديمها مع ملاحظة التصعيد بخطوات اكبر من كده"

ياريت لو في اقتراحات زيادة الناس ممكن تقولها في الردود .. وياريت بلاش احباط .. احنا فعلا ممكن نعمل حاجة لو وقفنا مع بعض ضدهم .. احنا مش بنضيع وقت "احنا بنتسلى" وكمان بندفع فلوس في المقابل يبقى لازم ناخد خدمة عدلة

وياريت نشوف ردود افعال من مسئولين المنتدى اللي مش شايفلهم رأي في اي حاجة غير كلمة "الصبر" وكإنهم GM في اللعبة مش متضررين زينا "الغرض من الكلام ليس الإهانة ولكن عتاب لكم كـ اشخاص مسئولون ويجب ان تكونوا قدوة"

وبرضو ياريت بلاش احباط ^^

[peter.victor]

احنا ممكن بعته لشركه فى رسائل احسن

[HlSOKA]

تمام .. وده فعلا حصل كتير .. لكن اللي انا شايفه اننا لو عملنا حراك داخل اللعبة جامد هيبدأوا يقلقوا ويبطلوا موضوع تجاهل اللاعبين ده .. انما موضوع ارسال رسالة فردانية كده للشركة والله مابتمثلهم اي معنى ولا بيدوهم اي اهتمام

[_aswan_]

الناس اللى بتشحن سيلك هما اللى يهموا اصحاب اللعبة

لو 1000 واحد بس اللى دخلين اللعبة و بيشحنوا سيلك بالنسبة ليهم 100%

انتم لو مدخلتوش اللعبة مش مهمة المهم فى الاخر ان فية فلوس بتدخل عليهم

اضراب يوم بالنسبة ليهم مش مهم

حاول تجبر اللى فى اللعبة محدش يشحن سيلك لمدة شهر لو دة حصل اللعبة ممكن تقفل

و طبعا مش ممكن تقدر تعمل حاجة زى كدة دى احلام

ابعت رسائل شكوى من اللاج و طلب لنظام ال job القديم

[LuyEx2]

من وجهت نظري انا واحد بقالي 9 سنين بلعب الجيم دي بدئتها ايام مكان اخرها لفل 70 وبطلتها في 2009 و رجعتلها 2015 فى شهر 5 .. جوي ماكس دي لا تهتم بأي أراء بتاتاً و لا يهمه اى اعتراضات اياً كانت و السبب ان جوي ماكس عايزه تبيع اللعبه و مش لقيه حد يشتريها لسوء سمعتها .. فقررت انها تعمل حوار الـ Lag و الـ Bug عشان تخلي الناس تزهق و في خلال سنة 2016 مش هيبقي فى حاجة اسمها سلك رود

[abomohsen50]

معأإك ي زميلي
.

[GeZzZ]

فاكرين نفسكو في مصر هانعمل اعتصام
ياجدعان الجي ام عارف بالمشكله واكيد يعني مش هايموت لعبتو بيحاول بكل الطرق يحلها ومش عارف لي عاجز لكنه مش قادر يحلها
بخصوص التريدهياجدعان انتو لسه بتفكروا في تريده 5 سنين فاتو

[Hamza FiGo]

المشاركة الأصلية كتبت بواسطة _aswan_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الناس اللى بتشحن سيلك هما اللى يهموا اصحاب اللعبة

لو 1000 واحد بس اللى دخلين اللعبة و بيشحنوا سيلك بالنسبة ليهم 100%

انتم لو مدخلتوش اللعبة مش مهمة المهم فى الاخر ان فية فلوس بتدخل عليهم

اضراب يوم بالنسبة ليهم مش مهم

حاول تجبر اللى فى اللعبة محدش يشحن سيلك لمدة شهر لو دة حصل اللعبة ممكن تقفل

و طبعا مش ممكن تقدر تعمل حاجة زى كدة دى احلام

ابعت رسائل شكوى من اللاج و طلب لنظام ال job القديم

+1