مساعده صغيره ارجو الحل

[silkgood2]

اولا بعد طول انتظار الجهاز بتاعى ولع من الحر و بعد ما دورت كويس قررت انى اشترى لاب بدل ما اجيب ديسك توب تانى

المهم طبعا اشتريته بس مش بينزل بنظام تشغيل فاكيد وديته لواحد بتاع صيانه عشان يظبطهولى

بس اللاب عندى فى مشكله مبيدعمش اى اصدارات ويندس قبل 8 و 10 مش ضامن كل البرامج حتشتغل عليه او لاء

المهم قولت مش مشكله 8 قريب من 7 و حتبقى زى الفل

بس حاليا الويندس بيهيس بعد 4 ايام بس من الشغل عليه

انا مشترك فى شبكه مش عارف ادخل على النيتورك مع العلم الشبكه بتستخدم سيرفر نورثتيك

طبعا انا كنت طالب الهارد يتقسم على 2 برتيشن بس مقسمه على 3 و الحمد لله مينفعش اعمل دونلود لاى برنامج غير على الديسك توب بس

البرامج كلها عاوز يتعملها ابديت و للاسف طبعا الكراك بيروح فحاليا كل المتصفحات مش عاوزه تحمل اى حاجه -_-

و اكيد عشان منساش مفيش برامج نازله ولا عارف اشغل اى افلام او اغانى غير على الميديا بلاير

و كل ما اعرف اجيب برنامج يطلعلى ايرور بسبب نقص فى ملفات ال dll فى الجهاز

سؤالى بأه هو ده عيب من اللاب ولا عيب من الوندس ولا انا وديته لراجل مش فاهم ولا ايه ؟؟؟

و هل ممكن اعرف انزل انا وندس و اتعامل لو جبت نسخه نضيفه بس اجيب التعريفات منين

اسف انى طولت عليكم بس اخوكم مش عارف يعمل اى حاجه جبت اللاب وكسنى بدل ما يفرحنى :\

[3ashek El7ozn]

غير الويندوز كل ده مالهوش علاقة باللاب ,,
بالنسبة للتعريفات المفروض بييجى معاه تعريفات و اى لاب بييجى لازم اللى اشتريته منه يسطبلك عليه نسخة هو كدة مش مديك حقك ,,
لو مافيش اسطوانة تعريفات تقدر تعمل موضوع بنوع و موديل اللاب فى عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] واشوفلك تعريفاته ,,
استفسار تانى ؟

[silkgood2]

لا تمام حضرتك و شكرا على الاجابه غير الوندس ب7 و جبت التعريفات من على النت و كل حاجه اشتغلت زى الفل شكرا:mf_w0 0t1:

[3ashek El7ozn]

تم بحمد الله ,,