(* سلكروديات *) مع تحيات ( * angel2022 *)

[angel2022]

بسم الله الرحمن الرحيم

طبعا أكيد الكل قبل ميخوش الموضوع متوقع أن الموضوع كوميدى

وده صحيح

بس المره دلى مش انا الى حضحكو

أنتو الى هتضحكونى !!!!!!!!

هأولكو أزاى

فكره الموضوع أنك تخوش و تكتب أغرب يوم عشتو فى سلك رود

أو أكتر يوم حصلتلك فيه مفجأت

و تحاول تصيغ الروايه بشكل كومدى ( بس تكون أحداث الروايه حقيقيه )

و انا هشجعكو و أبتدى

صحيح ^^^

كل 10 قصص سوف يتم أختيار أكتر قصه كومديه

و وضعها فى رأس الموضوع مع أسم صاحب القصه

عنوان القصه بتعتى

( * يوم اليونيكات * )

أتمنى لكم و قت ممتع !!

بلا تعب...بلا ملل...ساظل...حتى اصل لاعلى المستويات...لأكون بين الصفوة...بل ساكون المختار...



اليوم قررت...الذهاب لأقتناص احد Unique ...همم..ندور مين إلى عليه الدور...نسأل الجيلد....لا احد يعرف....طب نسال اليونين...لا احد يجيب...طب نكتب فى العام....محدش بيعبرنى...ايه المؤامرة دى...و بعد العديد من محاولات Spam و البكاء و الوعيل على ارض هوتان...استجاب احدهم...انه Urchi تمام قوى...جالك الموت يا تارك الصلاه..انا الحمد لله دلوقتى لفل حاجة و سبعين....وهو لفل اربعين...يعنى حيتفرم...حدوس عليه بجزمتى...حخليه يندم على كل لحظة قداها فى السيرفر ده....

هههههههه ( ضحكة يوسف بيه وهبى مع قليل من اللون الأحمر على العنيين)

البوشن تمام...الزرق تمام...الولف جاهز...خريطة الأمكان الخاصة بيه تمام...ناقص ايه يا واد يا حمودى ناقص ايه...هممم..مش مهم دلوقتى...الميعاد قرب....هوووووب ( ركبت على الحصان ) درجن ردجن ردجن...همم استنى فين....هنا ؟ لا هنا احسن..لا لا..هنا ناس كتير...لا هنا بيظهر اكتر...هممم خلاااااص هنا كويس..

باقى على الميعاد...خمس دقايق...تلاثة دقايق............الأن.....هو فين...مظهرش يعنى....اصبر ياواد يا زيزو الصبر مفاتح الفرج....اكيد حيتاخر نص ساعة ولا حاجة..هو دايما بيحصل كده...طيب نستنى و ماله..و كل يهون عشان اسمك يكتب بالفونط العريض على كل السيرفر....همممم...طاطا...تررارارر..ايه الزهق ده...انا لازم اسلى نفسى شوية....هممم اعمل ايه ؟...اسيب الولف على الوحوش هنا اهو منها استعرض و منها اغيظ العيال إلى لفلهم واطى لسه...ايوة اشمعنى انا كان بيحصل فى كده....هههههههه ( ضحكة يوسف وهبى تانى ) ...ياسلام العيال كلهم اتخنقوا منى....ايه ده؟ مين إلى واقف جنبى ده....معجب ؟ شكله كده...طب فرصة شوف يااض الأنوار دى....طب بص الحركة دى....عجبتك ؟...ايه؟ هو مبيردش لييه؟

هو اتخرص من الأعجاب...10k plz ....هو انت منهم يااض يا ابن .....غوور قبل ما اعملها معالك...كتكم البلاء مليتم السيرفر....همم..يعنى النص ساعة فاتت و مظهرش المدعوء...طيب انا حريح على السرير...شوية...الواحد ضهره تعبه من القاعدة على الكمبيوتر....

ساعة...ساعتين....و نص كمان....اييييييييييه ....هو مظهرررررش ليه ؟ يمكن ظهر و انا مختش بالى...يمكن ايه بس دا انا بقالى 3 ساعات مرزوع قدام الشاشة مستنى ....اكيد انا اتزقيت فى ميعاد غلط....اهه لو امسك الواد ابن....إلى زقنى.....

همممم الناس بدأت تيجى...الظاهر الميعاد الصح بدأ يقرب...و بكل شفافية و صدق و امانة الفارس العربى الشهم...بدأت اقول لاى احد يسالنى او يعدى من جنبى...

" لا والله ده ظهر من نص ساعة...مش مشكلة تعوضها المرة الجاية يا كابتن "



"مين قالك انه حيظهر هنا....النهاردة فى EVENT و حيظهر جنب Jangan ...ايوة..يعنى انا حكدب ليه..انا واقف هنا مستنى واحد صاحبى جاى من ليبيا..."



"ايوة فعلا ظهر و لسه معدى من جنبى...ايوة شمال...علطوووووول...حتلاقى جبل..هو وراه علطول...و متنسنيش فى الحلاوة "



هممم..كده انا خلصت من الناس....فرصتى بقى هههههههه ( ضحكة يوسف وهبى تالت مرة )..

ايه ده ظهرررررررررررررررررر....هوو...ايه ده فين الحصان...اخخخ انا مجبتش غير حصان واحد ....وااااء..و انا برضه مقول انى ناسى حاجة....مش مهم..المهم ان القيه...شغلت السرعة.......هنا..لا...طب هنا لا...اومال هو فين ابن الرفضى ده...........اهوووووه...تمام قوى مافيش حد جامد....بسم الله... طراخ...خود....يااااع....قرب يمووت اهوه...اجهز ايدى على زار Print Screen عشان مش كل مرة ادوس Sleep ...مااااات......ايه مين ابن....فين اسمى..هو جه امته ده...دى كوسة...النتيجة دى مزروة...انا مطالب بإعادة تصحيح الورقة..اخ قصدى احتساب النقاط....ايه ده الناس بتبركلوا..اومال انا مرزوع من ثلاثة ساعات و نص مهبب ايه...حسبى الله و نعم الوكيل...عيل لسه لفل أربعين جه و خدو منى على أخر ضربه
حراااااااااااااااااام وااااااااء وااااااااااااااااااااااء
طيب رجعت هوتان..ماشى على رجلية...طبعا مش حزن..ده غصب عنى عشان مافيش حصان....و الخلفية اغنية اصالة.."متسالنيش...عن الاحزان...خلاص..كل إلى بينا خلاص..و أحلامنا بقيت دخان "

حتى الراديو ضمن المؤامرة دى....

مستنى رأيوكو فى القصه دى ( طبعأ أحداثها حقيقيه ) بس انا ضفت عليها بعض التعديلات

كأطار كومدى للقصه

و مستنى دوركو

ومستنى أول 10 قصص عشان ننقى احسن قصه منهم و نحطها فى أول الموضوع

سلااااااااااااااااااااااام

استنونى تانى مع مفجأت تانيه

مع تحيات : (* angel2022 *) زيـــــاد خــــالــــــد

و معانا ول قصه تفوز بعنوان

الواد النـــــــوووووووب

كتبها المشرف ( * kato * )

بص انا هكتبلك الحكايه بس باختصار شديد عشان انا رايه الامتحان حالا و معنديش وقت
انا كان فى بينى و بين ناس على السيرفر مشاكل و كانو عمالين يشتمونى جلوبالات , و طبعا كان لازم ارد بس مكنش معايا .
و لسوء الحظ مكنتش لاقى حد يبيعلى كمان . المهم و بعد انتظار لقيت واحد صاحبى كاتبلى اسم و اد و بيقولى كلمه و هو هيكتبلك , فكلمته لقيته بيقولى انت فين قلتله مش مهم اعمله من عندك , قالى انت فين ( و طبعا طريقه كتايته غريييييييييييييبه جدا ) المهم قلتله انى فى هوتان عند ال east gate ناحيه ال flower كده فلقيت واد نوووووووووووووووب لفل 25 بالكتير اوى جايلى , فالمهم قلتله يالا اعمل الجلوبال فلقيته باعتلى exchange فقبلته و اديته الجولد , فلقيته باعتلى تانى فقلتله فى ايييييييييييه
قالى مش راضيه تتحط قلتله هى ايه دى ؟؟ قالى الجلوبال
قلتله مينفعش تتحط اصلا . المهم لقيته راح عامل stall و بيقولى مش بتتحط
طبعا انا كنت ميت من الضحك . و مش عارف افهمه ازاى ....................
و بعد عزاب راح كتب اول جلوبال ده طبعا بعد عزاب فى انى افهمه ازاى يكتب الجلوبال ..
المهم انه مكنش عارف يكتب من الاعلانات اللى بتتكتب كل شوايه عشان مكنش عارف يشوف الكلام اللى انا بملهوله فلقيته خرج جرى مره واحد على ال flower و طبعا صاحبنا مات من لمسه .
و لقيته رجع و راح جارى على بره و مات تانى .
و رجع و جرى على بره و مات تانى .
و على كده بتاع 10 مرات و انا مش فاهم هو عايز يعمل ايه , لغايه ما اقنعته فى الاخر انه يقف مكانه .
و هسيبكو انتو بأه تتخيلو باقى الحكايه مع العلم انى اشتريت منه بتاع 20 جلوبال ساعتها

و منتظر القصه الثانيه