شوي اللحم الأحمر على الفحم أكبر عدو للمعدة

[sowrd_master]

ههههههه , اولاً انت جوعتنا يا مان , ثانياً احب اقولك ان البحث اللى طالع ده بينبه من الشقوق الحرة اللى بتتكون من حرق الفحم (و هى العامل الرئيسى فى الاصابة بالسرطان) , بس الناس دى مجتش هنا مصر و شافتنا و احنا بناكل طعمية , و اللى بتتحمر فى زيت بقاله 100 سنة فى قلاية الراجل و اللى بيتكون فيه الشقوق الحرة على حق و اللى يجيب الكافية فعلاً , و لو هما كانوا موجودين ف مصر كانوا طلبوا قرار جمهورى بعدم قلى طعمية نهائى و كانوا كلموا هيئة حقوق الانسان و طالبوا بأنقاذ 75 مليون مصرى من خطر الاصابة بالسرطان , فمتخافوش يا جماعة و قولوا زى الباقى سيبها على الله ( مش اعقلها و توكل على الله) و السلطة و الخضار فعلاً مهمين لأنهم بيحتووا على مضادات الاكسدة (مضادات للمواد اللى بتسبب السرطان) وسبحان الله الطعمية متتاكلش الا معها سلطة و ده طبعاً من ستر ربنا , اخر حاجة اقول الحمد لله على كل شئ و محدش يستغرب انى عارف الكلام ده لأنه كان محور دراستى :)